Deuteronomio - Free Bible Commentary

“sa gitna ng buong Israel” Tingnan ang Natatanging Paksa sa 1:1.
TEKSTO SA NASB (BINAGO): 11:8-12
8 Kaya't inyong susundin ang buong utos na aking iniuutos sa inyo sa araw na ito, upang
kayo'y lumakas at kayo'y pumasok at ariin ninyo ang lupain, na inyong tatawirin upang ariin;
9 At upang inyong maparami ang inyong mga araw sa ibabaw ng lupain na isinumpa ng
PANGINOON sa inyong mga magulang na ibibigay sa kanila at sa kanilang binhi na lupaing
binubukalan ng gatas at pulot. 10 Sapagka't ang lupain na iyong pinaroroonan upang ariin, ay
hindi gaya ng lupain ng Ehipto, na inyong pinanggalingan, na doo'y nagtatanim ka ng iyong
binhi, at iyong dinidilig ng iyong paa, na parang taniman ng mga gulay; 11 Kundi ang lupain, na
inyong tatawirin upang ariin, ay lupaing maburol at malibis, at dinidilig ng tubig ng ulan sa
langit: 12 Lupaing inaalagaan ng PANGINOON mong Diyos, at ang mga mata ng PANGINOON
mong Diyos ay nandoong lagi, mula sa pasimula ng taon hanggang sa katapusan ng taon.
11:8 “Kaya” Ito ay tumutukoy sa lahat ng sumunod na pang-kasaysayan mga pagkabanggit sa kabanata 11
o maaaring kahit nakalipas na. Karamihan sa Deuteronomio, sa yugtong ito, ay mayroong muli at muling
sinanay na katulad na mga babala.
11:9 “upang inyong maparami ang inyong mga araw sa ibabaw ng lupain” Ihambing ang v. 21 sa
Deuteronomio 5:16. Ito ay hindi isang pansariling pangako ng mahabang buhay ngunit isang
pangkulturang pangako ng katatagan sa isang lipunan na nagpaparangal sa Kautusan ng Diyos (cf. 4:1;
8:1) at sa gayon pinaparangalan ang pamilya (cf. 4:40; 5:16,33; 6:2). Tingnan ang buong tala sa 4:40.
“na isinumpa ng PANGINOON sa inyong mga magulang na ibibigay sa kanila” Tingnan ang
Natatanging Paksa: Mga Pangkasunduang Pangako sa mga Patriyarka at 9:5.
“na lupaing binubukalan ng gatas at pulot” Hindi lang ito ang tanging pisikal paglalarawan ngunit
isang teknikal na pagtatalaga para sa lupain ng Palestino sa Ugaritiko at Ehipsyong mga kasulatan.
Tingnan ang tala sa 6:3.
11:10 “hindi gaya ng lupain ng Ehipto” Ang paglilinang ng mga pananim ay lubhang naiiba sa Ehipto
kaysa sa Palestino. Ang Palestino ay may pana-panahong pag-ulan (cf. v.11), ang Ehipto ay kailangang
umasa sa patubig na mula sa Nile at kanyang taunang pagbabaha.
“iyong dinidilig ng iyong paa” Ito ay maaaring tumutukoy sa (1) isang sistemang patubig na ang
bukirin ay babahain at samakatuwid ang paa ay ginagamit upang gumawa ng butas sa dike upang
dumaloy ang tubig palabas o (2) isang gilingang ginamit upang itaas ang tubig para sa patubig.
11:11 “ang lupain. . . dinidilig ng tubig ng ulan sa langit” Para sa mga tao sa disyerto, walang kasing
halaga ang pagpapala ng pagkakaroon ng sapat at palagiang tubig (cf. 8:7-9). Ang mabuting lupaing ito ay
may pasubali sa kasunduang pagsunod (cf. vv. 16-17; Levitico 26:14-20; Deuteronomio 28:12,23-24; I
Mga Hari 8:35; 17:1; II Cronica 7:11-14; Isaias 5:6; Jeremias 14; Amos 4:7-8).
11:12 “ang mga mata ng PANGINOON” Ito ay isang antromorpikong paglalarawan ng Panginoon tulad
ng v. 2. Ito ay nagpapahayag ng Kanyang natatanging pangangalaga at presensya sa Ipinangakong
Lupain. Tingnan ang Natatanging Paksa sa 2:15.
153