Deuteronomio - Free Bible Commentary

“sa pagsalangsang sa kaniyang kasunduan” Ang PANDIWANG ito (BDB 716, KB 778, Qal PAWATAS
NA PAGKAKAYARI) ay may panimulang kahulugan na “lalampasan” o “dadaanan.” Ito ay pinakamadalas
na gamitin sa isang literal na kaunawaan, ngunit minsan sa isang teolohikong kaunawaan. Sa orihinal, ito
ay maaaring tumukoy sa isang gawain ng paghahati ng isang hayop bilang isang pangkasunduan pagkilos
at paglakad sa pagitan ng mga bahagi (e.g., Genesis 15:17). Ang paglabag sa kasunduan ay magbubunga
ng kamatayan o pagkawasak (i.e., tulad ng paghati sa hayop). Ito pumapatungkol sa paglabag sa
maliwanag na mga itinalagang pagkilos (i.e., mga tadhana ng kasunduan, cf. 26:13; Josue 7:11,15; Mga
Hukom 2:20; II Mga Hari 18:12; Jeremias 34:18-19; Osea 6:7; 8:1).
17:3 “sa araw, o sa buwan, o sa anomang natatanaw sa langit” Ang sinaunang mga taga-Babilonya
ay nauna, at hindi ang huli, na makakita ng mga bagay sa langit bilang mga kinatawan ng mga diyusdiyosan.
(cf. 4:19; II Mga Hari 17:16; 21:3,5; 23:4-5; II Cronica 33:3,5; Jeremias 8:2; 19:13).
Ipinagpapalagay nila na ang mga liwanag sa kalangitan ang namamahala sa kahihinatnan ng
sangkatauhan (sa pisikal at espirituwal).
17:4 Ang talatang ito ay katulad ng 13:14. Ang PANDIWANG ito “iyo ngang sisiyasating masikap” (BDB
205, KB 233, Qal GANAP) ay nagpapahiwatig ng isang lubusang pagsisiyasat (cf. 13:14; 17:4,9; 19:18;
Levitico 10:16; Mga Hukom 6:29). Ang mga pagpaparatang at kaalaman na galing sa iba ay hindi sapat
upang mahatulan. Ang sistemang panghukuman ng Israel ay mabagsik (“batuhin hanggang sa kamatayan,”
v. 5), ngunit puspusan.
NASB, TEV “kung ito ay totoo”
NKJV “kung ito ay talagang totoo”
NRSV “ang pananagutan ay napatunayang totoo”
NJB “ito ay natagpuang totoo at at napatunayan”
Ang Hebreong katagang ito (pinagpapalagay na KATAGA, BDB 243 II, b at PANGNGALAN BDB 54) ay
inulit sa Deuteronomio ng tatlong beses (i.e., 13:14; 17:4; 22:20).
NASB “karumaldumal na bagay na ito”
NKJV “na siyang isang kasuklam-suklam”
NRSV “isang kasuklam-suklam na bagay”
TEV “ang masamang ito”
NJB “ang mamuhi-muhing bagay na ito”
Ang katulad na salitang ito (BDB 1072) ay ginamit sa 17:1, na ito ay tumutukoy sa isang
nadungisang alay. Dito, ito ay tumutukoy sa pagsamba sa diyus-diyosan (i.e., “ang hukbo ng
kalangitan”).
“Israel” Tingnan ang Natatanging Paksa sa 1:1.
17:5 “sa iyong mga pintuang-daan” Ang pariralang ito ay nangangahulugang “sa iyong hukumang
lokal.” Ito ang lugar na inuupuan ng mga pinunong lokal.
“babatuhin sila ng mga bato, hanggang sila'y mamatay” Ito ay isang anyo ng parusang kamatayan
(cf. v. 7). Bawat nakakatandang miyembro ng komunidad ay kumikilos upang alisin ang masama sa
kanyang sarili (tingnan ang buong tala sa 13:10).
Ang Hebreong teksto ay mayroong kalipunan ng MGA PANDIWA na pumapatungkol sa kamatayan sa vv.
213