Deuteronomio - Free Bible Commentary

Ang Hebreong salitang-ugat ay naging isang panggalang na titulo ng lingkod ni YHWH:
1. ang mga Patriyarka - Exodo 32:13; Deuteronomio 9:27
2. Caleb - Mga Bilang 14:24
3. Moises - Exodo 14:31; Mga Bilang 12:7; Deuteronomio 34:5; I Mga Hari 8:53
4. Josue - Josue 24:29
5. David - I Samuel 23:10; 25:39
6. Isaias - Isaias 20:3
7. Mesias - Isaias 53; Zacarias 3:8
8. Nebuchadnezzar - Jeremias 25:9; 27:6; 43:10
9. Cyrus - Isaias 44:28; 45:1
10. ang bansa ng Israel - Isaias 41:8; 44:1-2; 45:4
Ang mga sangunian sa vv. 26,27,28 ay nagpapakita na may pasubaling kalikasan ng pangako ng
Diyos (i.e., v. 26, YHWH ay kinuha sila palabas ng lupain; v. 27, sila ay ikinalat ni YHWH sa ibang mga
bansa; v. 28, nakita nila ang pagsamba sa diyus-diyusan noong una) at ang kahangalan ng pagsamba sa
diyus-diyusan!
4:29 “iyong hahanapin ang PANGINOON” Ang PANDIWA (BDB 134, KB 152, Piel GANAP) ay
nangangahulugang “hanapin” gaya nang pagpapanumbalik sa pangkasunduan pakikipag-ugnayan kay
YHWH, nasira dahil sa pagsuway. Ang pagsisisi ay nangangailangan ng lubos na pagsuko (i.e., “ng
lahat ng iyong puso at lahat ng iyong kaluluwa,” cf. 26:16; 30:2,10).
Ang pagpapatawad ni YHWH ay palaging makukuha sa tunay na pagsisisi (cf. v. 29-31; 30:1-3,10).
Ang tunay na pagsisisi ay hindi pagsalitang paglilingkod lamang, ngunit lubos na pananampalataya. Ang
pagsisisi ay isang pagbabago ng pamumuhay, hindi isang emosyon. Nakikita natin ang mga halimbawa
ng mababaw, maikling-buhay na pagsisisi sa Osea 6:1-3 at Jeremias 3:21-25.
Kung sila ay hinahangad Siya, matatagpuan nila Siya (cf. Jeremias 24:7; 29:13). Si YHWH ay hindi
mahirap. Inaasahan Niya ang Kanyang bayan na magpaaninag ng Kanyang katangian! Tingnan ang
Natatanging Paksa sa 30:1.
4:30 Hinulaan ni Moises ang paghihimagsik ng Israel, tulad ng kay Josue (cf. Josue 24:19-28). Ang
pagbagsak ay mayroong espirituwal na kapinsalaan sa kakayahan ng sangkatauhan na sundin ang Diyos
(cf. Roma 1-3; Galacia 3).
Pansinin na bagaman ang v. 26 ay tila nagpapahiwatig ng isang kagyat na kahatulan, v. 27 ay
nagpapahiwatig ng pagkatapos sa Assyria (722 B.C.) at Babylonia (605, 597, 586, 582 B.C.) at v. 30 ay
nagsasabi ng isang huling-panahon na tagpuan (“sa huling mga araw”). Ang Israel ay kailangang maugnay
sa kasunduan kay YHWH. Maaari niyang gawin ito sa pamamagitan ng pagsunod sa kasunduan (na
sinasabi ng Roma 1-3 at Galacia 3 na hindi matutupad) o siya ay maaaring gawin ito sa pamamagitan ng
bagong kasunduan pananampalataya/pagsisisi kay Hesus. Ang lahat ng mga mananampalataya ay dapat
manalangin para sa isang pangwakas na panahon na pagbabagong-buhay sa Hudyong bayan (maaaring
Zacarias 12:10 o Roma 11).
4:31 “ng PANGINOON mong Diyos ay maawaing Diyos” Para sa mga pangalan ng pagka-Diyos (El,
YHWH, Elohim) tingnan ang ang Natatanging Paksa sa 1:3.
Ang PANG-URING “mahabagin” (BDB 933) ay nangangahulugang “maawain” o “mahabagin.” Ito ay isa
sa maraming mga katangian ginamit upang ilarawan ang Diyos ng Israel. Tingnan ang Natatanging
Paksa na sumusunod.
NATATANGING PAKSA: MGA KATANGIAN NG DIYOS NG ISRAEL
1. Mahabagin (BDB 933) - Exodo 34:6; Deuteronomio 4:31; II Cronica 30:9; Mga Awit
86:15; 103:8; 111:4; Nehemias 9:17,31; Joel 2:13; Jonas 4:2
2. Mapagkaloob (BDB 337) - Exodo 34:6; II Cronica 30:9; Mga Awit 86:15; 103:8; 111:4;
76