Deuteronomio - Free Bible Commentary

Edom at Moab) ay mawawalan ng lupain at malilipol bilang isang bayan. Ang lahat ng lupain
ipinagkaloob ay may pasubali. Ito rin ay totoo sa Israel (i.e., ang mga pagpapatapon sa Assyria at
Babilonya). Ang lahat ng mga kasunduan ng Diyos (maliban sa Genesis 6 at 15) ay may pasubali.
Ang Kanyang mga pangako ng pagtubos ay tiyak (walang pasubali), ngunit bawat tao/bansa ay
kailangang tumugon at magpatuloy na tumugon na naaangkop! Ang isang nagpapatuloy, masunuring
pananampalatayang pakikipag-ugnayan ay napakahalaga. Kinakailangan ni YHWH ang
pananampalataya, pagsisisi, pagsunod, at pagtitiyaga, sa kapwa OT at NT.
2:6 Ang Israel ay dapat na bumili na kapawa pagkain at tubig bilang isang pagpapahayag ng kanilang
pagkilala sa kapangyarihan ng Edom sa kanilang lupain, na ipinagkaloob ni YHWH.
1. “Bumili ng pagkain” (BDB 991, KB 1404, Qal DI-GANAP)
2. “Bumili ng tubig” (BDB 500, KB 497, Qal DI-GANAP)
2:7 “a loob nitong apat na pung taon ay sumaiyo ang PANGINOON mong Diyos; ikaw ay di
kinulang ng anoman” Ang talatang ito ay naglalarawan ng pag-ibig ng Diyos kahit na sa gitna ng
paghihimagsik ng Israel laban sa Kaniya (i.e., ang kakulangan ng pananampalataya sa Kanyang pangako
na ipinagkaloob ang ang lupain ng Canaan).
Ang Yugto ang Paglalagalag sa Ilang ay isang kahatulan sa isang salin-lahi ng mga Israelita na may
maliit na pananampalataya, ngunit ito ay ipinihit sa isang panahon pansariling presensiya at pagtutustos
ni YHWH. Ang mga rabbi ay tinatawag itong yugto ng pagpupulot-gata sa pagitan ni YHWH at Israel.
Si YHWH ay nagkaloob ng:
1. pagkalinga
2. personal na patnubay
3. pagkain
4. tubig
5. mga damit na hindi naluluma
6. tagumpay sa pakikidigma
TEKSTO SA NASB (BINAGO): 2:8-15
8 Gayon tayo nagdaan sa ating mga kapatid, na mga anak ni Esau, na tumatahan sa Seir,
mula sa daan ng Araba, mula sa Elath at mula sa Esion-geber. At tayo'y bumalik at nagdaan sa
ilang ng Moab. 9 At sinabi sa akin ng PANGINOON, Huwag mong kaalitin ang Moab, ni
kakalabanin sila sa digma; sapagka't hindi kita bibigyan sa kaniyang lupain ng pinakaari;
sapagka't aking ibinigay na pinakaari ang Ar sa mga anak ni Lot. 10 (Ang mga Emimeo ay
nanahan doon noong una, bayang malaki, at marami, at matataas na gaya ng mga Anaceo: 11 Ang
mga ito man ay ibinilang na mga Rephaim, na gaya ng mga Anaceo; nguni't tinatawag silang
Emimeo ng mga Moabita. 12 Ang mga Hereo man ay tumahan sa Seir noong una, nguni't ang mga
anak ni Esau ay humalili sa kanila; at nalipol sila ng mga ito sa harap din nila, at tumahan na
kahalili nila; gaya ng ginawa ng Israel sa lupaing kaniyang pag-aari, na ibinigay ng PANGINOON
sa kanila.) 13 Ngayon, tumindig kayo, at tumawid kayo sa batis ng Zered. At tayo'y tumawid sa
batis ng Zered. 14 At ang mga araw na ating ipinaglakad mula sa Cades-barnea hanggang sa
tayo'y nakarating sa batis ng Zered, ay tatlong pu't walong taon, hanggang sa ang buong lahi ng
mga lalaking mangdidigma ay nalipol sa gitna ng kampamento, gaya ng isinumpa sa kanila ng
PANGINOON. 15 Bukod dito'y ang kamay ng PANGINOON ay naging laban sa kanila, upang lipulin
sila sa gitna ng kampamento, hanggang sa sila'y nalipol.
2:8 “Gayon tayo nagdaan sa ating mga kapatid, na mga anak ni Esau, na tumatahan sa Seir” Ang
paggamit na ito ng “mga kapatid” ay tila kabalintunaan. Sila ay magkamag-anak. Sila ay nanggaling sa
katulad na mga ninino, sina Isaac at Rebekah, ngunit suka ay kumikilos tulad ng kahit ano maliban sa mga
magkamag-anak.
44