Deuteronomio - Free Bible Commentary

ibinigay (Exodo 34:1-12; Deuteronomio 1:6-8; 3:12-20; 11:24; Josue 1:3-4). Noon lamang panahon ng
pamumuno ni David na ang kabuuan ng mga lugar na ito ay napasailalim ng kapangyariha ng Israel.
TEKSTO SA NASB (BINAGO): 1:9-15
9 At ako'y nagsalita sa inyo nang panahong yaon na sinasabi, Hindi ko madadalang mag-isa
ang inyong kabigatan: 10 Pinarami kayo ng Panginoon ninyong Diyos, at, narito, kayo sa araw na
ito ay gaya ng mga bituin sa langit sa karamihan. 11 Kayo nawa'y dagdagan ng Panginoon, ng Diyos
ng inyong mga magulang, ng makalibo pa sa dami ninyo ngayon, at kayo nawa'y pagpalain, na
gaya ng ipinangako niya sa inyo! 12 Paanong madadala kong magisa ang inyong ligalig, at ang
inyong pasan, at ang inyong pagkakaalitan 13 Kumuha kayo sa inyo ng mga lalaking pantas, at
nakakaalam, at kilala, ayon sa inyong mga lipi, at sila'y aking gagawing pangulo sa inyo. 14 At
kayo'y sumagot sa akin at nagsabi, Ang bagay na iyong sinalita ay mabuting gawin namin. 15 Sa
gayo'y kinuha ko sa inyo ang mga pangulo ng inyong mga lipi, na mga taong pantas, at kilala, at
akin silang ginawang pangulo sa inyo, na mga punong kawal ng libolibo, at mga punong kawal ng
mga daandaan, at mga punong kawal ng mga limangpu-limangpu, at mga punong kawal ng mga
sangpu-sangpu, at mga pinuno ayon sa inyong mga lipi.
1:9 “nang panahong yaon” Ito ay isang umuulit na parirala sa Deuteronomio. Ang unang apat na mga
kabanata ay isang pagbabalik-aral sa mga mapagbiyayang mga pagkilos ni YHWH para sa Israel. Ang
katagang ito ay isang paraan ng pagpapakilala sa isang nakalipas na pagkilos (cf. 1:9,16,18; 2:34;
3:4,8,12,18;4:14).
“Hindi ko madadalang mag-isa ang inyong kabigatan” Tingnan ang Exodo 18:13-26 para sa payo
ni Jethro kay Moises patungkol sa mismong suliraning ito (i.e., Moises bilang isang nag-iisang hukom).
1:10 “Pinarami kayo ng PANGINOON ninyong Diyos” Ito ay bahagi ng pangako ng Diyos sa mga
Patriarka (e.g., Genesis 13:16; 17:2,20; 22:17; 48:4; Levitico 26:9; Deuteronomio 7:13).
“gaya ng mga bituin sa langit” Ang pariralang ito ay matatagpuan din sa Genesis 15:5; 26:4;
Deuteronomio 10:22; 28:62. Ang ibang magkakatulad na mga parirala na ginamit upang ilarawan ang
hindi mabilang na mga bilang (cf. Genesis 16:10) ang mga Israelita ay: “alabok ng lupa” (cf. Genesis
13:16; 28:14; Mga Bilang 23:10); at “buhangin sa dagat” (cf. Genesis 22:17; 32:12). Ang lahat ng ito ay
mula sa isang taong walang anak hanggang sa 100 taong gulang (i.e., Abraham)!
Sa Deuteronomio 1:28 ang mga Israelita ay siyang mas marami pa sa mga butuin at sila ay tako sa
mga naninirahan sa Canaan sa kanilang:
1. bilang
2. laki
3. mga pinaderang lungsod.
Anong kabalintunaan!
“ang Diyos ng inyong mga magulang” Ang madalas na inuulit na katawagang ito ay nagpapahayag
ang parehong Diyos na nagsalita kina Abraham, Isaac, at Jacob ay patuloy na umiiral sa mga buhay at
kahihinatnan ng kanilang mga inanak.
“ng makalibo pa sa dami ninyo ngayon” Ito ay maliwanag na pangkatagang parirala. Ang bilang
na 1,000 ay isang pagpaparami ng sampu (nang tatlong beses) at, samakatuwid, isang sagisag ng
kadakilaan o pagiging madami sa bilang (cf. Mga Awit 90:4; II Pet. 3:8). Nandito ang isang tala ng mga
hayperbolikong pagkakagamit mula sa NIDOTTE, tomo 1, p. 417:
1. ang paggawa ng Diyos sa pagpapala, Deuteronomio 1:11; Job 42:12; Mga Awit 144:13
2. panghukbong (militar) pagpapala, Josue 23:10
23