Deuteronomio - Free Bible Commentary

TEKSTO SA NASB (BINAGO): 15:12-17
12 Kung ang iyong kapatid, na Hebreong lalake o babae, ay ipagbili sa iyo, at maglingkod sa
iyong anim na taon; sa ikapitong taon nga ay iyong papagpapaalaming laya sa iyo. 13 At pagka
iyong papagpapaalaming laya sa iyo, ay huwag mo siyang papagpapaalaming walang dala: 14 Iyo
siyang papagbabaunin na may kasaganaan ng bunga ng iyong kawan, at ng iyong giikan, at ng
iyong pisaan ng ubas, kung paano ang ipinagpala sa iyo ng PANGINOON mong Diyos, ay bibigyan
mo siya. 15 At iyong aalalahanin na ikaw ay alipin sa lupain ng Ehipto, at tinubos ka ng
PANGINOON mong Diyos: kaya't iniuutos ko sa iyo ngayon ang bagay na ito. 16 At mangyayari, na
kung sabihin niya sa iyo, Hindi ako aalis sa iyo; sapagka't iniibig ka niya at ang iyong bahay,
sapagka't kinalulugdan mo siya; 17 At kukuha ka nga ng isang pangbutas at ibutas mo sa
kaniyang tainga sa pintuan, at siya'y magiging iyong alipin magpakailan man. At sa iyong
aliping babae man ay gayon din ang iyong gagawin.
15:12 Sa literal, ito ay “kapatid” (BDB 26), ngunit ginamit sa pambansang kaunawaan ng “kasunduang
kasamahan” o “kamag-anak” (cf. Levitico 19:17; 25:25,35,36,39,47; Deuteronomio 15:12; 17:15). Ito ay
nagbibigay-diin sa pambansang pagkakaisa laban sa isang pang-tribong o pampamilya pagkakilanlan.
Ang kataga at teolohiyang ito ay katulad ng Galacia 6:10.
“Hebreo” Ang salita “Hebreo” (BDB 720, KB 782) ay isang di-karaniwang salita sa OT. Ito ay
tumutukoy sa alinmana sa (1) panliping mga inaanak ni Eber, ang apo ni Shem (cf. Genesis 10:21; (2)
isang salita na naglalarawan isang malaking pangkat ng mga Semita (Habiru) sa Sinaunang Near East, na
nangibang-bayan mula sa Mesopotamia bilang mga lagalag noong pangalawang sanlibong taon; o (3)
isang naihiwalay na pangkat ng mga mahirap na dayuhang manggagawa (ang salita ginamit sa mga
banyaga upang ilarawan ang pamilya nina Abraham, Jacob at Jose).
“lalake o babae” Ito ay nagpapakita ng legal na pagkakapantay-pantay (cf. v. 17, gayundin
pansinin ang Genesis 1:26-27). Ang mas naunang kautusang kodigo ay hiwalay sa kanila (i.e., men -
Exodo 21:2-6; mga kababaihan - Exodo 21:7-11). Ito ay isang sukdulang paglayo mula sa Kodigo ni
Hammurabi, isang legal na kasulatan sa Babilonya bago pa si Moises, at ang pangkulturang sistema ng
mga bansa ng Canaan. Ang bayan ng Diyos ay naiiba!
“ay ipagbili sa iyo” Ang PANDIWA (BDB 569, KB 581, Niphal DI-GANAP) na tumutukoy sa sinuman
na naipagbili ang kanyang sarili/herself sa isang kasunduang paglilingkod (cf. Levitico 25:39,47,48,50;
ang kapwa Hebreo ay natalakay sa vv. 39- 46; Exodo 21:2-6).
“maglingkod sa iyong anim na taon” Ito ay tila hindi kaugnay sa kronolohiya ang Sabbatikong
taon na nabanggit sa vv. 1-11, ngunit kung gayun nga, samakatuwid ang kahulugan ng v. 9 ay di-tiyak.
“sa ikapitong taon nga ay iyong papagpapaalaming laya sa iyo” Ang PANDIWANG ito (BDB 1018,
KB 1511, Piel DI-GANAP) ay napakahalaga na ito ay naulit nang tatlong beses sa vv. 12-13.
15:14 Kapag ang alipin ay napalaya pagkatapos ng kanyang anim na mga taon ng paglilingkod, siya ay
kailangang bigyan ng lahat na kaniyang kailangan upang magtatag ng kanyang pamilya.
1. “iyo siyang papagbabaunin na may kasaganaan,” Ito ay isa pang PAWATAS NA LUBUSAN at DI-
GANAP NA PANDIWA. Ito ay isang Hebreong kataga, sa literal, “ikaw ay walang alinlangan
gagawa ng kuwintas para sa kanya.” Tingnan ang Kaunawaang Kontekstuwal C, 1, g.
2. Pansinin ang mga bagay in ibinigay:
a. mula sa kawan
b. mula sa giikan
c. mula sa lalagyan ng alak
198