Deuteronomio - Free Bible Commentary

5. Hindi siya hihingi ng tulong sa Ehipto, v. 16
6. Hindi siya magtitiwala sa mga pampulitikang alyansa (“maraming mga asawa”), v. 17
7. Hindi siya magtitiwala sa mga kayamanan (“pagdagdag ng pilak at ginto”), v. 17
Mga Bilang 4-7 ay nagpapakita ng pagmamalabis ni Solomon! Ito ay natatangi sa sinaunang Near
East na kautusan na ang hari ay may tinakdang kapangyarihan, ngunit sa Diyos ng Israel:
1. Pagtatalaga ng lugar at mga panuntunan sa paghatol
2. Pagtatalaga ng huwaran sa pagsamba
3. Pagtatalaga ng mga takda (limitasyon) sa kapangyarihan, paghalili at kayamanan ng hari
4. Ang hari ay isa sa maraming mga kasama sa kasunduan (cf. v. 20)
5. Ang hari ay kailangang pag-aralan ng maigi at ipatupad (sa sarili at sa tanggapan) ang mga
kautusan ng Diyos (cf. vv. 18-19)
17:16 “Huwag lamang siyang magpaparami ng mga kabayo” Ang mga kabayo ay pag-aari lamang
ng mga pinuno, hindi ng pangkaraniwang tao. Ang isang kabayo ay isang sandatang pangdigma. Sa
ibang salita, “Huwag kang magtiwala sa iyong sandatahang lakas. Ako, ang Diyos, ang magtatanggol sa
iyo.”
“Huwag na ninyong babalikan mula ngayon ang daang yaon” Ito ay maaaring tumukoy sa isang
huling kasanayan sa pangangalakal ng mga Hebreong bumibili ng mga kabayo. Ang isang
pangkasaysayang halimbawa ay ang komunidad ng Elephantino. Gayunman, sa konteksto, inulit nitong
ipahayag ang pagdating ng hari kailangang magtiwala lamang kay YHWH nang lubusan!
17:17 “Huwag siyang magpaparami ng mga asawa” Ito ay tumutukoy sa (1) masakim na paggamit ng
kapangyarihan o mas higit na maaaring (2) pampulitika at pang-relihiyong mga kasunduan. Ito ang
sinaunang Near Eastern na paraan upang bumuo ng “walang pagsalakay” na mga kasunduan.
“huwag siyang magpaparami ng pilak at ginto” Inilagay ng Diyos ang hari bilang Kanyang mas
mababang pastol. Ang isang mas mababang pastol ay hindi kailanman dapat maghangad ng pansariling
kayamanan o kapangyarihan.
TEKSTO SA NASB (BINAGO): 17:18-20
18 At mangyayari, na pagka siya'y luluklok sa luklukan ng kaniyang kaharian, ay kaniyang
susulatin ang isang salin ng kautusang ito sa isang aklat, na nasa harap ng mga saserdote na
mga Levita: 19 At mamamalagi sa kaniya, at kaniyang babasahin sa lahat ng mga araw ng
kaniyang buhay: upang siya'y magaral na matakot sa PANGINOON niyang Diyos, upang isagawa
ang lahat ng mga salita ng kautusang ito at ng mga palatuntunang ito; 20 Upang ang kaniyang
puso ay huwag magmataas sa kaniyang mga kapatid at siya'y huwag maligaw sa utos, maging
sa kanan, o sa kaliwa: upang kaniyang maparami ang kaniyang mga araw sa kaniyang
kaharian, niya, at ng kaniyang mga anak sa gitna ng Israel.
17:18-20 Ang mga talatang ito ay ang paglalagom sa kaugnayan hari sa nahayag na kalooban ng
Diyos (i.e., ang Kautusan).
17:18 “kaniyang susulatin ang isang salin ng kautusang ito” Ito ay maaaring tumukoy sa kaninuman
(i.e., isang Levitang saserdote) na gumagawa ng sipi para sa kanya (cf. II Mga Hari 11:12). Ito ang talata
kung saan nakuha ng Septuagint titulo ng aklat ng Deuteronomio (i.e., ang Pangalawang Kautusan),
ngunit sa konteksto ng talatang ito ay tumutukoy sa isang pangawalang kopya (sipi) ng Kautusan, hindi
isang pinagong salin ng Kautusan.
222