Deuteronomio - Free Bible Commentary

2. Ang ipinapalagay ng Ehipsyong etimolohiya ay tumutukoy sa isang lupain, hindi isang lawa
F. Suph ay maaaring nanggaling sa Semitikong ugat na “dulo” at tumutukoy sa mahiwagang dikilalang
mga tubig sa timog (tingnan si Bernard F. Batts, “Red Sea o Reed Sea What Yam Suph
Really Means” in Approaches to the Bible, tomo 1, pp. 291-304).
TEKSTO SA NASB (BINAGO): 1:41-46
41 Nang magkagayo'y sumagot kayo at sinabi ninyo sa akin, Kami ay nagkasala laban sa
PANGINOON, kami ay sasampa at lalaban, ayon sa buong iniutos sa amin ng PANGINOON naming
Diyos. At nagsipagsakbat bawa't isa sa inyo ng kanikaniyang sandata na pangdigma, at kayo'y
nagmadaling sumampa sa bundok. 42 At sinabi sa akin ng PANGINOON, Sabihin mo sa kanila,
Huwag kayong sumampa, ni lumaban; sapagka't ako'y wala sa inyo; baka kayo'y masugatan sa
harap ng inyong mga kaaway. 43 Gayon sinalita ko sa inyo, at hindi ninyo dininig; kundi kayo'y
nanghimagsik laban sa utos ng PANGINOON, at naghambog at umakyat sa bundok. 44 At ang mga
Amorrheo na tumatahan sa bundok na yaon, ay nagsilabas na laban sa inyo, at kayo'y hinabol, na
gaya ng ginagawa ng mga pukyutan, at kayo'y tinalo sa Seir, hanggang sa Horma. 45 At kayo'y
bumalik at umiyak sa harap ng PANGINOON; nguni't hindi dininig ng PANGINOON ang inyong tinig,
ni pinakinggan kayo. 46 Sa gayon, ay natira kayong malaon sa Cades, ayon sa mga araw na inyong
itinira roon.
1:41 “Nang magkagayo'y sumagot kayo at sinabi ninyo sa akin, Kami ay nagkasala laban sa
PANGINOON, kami ay sasampa at lalaban” Ito ay tila pagsisising may kaugnayan sa kinahihinatnan.
Sa teolohiya, ito ay nagpapakita na maraming beses, ang isang nasayang na pagkakataon, dahil sa dipananampalataya,
ay hindi na maipapanumbalik. Ang kontekstong ito ay maliwanag na ipinapakita na
hindi sila sumusunod kay YHWH (cf. v. 43). Ang teolohikong katotohanang ito ay ang pangunahing
pagtuon sa marami sa mga pangkasaysayang salaysayin sa OT.
1:42 “ako'y wala sa inyo” Ang susi sa pagtatagumpay ay hindi ang kanilang panghukbong lakas, ngunit
ang presensya ni YHWH (cf. v. 43).
1:43 Panisinin ang magkakatulad na paglalarawan ng Israel:
1. “Hindi ka nakikinig” - BDB 1033, KB 1570, Qal GANAP
2. “Ikaw ay naghimagsik laban sa kautusan” - BDB 598, KB 632, Hiphil DI-GANAP
3. “Kumilos nang pangahas” - BDB 267, KB 268, Hiphil DI-GANAP
Kung ang Israel ay nakinig nang mag maaga kay YHWH at ginawa ang mismong bagay na ito, sila
ay magtatagumpay, ngunit sa paggawa nito ngayon, ito ay nagpapakita ng kanilang nagpapatuloy na
masuwaying pagtitiwala sa kanilang sarili!
Ang kontekstong ito ay maliwanag na nagpapakita na ang pagsuway (di-pagsunod) ay
kinakailangang may kaugnayan sa Kanyang pangkasunduan mga pangako, presensya, at kapangyarihan!
1:44 “At ang mga Amorrheo na tumatahan sa bundok na yaon” Tingnan ang Natatanging Paksa:
Ang mga Naninirahan sa Palestino bago Dumating ang Israel sa 1:4.
NASB
“kayo'y tinalo”
NKJV “pinabalik kayo”
NRSV “sinira kayo”
TEV
“hinabol kayo”
NJB
“tinugis kayo”
Ang PANDIWA (BDB 510, KB 507, Hiphil DI-GANAP) ay nangangahulugang “pitpitin hangang
38