Deuteronomio - Free Bible Commentary

Ang kalayaan at pangangalaga! Ang lahat ng ibang sinaunang mga kodigo ng Near Eastern ay
humuhingi na kabayaran (at kasama nito ay maaaring kamatayan) ng mga nakatakas na alipin. Ang
Mosaikong kasunduan ay tumutuon sa karapatan at pangangalaga ng mahihina, walang lakas, itinatakwil
ng lipunan, at mahirap. Ang tawag-pansing parirala ay “ang balo, ang ulila, at ang dayuhan” (cf. 10:18;
14:29; 16:11; 24:17,19; 26:12,13; 27:19).
TEKSTO SA NASB (BINAGO): 23:17-18
17 Huwag kang magkakaroon ng masamang babae sa mga anak ng Israel, ni magkakaroon
ng sodomita sa mga anak ng Israel. 18 Huwag mong dadalhin ang bayad sa isang masamang
babae, o ang kaupahan sa isang aso, sa bahay ng PANGINOON mong Diyos sa anomang panata:
sapagkat ang mga ito ay kapuwa karumaldumal sa PANGINOON mong Diyos.
23:17 “masamang babae” Ito ay isang pambabaeng terminong “banal na isa” (BDB 873 I). Ito ay
nagpapakita ng presensya ng pagkultong prostitusyon sa Canaan (cf. Exodo 34:15-16; II Mga Hari
23:7). Gayunman, mayroong kaunting kahirapang arkeolohikong katibayan nito sa Canaan (cf.
NIDOTTE, tomo 1, p. 1124, #6). Kung mayroong pangkultong prostitusyon at ang mga kasuklam-suklam
na lumago din sa lupain ng Israel, ginagawa nitong silang lahat na mas masama (cf. Osea 4:11-14; Lucas
12:48).
“masamang babae” Ito ay isang panglalaking terminong “banal na isa” (BDB 873 I). Sa yugot ito,
isang lalaking patutot ay tinatawag na “isang aso” (cf. v. 18).
23:18 “at bayad sa isang masamang babae” Ito ay isang iba’t-ibang salita mula sa v. 17 (cf. Osea 9:1).
Ito ay ang karaniwang termino para sa isang katambal sa pagpapayabong na pagsamba (BDB 1072).
Mayroong ilang pagtatalo kung ang terminong ito para sa kultong prostitusyon sa 17 ay magkatulad sa
termino ng v. 18 o kung ang v. 18 ay tumutukoy sa hindi kultong prostitusyon (BDB 1072). Sa maraming
mga teksto, mayroong isang pagkakaiba, ngunit pagkakatulad dito ay tila may layunin. Ang mga
kabayaran siningil ay tinatangkang ibalik muli sa diyos (cf. Mikas 1:7). Tinatanggihan ni YHWH ang
lahat ng kita na mula sa sekswal na mga bayad!
“ang kaupahan sa isang aso” Ito ay ang singil ng isang lalaking patutot. Tinatanggi ni YHWH ang
lahat ng pagpapayabong na pagsamba at kita nito!
TEKSTO SA NASB (BINAGO): 23:19-20
19 Huwag kang magpapahiram na may tubo sa iyong kapatid; tubo ng salapi, tubo ng
kakanin, o tubo ng anomang bagay na ipinahihiram na may tubo: 20 Sa isang taga ibang lupa ay
makapagpapahiram ka na may tubo; nguni't sa iyong kapatid ay huwag kang magpapahiram na
may tubo: upang pagpalain ka ng PANGINOON mong Diyos sa lahat ng pagpapatungan mo ng
iyong kamay, sa lupain na iyong pinapasok upang ariin.
23:19 “Huwag kang magpapahiram na may tubo” Ang Hebreo sa literal ay “anumang kaunting
pagod” (BDB 675). Ito ay tinatalakay din sa Exodo 22:25 at Levitico 25:35-37.
23:20 Mayroong iba’t-ibang takdang mga pamantayan sa pagitan ng mga kasama sa kasuduan at mga
Hentil (BDB 648, cf. 14:21; 15:3).
“upang pagpalain ka ng PANGINOON mong Diyos sa lahat ng pagpapatungan mo ng iyong
kamay” Pansinin ang pagpapala ni YHWH, na nangangahulugang maging isang tanda na nagpapalapit
sa mundo sa Kanya, ay may pasubali sa pagsunod ng kasunduan ng Israel. Ang lumang kasunduan,
tulad ng bagong kasunduan, ay nakabatay sa biyaya, ngunit ang pagsasagawa sa mga pananagutan ng
273