Deuteronomio - Free Bible Commentary

taontaon sa iyong bukid. 23 At iyong kakanin sa harap ng PANGINOON mong Diyos, sa dakong
kaniyang pipiliin na patatahanan sa kaniyang pangalan, ang ikasangpung bahagi ng iyong
trigo, ng iyong alak at ng iyong langis, at ang mga panganay sa iyong bakahan at sa iyong
kawan; upang magaral kang matakot sa PANGINOON mong Diyos na palagi. 24 At kung ang daan
ay totoong mahaba sa ganang iyo, na ano pa't hindi mo madadala ng ikapu, sapagka't totoong
malayo sa iyo ang dako, na pipiliin ng PANGINOON mong Diyos na paglalagyan ng kaniyang
pangalan, pagka ikaw ay pagpapalain ng PANGINOON mong Diyos: 25 Ay iyo ngang sasalapiin, at
iyong itatali ang salapi sa iyong kamay at paroroon ka sa dakong pipiliin ng PANGINOON mong
Diyos: 26 At iyong gugulin ang salapi sa anomang nasain mo sa mga baka, o sa mga tupa, o sa
alak, o sa matapang na inumin, o sa anomang nasain ng iyong kaluluwa: at iyong kakanin doon
sa harap ng PANGINOON mong Diyos, at ikaw ay magagalak, ikaw at ang iyong sangbahayan;
27 At ang Levita na nasa loob ng iyong mga pintuang-daan, ay huwag mong pababayaan:
sapagka't siya'y walang bahagi ni mana na kasama mo.
14:22 “ikapu” Ang Mga Bilang 18 ay tumatalakay sa mga ikapu para sa lokal na mga Levita gayundin sa
mga saserdote sa punong dambana. Gayunman, ang talatang ito ay tumutulad sa kabanata 12 at tumutukoy
sa karamihan na may lokal na pang-agrikulturang mga isyu sa ikapu. Tingnan ang mga tala sa kabanata
12.
14:26 “At iyong gugulin ang salapi sa anomang nasain mo” Ito ay tumutukoy sa mga bagay na
kailangang ibigay na ikapu sa punong sambahan (dambana). Ito ay kahalintulad sa 12:20. Ang
pariralang ito ay naghahatid nang kabaliwan sa mga “legalista”! Ninais ni YHWH ang ating kaligayahan!
Nais niya itong ibahagi sa atin (cf. 12:7,18; 16:14; 27:7; I Cronica 29:22; Mga Awit 104:15; Ecclesiastes
2:24; 3:12,13,22; 5:18; 8:15; 9:7-9; Isaias 22:13). Ang NT ay pinalawak ang konseptong ito sa
pamamagitan ng maliwanag na paghahayag na wala sa pisikal na paglilikha ay madumi sa at ng kanyang
sarili (e.g., Mga Gawa 10:15; Roma 14:2,14,20; I Corinto 6:12; 10:23-26; I Timoteo 4:4). Hindi ito
nangangahulugan ng pagbibigay ng lisensya sa mga tao sa kasalanan, ngunit upang palakasin ang
Kristiyanong kalayaan mula legalismo at maling paghahatol (cf. Colosas 2:16-23). Gayunman, ang
malagong mananampalataya ay mag-iingat habang sa nalugmok na mundon ito, huwag gagawa na
maaaring ikatisod ng mas mahinang kapatid kung saan si Kristo ay namatay (cf. Roma 14:1- 15:13)!
“matapang na inumin” Ito (BDB 1016) ay alak kung saan ang ibang likas na maaasim na katas ay
idinagdag upang tumaas ang bahagdan ng alkohol (i.e. mas nakakalasing). Tingnan ang Natatanging
Paksa sumusunod.
NATATANGING PAKSA: ALKOHOL (PAGPAPAASIM) AT ALKOHOLISMO (PAGKAGUMON)
I. Biblikal na mga Salita
A. Lumang Tipan
1. Yayin - Ito ang pangkalahatang salita para sa alak (BDB 406), na ginamit ng 141
beses. Ang pinagmulang salita ay di tiyak dahil hindi ito nag-ugat sa Hebreo. Ito ay
laging nangangahulugang pinangasim na katas ng bunga, kadalasan ay ubas. Ilang
mga tipikal na sipi ay ang Genesis 9:21; Exodo 29:40; Bilang 15:5,10.
2. Tirosh - Ito ay “bagong alak” (BDB 440). Dahil sa ma-klimang kondisyon ng Near
East, nagsisimula ang pagpapaasim makalipas ang anim na oras matapos ang
pagkakatas sa bunga. Ang salitang ito ay tumutukoy sa proseso ng pagpapaasim.
Para sa ilang mga tipikal na sipi tignan ang Deuteronomio 12:17; 18:4; Isaias 62:8-9;
Osea 4:11.
3. Asis - Ito ay halatang isang alkohol na inumin (“matamis na alak,” BDB 779, e.g. Joel
189