Deuteronomio - Free Bible Commentary

TEKSTO SA NASB (BINAGO): 4:9-14
9 Magingat ka lamang sa iyong sarili, at ingatan mo ang iyong kaluluwa ng buong sikap,
baka iyong malimutan ang mga bagay na nakita ng iyong mga mata, at baka mangahiwalay sa
iyong puso ang lahat ng araw ng iyong buhay; kundi iyong ipakilala sa iyong mga anak at sa
mga anak ng iyong mga anak; 10 Tandaang yaong araw na ikaw ay tumayo sa harap ng
PANGINOON mong Diyos sa Horeb, nang sabihin sa akin ng PANGINOON, Papagpisanin mo sa
akin ang lungsod, at aking iparirinig sa kanila ang aking mga salita, upang sila'y magaral na
matakot sa akin sa lahat ng araw na kanilang ikabubuhay sa ibabaw ng lupa, at upang kanilang
maituro sa kanilang mga anak. 11 At kayo'y lumapit at tumayo sa ibaba ng bundok; at ang
bundok ay nagningas sa apoy hanggang sa kaibuturan ng langit, sangpu ng kadiliman, ulap, at
salisalimuot na kadiliman. 12 At ang Panginoo'y nagsalita sa inyo mula sa gitna ng apoy; inyong
narinig ang tinig ng mga salita, nguni't wala kayong anyong nakita; ang inyo lamang narinig ay
isang tinig. 13 At kaniyang ipinahayag sa inyo ang kaniyang kasunduan, na kaniyang iniutos sa
inyong ganapin, sa makatuwid baga'y ang sangpung utos; at kaniyang isinulat sa dalawang
tapyas na bato. 14 At iniutos sa akin ng PANGINOON nang panahong yaon, na turuan ko kayo ng
mga palatuntunan at mga kahatulan, upang inyong mangagawa sa lupaing inyong paroroonan
upang ariin.
4:9
NASB “Mag-ingat ka lamang sa iyong sarili, at ingatan mo ang iyong kaluluwa ng buong
sikap”
NKJV “Pag-ingatan lamang ang iyong sarili, at may pagsisikap na ingatan ito”
NRSV “Ngunit mag-ingat at magmatiyag nang mahigpit”
TEV “Maging mapagbantay! Maging tiyak. . .”
NJB “Ngunit mag-ingat, gaya ng pagpapahalaga mo sa inyong buhay”
Ang pariralang ito ay mayroong dalawang MGA PAUTOS mula sa katulad na salitang-ugat:
1. “mag-ingat” - BDB 1036, KB 1581, Niphal PAUTOS, cf. 4:15; Josue 23:11; Jeremias 17:21).
2. “ingatan” - BDB 1036, KB 1581, Qal PAUTOS sa kaunawaan ng “pag-iingat sa pamamagitan ng
paggawa” (cf. 7:12).
Ang pagsunod ay isang isyu ng buhay-at-kamatayan (cf. 30:15-20)!
“baka iyong malimutan. . . baka mangahiwalay” Tingnan ang Deuteronomio 8:11-20.
“puso” Sa Hebreong sikolohiya, ang damdamin ay nakasentro sa kaibuturan ng tao. Ang puso ay ang
sentro of ang pang-unawa (lalo na sa alaala) at katauhan. Diyos ay nagsasabing, “Huwag kalimutan ang
kautusan!” Tingnan ang Natatanging Paksa: Heart at 2:30.
“lahat ng araw ng iyong buhay” Ang isang pagtupad ng pamumuhay ay kailangan (cf. v. 10; 6:2;
12:1; 16:3).
“pakilala sa iyong mga anak” Ito ay isang inuulit paksa sa Deuteronomio (cf. v. 10; 6:7, 20-25;
11:19; 31:13; 32:46; at tingnan ang Exodo 10:2; 12:26; 13:8,14). Kung ang mga mananampalataya ay
hindi nagtuturo sa kanilang mga anak patungkol sa Diyos, sila ay mga kabiguan bilang mga magulang
(nagsasalita ang bibliya)! Ang pananampalataya ay umaagos sa pamamagitan ng mga pamilya (cf. 5:10;
7:9)!
4:10 “Tandaang yaong araw na ikaw ay tumayo sa harap ng PANGINOON mong Diyos sa Horeb”
Ang mga tagapakinig ay ang mga anak ng salin-lahi ng exodo. Ito ay tiyak na tumutukoy sa Exodo 19-20.
Ang pag-alala sa mga dakilang mga gawa ng pagtubos ng Diyos (i.e., exodo) ay isang inuulit na paksa
(cf. 5:15; 7:18; 8:2,18; 9:7,27; 11:2; 15:15; 16:3,12; 24:9,18,22; 25:17; 32:7).
69