Deuteronomio - Free Bible Commentary

27 Sapagka't nasumpungan niya siya sa parang, ang dalagang magaasawa ay sumigaw, at walang
magligtas sa kaniya.
22:25-27 Ang pagbabatas sa Israel ay naghahangad na maging patas, hindi lamang legalismo. Mayroong
mga panig na walang kasalanan sa mga makasalang gawain!
TEKSTO SA NASB (BINAGO): 22:28-29
28 Kung masumpungan ng isang lalaki ang isang dalagang donselya na hindi pa
naipangangako, at ihiga niya siya, at sipingan niya siya, at sila'y masumpungan; 29 Ang lalaki
nga na sumiping sa kaniya ay magbibigay sa ama ng babae ng limang pung siklong pilak, at
siya'y magiging kaniyang asawa, sapagkat kaniyang pinangayupapa siya; hindi niya
mapalalayas sa lahat ng kaniyang kaarawan.
22:28 “Kung masumpungan ng isang lalaki ang isang dalagang donselya na hindi pa
naipangangako, at ihiga niya siya, at sipingan niya siya” Isaalang-alang sa maaagang edad ng mga
Hudyong babae na kadalasang ipinagkakasundo, ito ay tila sa aking palagay ay maaaring tumutukoy sa
(1) pang-aabuso sa mga bata o (2) ang pang-aabuso sa mga mahirap na pamilya. Ang Mosaikong
kasunduan ay nagtatanggol sa mga kapos sa buhay at mahihina sa lipunan!
22:29 “Ang lalaki nga na sumiping sa kaniya ay magbibigay sa ama ng babae ng limang pung
siklo. . . hindi niya mapalalayas siya” Kung ang isang ama ay lubhang mahirap upang maipagkasundo
ang kanyang anak na babae o ang babae ay may kahinaan sa pag-iisip at isang tao dinungisang-puri siya,
pagkatapos kailangan niyang magbayad para sa kanya (babae) at siya ay pakasalan habang-buhay (cf.
Exodo 22:16).
TEKSTO SA NASB (BINAGO): 22:30
30 Huwag kukunin ng isang lalaki ang asawa ng kaniyang ama, at huwag ililitaw ang balabal
ng kaniyang ama.
22:30 “Huwag kukunin ng isang lalaki ang asawa ng kaniyang ama” Ito maaaring
nangangahulugang ang isang lalaki ay hindi maaaring pakasalan ang kanyang madrasta (maaaring isa sa
maraming asawa), kahit kung ang ama ay natamat na o ang babae ay hiniwalayan na (diborsyo).
“balabal ng kaniyang ama” Ito ay isang pangwikaing paraan ng pagtukoy sa mga gawaing
pangmag-asawa ng ama (cf. Ruth 3:9; Ezekiel 16:8). Ang maging napakalapit sa isang babae na sa
nakalipas ay naging napakalapit (sekswal) sa kanyang ama ay, sa isang kaunawaan, isang paglabag sa
ama (cf. 27:20; Levitico 18:8; 20:11).
MGA TALAKAYANG TANONG
Ito ay isang komentaryong gabay sa pag-aaral, na nangangahulugan na ikaw ay may pananagutan sa
iyong sariling interpretasyon sa Bibliya. Ang bawat isa sa atin ay dapat lumakad sa liwanag na mayroon
tayo. Ikaw, ang Bibliya, at ang Banal sa Espiritu ay pangunahin sa interpretasyon. Hindi mo dapat iasa
ito sa taga-pagsuri.
Ang mga talakayang tanong na ito ay inihanda upang tulungan kang mag-isip sa pamamagitan ng
mga pangunahing paksa sa bahaging ito ng aklat. Ito ay nangahulugang dapat maging mapukaw-isip,
hindi pang kahulugan lamang.
264