Correspondance des réformateurs dans les pays de langue française

i 536 JEAN CALVIN AU ROI DE FRANCE. 21
nement, de vaciller. Iceux donc, à fin qu'flz n'ayent matière de se
desconforter et perdre couraige, doivent penser, que les mesmes
choses que nous voyons maintenant sont advenues aux Apostres
de leur temps. Il y en avoit lors des ignorans et inconstans, lesquelz,
comme Sainct Pierre récite, corrompoient à leur perdition
ce qui estoit divinement escript par S. Paul. Il y avoit des contempteurs
de Dieu, lesquelz, quand ilz oyoient que le péché avoit
abondé à fin que la grâce abondast d'avantaige, incontinent ilz objectoient:
Nous demourerons donc en péché, à fin que la grâce
abonde. > Quandilz oyoient que les fidèles n'estoient pomt soubz
la Loy, ilz respondoient: « Nouspécherons, puis que nous ne sommes
point soubz la Loy, mais soubz la grâce. »II y en avoit qui
l'appelloient hortateur à mal. Des faux prophètes s'ingéroient pour
destruire les Églises qu'il avoit édifiées. Aucuns preschoient l'Évangile
par haine et contention, non en sincérité, et mesmes maticieusement,pensans
de le grever plus en sa prison. En aucuns
lieux l'Évangile ne proffitoit pas beaucoup. Chascun cerchoit son
proffit,et non point de servir à Jésus-Christ.Les autres se revoltoient,
comme chiens retournans à leurs vomissemens, et pourceaux
à leurs fanges. Plusieurs tiroient la liberté de l'Esprit en
licencecharnelle. Plusieurs faux frères s'insinuoient, desquelz provenoient
après grandz dangiers aux fidèles. Mesmes entre les
frères divers débatz se suscitoient. Qu'avoient icy à faire les Apos-
Ires? Leur estoit-il expédient ou de dissimuler pour un temps, ou
du tout quicter et renoncer cest Évangile,lequel ilz voyoient estre
semence de tant de noyses, matière de tant de dangiers, occasion
Me tant de scandales? Maisentre telles angoisses il leur souvenoit
•que Christ est pierre d'offence et de scandale, mis en ruyne et résurrection
de plusieurs, et pour un but auquel on contredira. De
laquellefiance estans arméz, ilz passoient hardiment, et marchoient
par tous dangiers de tumultes et scandales. Nous avons à nous
conforter d'une mesme pensée, puis que Sainct Paul tesmoigne
ce estre perpétuel à l'Évangile, qu'il soit odeur de mort, pour
mort, à ceux qui périssent, et odeur de vie, pour vie, à ceux qui
sont sauvez.
Maisje retourne à toy, ô Roytrès-magnanime. Tu ne te doibsesmouvoir
de cesfaux rapporte, par lesquelz noz adversaires s'efforcent
de te jetter en quelquecrainte et terreur, c'est à sçavoir,que ce
nouvel Évangile (ainsi l'appellent-ilz) ne cerche autre chosequeoc-casion
de séditions et toute impunité de malfaire. Car Dieu n'est