Deuteronomio - Free Bible Commentary

PAG-AARAL NG SALITA AT TALATA
TALATA SA NASB (BINAGO): 29:1
1
Ito ang mga salita ng tipan na iniutos ng Panginoon kay Moises na gawin sa mga anak ni
Israel sa lupain ng Moab, bukod sa tipang kaniyang ginawa sa kanila sa Horeb.
29:1 “salita ng tipan na iniutos ng Panginoon kay Moises na gawin” Ito ang ikatlong talumpati ni
Moses sa Deutronomio (mga kabanata 29-30). Pinaalalahanan niya tayo na ang mga kautusang ito ay
mula kay YHWH, hindi sa kanyang sarili.
“bukod sa tipang” Ito ay tumutukoy sa tipan sa Bundok Sinai/Horeb (tignan natatanging paksa sa
1:2, cf. 5:2ff; Exodo 19-24) at sa mga kapatagan ng Moab (cf. 1:5; 5:1,3,5-26). Ito ay binaybay ng
malinaw sa Exodo 20-31. Ito ay muling pinambago sa Exodo 34; Deutronomio 29-30; at Josue 24. Para
sa “Tipan” tignan natatanging paksa sa 4:13.
TALATA SA NASB (BINAGO): 29:2-9
2
At tinawag ni Moises ang buong Israel, at sinabi sa kanila, “Inyong nakita yaong lahat na
ginawa ng Panginoon sa harap ng inyong mga mata sa lupain ng Egipto, kay Faraon at sa lahat
ng kaniyang lingkod at kaniyang buong lupain; 3 Ang mga dakilang tukso na nakita ng iyong
mga mata, ang mga tanda, at yaong mga dakilang kababalaghan. 4 Nguni't hindi kayo binigyan
ng Panginoon ng pusong ikakikilala at ng mga matang ikakikita, at ng mga pakinig na
ikaririnig, hanggang sa araw na ito. 5
At aking pinatnubayan kayong apat na pung taon sa
ilang: ang inyong mga damit ay hindi naluma sa inyo, at ang iyong panyapak ay hindi naluma
sa iyong paa. 6
Hindi kayo kumain ng tinapay, ni uminom ng alak o inuming nakalalasing:
upang inyong makilala na ako ang Panginoon ninyong Diyos. 7 At nang kayo'y dumating sa
dakong ito, ay lumabas si Sehon na hari sa Hesbon at si Og na hari sa Basan, laban sa atin sa
pakikibaka, at ating sinugatan sila; 8 At ating sinakop ang kanilang lupain at ating ibinigay na
pinaka mana sa mga Rubenita, at sa mga Gadita, at sa kalahating lipi ni Manases. 9 Ganapin
nga ninyo ang mga salita ng tipang ito, at inyong gawin, upang kayo'y guminhawa sa lahat ng
inyong ginagawa."
29:2 “buong Israel” Ito ay madalas na tumutukoy lamang sa mga matatanda, ngunit dahil sa vv. 1-13,
ito ay tila tumutukoy sa kabuuang bansa. Para sa “Israel” tignan natatanging paksa sa 1:1.
29:2-3 “Inyong nakita. . . sa harap ng inyong mga mata” Ito ay isang talinghaga (cf. 4:34; 7:19)
sapagkat ang mga tao na ito ay mga anak ng mga yaong nakakita (cf. Bilang 14:29). Ang mga talata 2-8
ay nagbubuo ng isang makasaysayang repaso gaya ng mga kabanata 1-4, na isang karaniwang elemento
ng Near Eastern mga kasunduan.
“ang mga tanda, at yaong mga dakilang kababalaghan” Ang mga terminong ito “tanda” (BDB
16) at “mga kababalaghan” (BDB 68) ay binanggit ng madalas sa Deutronomio (cf. 4:34; 6:22; 7:19;
11:3; 26:8; 29:2; 34:11) upang tulungan ang kasalukuyang henerasyon ng mga Israelita na alalahanin
ang makapangyarihan, mapangbiyaya na mga gawa ng pagpapalaya at probisyon ni YHWH (cf. vv. 5-7)
sa panahon ng Exodo at Paglalagalag na Ilang na Periyod.
29:4 “hanggang sa araw na ito” Ang pagkabulag ng Israel sa kanilang espesyal na lugar sa eternal na
planong pagtutubos ni YHWH ay hindi lamang isang sinaunang problema (i.e., v. 4), ngunit isa rin
kasalukuyang problema (cf. Mateo 13:14-17; Marcos 4:10-12; Lucas 8:9-10; Juan 12:36b-43; Gawa
28:26-27; at lalo na sa Roma 11:25-32).
Ang ebanghelyo ay inilarawan bilang paunang nadetermina at kaalaman sa una pa lamang ng Diyos
(cf. Gawa 2:23; pansinin rin 3:18; 4:28; 13:29). Tignan natatanging paksa : Ang Ebanghelikong
Pagkiling ni Bob sa 4:6.
328