Verslag - NG Kerk in Oos-Kaapland

*3 In die afgelope twee jaar kon n Memorandum van Verstandhouding tussen die regering en
godsdiensgroepe onderteken word tov die verskaffing van hulp aan mense wat swaarkry. Daar is ook
ooreengekom dat godsdiensleiers die inisiatief neem vir die moontlike daarstel van n Moral Charter/ Bill of
Morals. Gesprek is ook gevoer oor die Moral Generation Movement wat nie regtig van die grond kom nie.
Dit is jammer dat nie een van hierdie drie sake regtig konkreet van die grond af kom nie.
*4 Die godsdiensleiers is ook op die hoogte gebring van die ondersoek oor die makro-sosiale situasie in
Suid-Afrika asook die Accelerated and Shared Growth Initiative for South Africa (ASGISA).
*5 Daar is tans wye frustrasie oor die swak funksionering van die NRLF. Die NG Kerk se verteenwoordigers
probeer hulle bes om die organisasie te laat werk.
3.2.1 Gesprek met politieke partye
*1 Daar was sedert die vorige Sinode kontak met die ACDP en die ANC rondom bepaalde sake.
*2 Die Moderatuur van Namibië het positiewe gesprekke gehad met die owerheid in die land. Die
Moderamen het telkens met dank kennis geneem van die positiewe verslag van die verteenwoordigers van
Namibië oor die rol wat die regering van die land aan die kerklike gemeenskap verleen.
3.2.2 Gesprekke met provinsiale regerings
Sinodes is deur die Moderamen versoek om die gesprekke plaaslik te hanteer. Dr Ben du Toit sal riglyne vir
gesprekke verskaf.
3.2.3 Persoonlike morele verantwoordelikheid van lidmate
Die opdrag moet nog aandag geniet.
3.3 GESPREKSGROEP KERK EN STAAT
Dr Nelus Niemandt en prof Pieter Coertzen is aangewys om amptelik namens die NG Kerk by die
gespreksgroep betrokke te wees.
3.4 DIE NG KERK EN DIE GRONDWET: DIE BETROKKEHEID VAN DIE NG KERK BY DIE
WETSKRYWENDE PROSES VAN DIE NASIONALE PARLEMENT AS DEEL VAN DIE GETUIENISTAAK
VAN DIE KERK
3.4.1 Die Moderamen het na aanleiding van die gesprek, en onsekerheid, wat ontstaan het oor die
verhouding kerk-staat na die voorlegging aan die Parlementêre Portefeuljekomitee n beleidstuk
goedgekeur as aanbeveling aan die Algemene Sinode. Die stuk verskyn as Bylaag 1 by hierdie verslag.
3.4.2 AANBEVELING: DIE NG KERK EN DIE GRONDWET
Die Algemene Sinode keur die dokument Die NG Kerk en die Grondwet goed as beleidstuk van die
NG Kerk. Dit geld ook as as uitgangspunt vir die werk van die Parlementêre Lessenaar.
4. SKAKELING MET DIE KAPELAANSDIENSTE
4.1 Die Moderamen het n Subkommissie Kapelaansdienste wat verantwoordelik is vir skakeling en rapport
aan die Moderamen. Die NG Kerk het ook die voorreg om n verteenwoordigers te benoem op die Security
Services Christian Advisory Board.
4.2 Die Kapelaan-Generaal van die SANW, ds Marius Cornelissen, en die Direkteur Godsdienssorg van die
DKD, ds Hennie Human, is beide leraars van die NG Kerk. Óns is dankbaar dat leraars van die NG Kerk in
hierdie posisies kan diens lewer.
4.3 Twee besondere sake wat die aandag van die kerkverband vra, is:
* die behoefte aan gemeentes wat dit positief sal oorweeg dat kapelane aan hulle gekoppel word, en
* bydraes van gemeentes aan die Kapelaansfonds waaruit die verspreiding van die boekie Daily Devotions
aan weermaglede geskied.
4.4 AANBEVELINGS: KAPELAANSDIENSTE
4.4.1 Die Algemene Sinode versoek gemeentes om, waar hulle genader word om n kapelaan aan die
gemeente te koppel, dit ernstig te oorweeg.
4.4.2 Die Algemene Sinode verwys die behoefte aan bydraes van gemeentes ten bate van die
Kapelaansfonds na sinodes.
4.4.3 Die Algemene Sinode versoek sinodes om kapelane wat binne hulle grense werk, te betrek by
die verskillende dienskommissies van die sinode.
4.4.4 Die Algemene Sinode besluit om die Subkommissie vir Kapelaansdienste soos volg saam te
stel: n verteenwoordiger van elk van die vier kerke van die NG Kerkfamilie en n benoemde
kapelaan van elk van die vier afdelings van die Veiligheidsdienste (SAW, SAPD, Korrektiewe
Dienste, Nasionale Intelligensie), op eie koste. Indien die hoofkapelaan(e) van die NG Kerkfamilie is,
word hy/sy/hulle benoem - indien nie, een van die leiersgroep van die betrokke afdeling wat n
gelegitimeerde van die NG Kerkfamilie is.
4.4.5 Die Algemene Sinode besluit om n dienende kapelaan uit elk van die vier afdelings van die
Veiligheidsdienste op die Taakgroep vir Diensgetuienis te benoem.
4.4.6 Die Algemene Sinode besluit om voort te gaan met sy steun en betrokkenheid by die
Veiligheidsdienste Christelike Adviesraad deur middel van sy verteenwoordiger op die Raad.
ÁÁ