Deuteronomio - Free Bible Commentary

kayo ng PANGINOON sa mga lungsod, at kayo'y malalabing kaunti sa bilang sa gitna ng mga
bansa, na pagdadalhan sa inyo ng PANGINOON. 28 At doo'y maglilingkod kayo sa mga diyos, na
yari ng mga kamay ng mga tao, kahoy at bato na hindi nangakakakita, ni nangakakarinig, ni
nangakakakain, ni nangakakaamoy. 29 Nguni't mula roon ay iyong hahanapin ang PANGINOON
mong Diyos, at iyong masusumpungan Siya, kung iyong hahanapin siya ng buo mong puso at
ng buo mong kaluluwa. 30 Pagka ikaw ay nasa kapighatian, at ang lahat ng mga bagay na ito ay
dumating sa iyo sa mga huling araw, ay magbabalik loob ka sa PANGINOON mong Diyos, at
iyong didinggin ang kaniyang tinig. 31 Sapagka't ang PANGINOON mong Diyos ay maawaing
Diyos; hindi ka niya pababayaan, ni lilipulin ka niya ni kalilimutan ang kasunduan sa iyong
mga magulang na kaniyang isinumpa sa kanila.
4:25 “nagluwat kayo ng malaon sa lupaing yaon” Ito ay hindi samakatuwid isang pansariling
pangako ng matagal na buhay, ngunit isang pangkalahatang pangako sa mga lipunan na mga magulang
ay magtuturo sa mga anak patungkol sa Diyos at ang mga anak ay igagalang ang mga magulang. Ang
mga matatatag na pamilya ang bumubuo ng mga matatatag na lipunan (e.g., vv. 9, 10,40 at 5:16,33).
“nagpakasama kayo” Ang PANDIWA (BDB 1007, KB 1469, Hiphil GANAP) ay nangangahulugang
“sirain” o “wasakin” at, sa pamamagitan ng matalinghagang karugtong, ito ay tumukoy sa mga paglabag
sa kasunduan (i.e., pagsamba sa diyus-diyusan, cf. 4:16,25; 9;12; 31:29).
“upang mungkahiin ninyo siya sa kagalitan” Ang pariralang ito ay isang Hiphil PAWATAS NA
PAGKAKAYARI (BDB 494, e.g., 32:21; I Mga Hari 15:30; 16:13). Muli, ang antromorpikong wika ay
naglalarawan sa reaksyon ni YHWH sa kasalanan ng tao! Tingnan ang Natatanging Paksa sa 2:15.
4:26 “aking tinatawag ang langit at ang lupa upang sumaksi laban sa inyo sa araw na ito” Ito ay
bahagi ng mga Tratado (Kasunduan) ng Heteo na Suzerain (pangangailangan para sa makapangyarihang
espiritwal na mga saksi, cf. Panimula sa Aklat, VII). Ito ang dalawang pinaka palagiang mga bagay sa
pisikal na paglilikha. Sila ay kadalasang tinatawag na sa pamamagitan ng Diyos na kumilos bilang mga
saksi. Ito gayundin ay nagpapaliwanag ng pangangailangan ng pangkautusang sistema ng Israel para sa
dalawang saksi sa isang panghukumang kaso (cf. Exodo 35:30; Deuteronomio 17:6; 19:15). Ang
parirala na ginamit ay kadalasang may kaugnayan sa pagpapatibay ng kasunduan kay YHWH (cf. 4:26;
30:19; 31:28).
“kayo'y malilipol na madali na walang pagsala sa lupain” Tingnan ang Deuteronomio 27-29,
ngunit pansinin ang teolohikong pagtitimbang ng v. 31. Ang walang tulong, nalugmok na sangkatauhan
ay walang pag-asa sa pangkasunduan pagsunod!
4:27 “pangangalatin kayo sa mga bayan” Ito ay tila pagtaya sa pagpapatapon ng pangkasunduang
bayan sa pamamagitan ng Assyria (722 B.C.) at Babilonya (605, 597, 586, 582 B.C.), na nahulaan sa
28:64 at 29:28.
“malalabing kaunti sa bilang” Ito ay isang bahagi ng mga kahihinatnan na nakapaloob sa pagsuway
ng kasunduan. Ito ay kasalungat sa kasunduang pagpapala na ipinangako kay Abraham sa Genesis 15:5.
4:28 “doo'y maglilingkod kayo sa mga diyos, na yari ng mga kamay ng mga tao” Ang PANDIWA
“paglingkod” (BDB 712, KB 773, Qal GANAP) ay ginamit sa kaunawaan ng pagsamba o pagtupad sa
pangkultong gawain:
1. paayon kay YHWH - Exodo 3:12; 4:23; Deuteronomio 6:13; I Samuel 7:3
2. pasalungat sa ibang mga diyos - Exodo 23:33; Deuteronomio 4:19,28; Josue 23:7; Mga Hukom
2:10,19; 10:6,10; I Samuel 22:10; I Mga Hari 16:31; II Mga Hari 17:12
75