Correspondance des réformateurs dans les pays de langue française

12 JEAN CALVIN AU ROI DE FRANCE. t536
qu'ilz pourroient abuser les simples et rudes. Les Magicienset
Enchanteurs ont esté toujours renomméz de miracles. L'ydolâtrie
des Gentilz a esté nourrie par miracles merveilleux, lesquelztoutesfoisne
sont suffisans pour nous approuver la superstition ne
des Magiciensne des ydolâtres.
Les Donatistes estonnoient anciennement la simplicité du populaire
de ceste mesme machine, qu'ilz faisoientplusieurs miracles.
Nous faisons donc maintenant une mesme response à noz adversaires,
que faisoit lors Sainct Augustin aux Donatistes: que nostre
Seigneur nous a renduz assez adviséz contre ces Miracleurs,prédisant
que faux prophètes viendraient, qui. par grandes merveilles
et prodiges, tireroient en erreur, mesmes les esleuz, si faire se
povoit. Et Sainct Paul a adverty que le règne d'Antéchrist seroit
avec toute puissance, miracles et prodiges mensongiers. Maisnoz
miracles, disent-ilz, ne se font ne par ydoles. ne par enchanteurs,
ne par faulx prophètes, mais par tes Sainctz. Comme si nous n'entendions
point que n'est la finesse de Satan, se transfigurer en
Ange «le lumière. Les Égiptiens autresfois ont faict un Dieu de
Jérémie, qui estoit ensepvely en leur région, luy sacrifianset faisans
tous autres honneurs qu'ilz avoient acoustumé faire à leurs
Dieux.N'ahasoient-ilz pas du Sainct Prophète de Dieu à leur ydolâtrie?
Et toutesfois, par telle vénération de son sépulchre, ilz
obtenoient qu'ilz estoient guéris de morsures de serpens. Que dirons-nous,
sinon que ceste a tousjours esté et sera une vengeance
de Dieu très-juste, d'envoyer efficaced'illusion à ceux qui n'ont
point receu la dilection de vérité, pour les faire croyre à mensonge?
Donc les miracles ne nous deffailleatpoint, qui sont mesmes
très-certains et non subjectz à raocquerie. Au contraire, ceux que
noz adversaires prétendent pour eux sont pures illusionsde Satan,
quand ilz retirent le peuple de l'honneur de son Dieu à vanité.
Oultre, injustement ilz nous objectent les anciens Pères, j'entende
les escrivains du premier temps de l'Église, comme s'ilz les
avoient favorisans à leur impiété: par l'auctorité desquelz si la
noise estoit à desmeller entre nous, la meilleure partie de la victoire
viendroit à nostre part. Mais,comme ainsi soit que plusieurs
choses ayent esté escriptes sagement et excellentement de ces anciens
Pères, d'autre part, qu'il leur soit advenu, en d'aucuns endroictz,
ce qui advient à tous hommes, c'est de faillir et errer,
ces bons et obéissans filz, selon la droicture qu'ilz ont, et d'esprit
et de jugement, et de volunté, adorent seulement leurs erreurs et