Deuteronomio - Free Bible Commentary

4. namagitan para sa kasunduang bayan (cf. Juan 17)
Para sa isang mahusay na pagtalakay ng tungkulin ng propesiya sa Israel tingnan ang How To Read
the Bible For All Its Worth nina Gordon Fee at Douglas Stuart, pp. 184-189. Ang pangtulong na
pagtalakay na ito ay nagpapatuloy sa pagtalakay sa mga pagpapaliwanag ng mga talata at mga aklat ng
propesiya, pp. 189-204.
18:16 Ito ay nagpahahayag ng pagtatagpo ng Israel at niYHWH sa Bundok Sinai (cf. Exodo 19- 20). Ang
tuwirang kapahayagan mula sa Diyos ay isang nakakasindak na bagay (cf. Exodo 20:18-21)! Ang bayan
ay nangangailangan ng tagapamagitan!
Ang kontekstong ito ay, sa isang kaunawaan, isang maramihang pagkakatupad ng propesiya. Ito ay
maliwanag na tumutukoy sa inuulit na gawain ng propeta sa pambansang buhay ng Israel (cf. TEV). Ang
hari at saserdote ay mula sa isang pamilya, ngunit ang mga propeta ay isa-isang tinatawag ng Diyos upang
mamagitan sa Kanyang kasunduan sa bawat bagong salin-lahi. Gayunman, ito rin ay nagtuturo sa
natatanging tagapagsalita ni YHWH (Hebreong PANG-ISAHAN, vv. 15,18 at ang puna sa 34:10, i.e., ang
Nagdurusang Tagapaglingkod, ang Mesias). Ito ay isa tagapagsalita sa Genesis 3:15; 49:10; II Samuel
7:12-13,16; Isaias 7:14; 9:1-7; 11:1-5; Daniel 7:13; 9:25; Mikas 5:2-5a; Zacarias 9:9. Pansinin din ang
Juan 1:45 at 5:46.
18:17 Ang katulad na kataga, “sila ay nakapagsalita nang mainam,” ay matatagpuan din sa 5:28, ngunit
hindi sa Exodo 19-20. Kaya nga ito ay di-naitalang kapahayagan. Dapat nating tandaan na ang Bibliya
ay bahagi lamang ng salita sa Diyos. Sa pamamagitan ng pananampalataya, ang mga mananampalataya
ay nagpapahayag na ang lahat ay kailangan para sa buhay at doktrina ay isinama, ngunit ito ay hindi
lubusan. Sa kaunawaang ito, ito ay katulad ng mga salita ni Hesus (cf. Juan 20:30; 21:25).
18:18 “Aking palilitawin sa kanila ang isang propeta” Ang PANDIWA (BDB 877, KB 1080, Hiphil DI-
GANAP) ay madalas gamitin sa panglayunin, pangkasunduang mga pagkilos ni YHWH sa kasaysayan
(e.g., Genesis 6:18; 9:9,11,17; 17:7,19,21; Exodo 6:4; Deuteronomio 18:15,18; 28:9; Mga Hukom
2:16,18; 3:9,15; I Samuel 2:35; I Mga Hari 9:5; 11:14,23; 14:14; II Cronica 7:18, atbp.).
Si YHWH ay nakapangyayari sa kasaysayan, gaya ng mga hinulaang propesiya, tulad ng isa na
tumutukoy kay Hesus (pansinin din ang Mikas 5:2) ay maliwanag na ipinapakita. Ang Bibliya lamang
ang “banal na aklat” na naglalaman ng propesiya!
“Aking ilalagay ang aking mga salita sa bibig niya” Ito ay tumutukoy sa kanya na nagsasalita ng
mensahe ni YHWH! Siya ay magsasabi lamang ng mga ipinapahayag sa kaniya ni YHWH (na
pinagtibay ni Hesus, cf. Juan 3:34; 12:49; 14:10; 17:8).
18:19 Tayo ay may pananagutan na kumilos sang-ayon sa kalooban ng Diyos nang minsang malaman
natin ito. Ang tunay na tanong ay kung papaano natin malalaman ang totoong nagsasalita para sa Diyos
(cf. v. 21) Ang mga talatang 20-22 ay isang bahagyang sago. Mayroong iba pang pamantayan (cf.
Deuteronomio 13:1- 2; 18:20-22; Mateo 7; I Juan 4:1-6). Ang talatang ito ay sinipi sa Mga Gawa 3:32-
23!
18:20-22 Ang mga tagapagsalita ng Diyos ay makikilala sa pamamagitan ng (1) pagsasalita sa pangalan ni
YHWH, not ang mga pangalan ng ibang diyos (cf. 20); (2) ang pagiging tama ng kanyang mga pahayag
(cf. v. 22); at (3) ang Deuteronomio 13:1-2 ay kailangan ding maisaalang-alang ang sapagkat ang
pakikitungo ng Diyos sa Israel ay nakabatay sa kanilang espritwal na pagtugon.
Ang isa ay namamangha kung papaanong ang mga makabagong tagapakinig ay hahatulan ang isang
propeta kung ang kanilang prediksyon ay lagpas sa kanilang panahon. Gayundin, ano ang patungkol sa
propesiyang may pasubali na nakabatay sa isang nagsisising pananampalatayang pagtugon ng bayan ng
panahon kung saan ito ay ipinapahayag (i.e., Jonas)
Ang pasubok sa kanilang nag-aangkin na nagsasalita para sa Diyos ay hindi madali. Ito ang ilan sa
233