Correspondance des réformateurs dans les pays de langue française

1536 JEAN CALVIN AU ROI DE FRANCE. 17
.r. w t
siège de l'Église Romaine, et en Testât des Prélatz. Nous, an contraire,
affirmonsque l'Église peut consister sans apparence visible,
et mesmes que son apparence n'est à estimer de ceste magnificence
extérieure, laquelle follement ilz ont en admiration. Mais
elle ha bien autre marque, c'est à sçavoir, la pure prédicationde la
parolle de Dieu, et l'administration des Sacremens bien instituée.
Ilz ne sont pas contens si l'Église ne se peut tousjours monstrer
an doigt; mais combiende foisest-il advenu qu'elle a esté tellement
diformée entre le peuple Judaïque, qu'il n'y restoit nulle apparence
f Quelle forme pensons-nous avoir reluy en l'Église, lors
que Hélye se complaignoit d'avoir esté réservé seul? Combien de
fois,depuis l'advèneme,nt de Christ, a-elle esté cachée sans forme1
Combien souvent a-élle esté tellement opprimée par guerres, par
séditions, par hérésies, qu'elle ne se monstroit en nulle partie? Si
donc ces gens icy eussent vescu de ce temps-là, enssent-ilz creu
estre quelque Église? Maisil feust dit à Hélye, qu'il yavoit encores
sept mille hommes de réserve, qui n'avoient point fleschyle geuouil
devant Baal. Et [ne] nous doibt estre aucunement incertain,
tjue Jésus-Christ n'ayt tousjours régné sus terre, depuis qu'il est
monté au ciel. Maissi, entre telles désolations, les fidèleseussent
voulu avoir quelque certaine apparence, n'eussent-ilz point perdu
couraige ? Et de faict S. Hylaire réputoit cela estre un grand vice
en son temps, que estans aveugléz par la folle révérence qu'ilz
portoient à la dignité de leurs Évesques, ne considéroient point
quelles pestes estoient aucunesfois cachées dessoubz telles masques.
Car il parle en ceste sorte Je vous admonneste, gardezvous
d'Antéchrist. Vousvous arrestez trop au[x] murailles, cherchans
l'Église de Dieu en la beauté des édifices,pensans que l'union
des fidèlessoit là contenue. Doubtons-nous que Antechrist doive
là avoir son siège? Les montaignes, et bois, et laqs, et prisons, et
désertz me sont plus seurs et de meilleure fiance. Car les Prophètes
y estans cachéz ont prophétisé. Or qu'est-ce que le monde
honnore aujourd'huy en ces Évesques cornuz, sinon qu'il pense
estre lesplus excellens ceuxqui président au[x]plus grandes villes?
Ostons donc une si folle estime. Au contraire, permettons cela
au Seigneur, que puis qu'il est seul congnoissant qui sont les siens,
que aussi aucunefoisil puisse oster la congnoissanceextérieure de
son Église de la veue des hommes. Je confesse bien que c'est une
horrible vengeance de Dieu sur la terre. Mais si l'impiété des
hommes le mérite ainsi,pourquoy nous efîorceons-nous de contre-
r_1__J
T. IV. 2