Deuteronomio - Free Bible Commentary

talatang ito ay maiuugnay sa paglalakbay mula sa Bundok Sinai patungong Cades-barnea.
1:19 “Horeb” Ang dalawang pantawag sa mga banal na bundok, ang Horeb at Sinai, ay ginagamit na
magkasingkahulugan. Ang Horeb ay isang Semitikong salita. Ang Sinai ay hindi Semitiko ngunit
maaaring maiugnay sa Ilang ng Kasalanan. Ang Kasalanan ay isang salita para sa isang maliit na
halamang pangdisyerto na pangkaraniwan sa rehiyon. Ang ilan ay naniniwala na ang Horeb ang kahabaa
ng bundok at ang Sinai ay ang tuktok, ngunit hindi natin lubusang nalalaman ang katiyakan.
“aong buong malawak at kakilakilabot na ilang” Kadalasan ang salitang “ilang” (BDB 184) ay
nangangahulugang pastulang walang naninirahan, ngunit sa paglalakbay na ito, sila ay naglakbay sa
disyerto ng Sinai Peninsula. Mayroong kakaunting mga pinanggagalingan ng likas (natural) na tubig.
Ang Diyos ang nagkaloob na kamila-himala ng tubig at pagkain sa kanila sa yugto ng apat napung taon.
Ngayon, ito ang disyertong tinatawag na Et Tih, na nangangahulugang “ang paglalagalag.” Ang
paglalakbay na ito ay halos 100 milya at tinawid ang lubhang bako-bakong lupain.
“lupaing maburol ng mga Amorrheo” Ito ay maaarin tumukoy sa katimugang bahagi ng lupain ng
Canaan (i.e., Timugan, Araba).
“na gaya ng iniutos ng PANGINOON nating Diyos sa atin” Para sa mga pangalan ng pagka-Diyos
tingnan ang Natatanging Paksa sa 1:3.
Pinangunahan sila ng Diyos sa pamamagitan ng:
1. Mga salita ni Moises
2. Ang Shekinah na ulap ng kaluwalhatian, na nakalagak sa ibabaw ng tabernakulo. Kapat ito ay
gumagalaw, ang Israel ay sumusunod.
“tayo'y dumating sa Cades-barnea” Ang Hebreong salita para sa banal ay kadosh (BDB 871),
mula sa kung saan nagmula ang “Cades.” Ang Cades-barnea ay nanganganhulugang “banal-(di-kilala),”
maaaring ang “banal lungsod” o “banal pook.” Ito ay isang pinaka malahagang lugar ng kampo para sa
mga Israelita tulad ng para kay Abraham dahil ito ang pinakamalaking oasis sa lugar.
1:20-21 Ang mga talatang ito ay nagdulot ng mga suliranin para sa mga tagapagsuri dahil sa pagbabago
ng paggamit sa pagitan ng MGA PANGHALIP “natin” at “into,” na pangkaraniwan saanmang bahagi sa aklat
ng Deuteronomio. Ito ang dahilan kung bakit ang ilan ay naniniwala na ang Deuteronomio ay isinulat ng
maraming tao. Sa aking palagay, si Moises ang sumulat (o nagdikta) ang karamihan sa mga kapahayagan,
ngunit maliwanag sa kanyang mga sulat na pinagnugot ng mga nahuling tagasulat at maaaring
naglalaman ng mga puna ng mga orihinal sa tagasulat (eskriba).
1:21 “Narito, inilalagay ng PANGINOON ninyong Diyos. . . ariin mo” Ito ay maaaring isang
sanggunian sa v. 8, kung saan ang Diyos, sa pamamagitan ni Moises, ay nagpabalid sa mga tao na ariin
ang lupain na Kanyang ipinangako sa mga Patriarka (cf. 12:5-7; 13:14-17; 15:18; 26:3).
Ang talatang ito, tulad ng vv. 7 at 8, ay nagtataglay ng maraming kautusan:
1. “Tingnan (narito)” - BDB 906, KB 1157, Qal PAUTOS
2. “Sampahin” - BDB 748, KB 828, Qal PAUTOS
3. “Ariin” - BDB 439, KB 441, Qal PAUTOS
4. “Huwag Matakot” - BDB 431, KB 432, Qal DI-GANAP, ngunit ginagamit sa isang JUSSIVE na
pagkakaunawa
5. “manglupaypay” - BDB 369, KB 365, Qal DI-GANAP, ngunit ginagamit sa isang JUSSIVE na
pagkakaunawa
29