Verslag - NG Kerk in Oos-Kaapland

* om mee te werk aan die hereniging van die NG Kerkfamilie
* om vennootskappe met die kerke in die NG Kerkfamilie in Afrika te help vestig
* om ekumeniese netwerke op algemene sinodale vlak rondom die Diens en Getuienis-bediening van die
kerk te help vestig.
2.2 As Diensgroep van die Algemene Sinode verstaan die ADD sy funksie as:
2.2.1 die uitvoering van spesifieke opdragte van die Algemene Sinode.
2.2.2 om sinodes te bedien met navorsing oor en die formulering van kerklike standpunte ten opsigte van
maatskaplike en missionêre aangeleenthede
2.2.3 die navorsing en ontwikkeling van materiaal wat die gemeentes en die kerkverband kan dien in die
uitvoering van hulle roeping
2.2.4 die koördinering en wanneer nodig, ook fasilitering en ondersteuning, van sinodale projekte en
programme
2.2.5 die verteenwoordiging van die NG Kerkfamilie by die Staat, ekumeniese en nie-kerklike organisasies
rakende sake van maatskaplike en missionêre belang op nasionale en internasionale vlak
2.3 Saam met die ander drie kerke van die NG Kerkfamilie fokus die ADD tans op die teologiese
besinning en beleidformulering ten opsigte van:
* Diens en Getuienis
* Die bestryding van armoede
* MIV/Vigs
* Vrede en geregtigheid
* Die ondersteuning van sinodes se diens- en getuienisbedieninge
* Getuienisaksies in vennootskap met kerke in Afrika.
3. KANTOOR EN HULPBRONNE
Naas die ontwikkeling van die agenda vir die nuwe diensgroep is daar ook baie tyd bestee om n effektiewe
werkwyse te vind binne die nuwe struktuur en funksionering van die Algemene Sinode. Aanvanklik is
geprobeer om al die werk met taakspanne af te handel, maar dit het gou geblyk nie effektief te wees nie,
veral ten opsigte van funksies soos verteenwoordiging en skakeling. Na uitgebreide onderhandelinge met
die algemene sekretaris en die Moderamen is besluit om n pos in die kantoor van die algemene sekretaris
te vestig om te fokus op maatskaplike aangeleenthede en die kerk se diens en getuienis. n Gedeelte van
die pos word ook aangewend om die Algemene sekretaris by te staan. Ds WC van der Merwe het op 1
Julie 2006 diens in die pos aanvaar. Die ADD het ook met TKM/BM onderhandel om n gedeelte van die
tyd van dr Hennie van Deventer te bekom vir missionêre aangeleenthede. Dr Van Deventer het op 1
Oktober 2006 daar diens aanvaar.
4. WYSIGINGS AAN DIE KERKORDE EN REGLEMENTE
4.1 Sedert die vorige sinode is n nuwe Reglement vir die Algemene Diensgroep Diens en Getuienis
opgestel en na die Algemene Taakspan Regte verwys. In die gesprek oor die teologiese fundering en
funksie van die Diensgroep het dit gaandeweg duidelik geword dat die naam van die Diensgroep in
Afrikaans eerder Diens en Getuienis moet wees. Die motivering hiervoor is dat die begrip diensgetuienis
n persepsie kan laat ontstaan dat dit in die Diensgroep slegs om n bepaalde aspek van getuienis gaan,
naamlik diensgetuienis, wat n verskraling van die Diensgroep se werk sal beteken. Die konsep Service
and Witness is goed gevestig in die ekumene en die VGKSA gebruik ook die benaming vir hulle
ooreenstemmende Diensgroep en die ADD is van mening dat dit die direkte Afrikaanse vertaling, Diens en
Getuienis, eerder gebruik behoort te word.
REGLEMENT VIR DIE ALGEMENE DIENSGROEP
DIENS EN GETUIENIS (ADD)
1. NAAM
Die Algemene Diensgroep Diens en Getuienis van die Nederduitse Gereformeerde Kerk (ADD)
2. SAMESTELLING
Die Diensgroep word soos volg deur die Algemene Sinode saamgestel:
2.1 een lid (met n sekundus) uit elk van die sinodes (verkieslik die voorsitter,
ondervoorsitter of skriba van die betrokke sinode se ooreenstemmende kommissies) 10 lede
2.2 tien kundiges op die terrein van Diens en Getuienis
2.3 twee vroue-verteenwoordigers
2.4 die sekretaris(se) vir Diens en Getuienis (in diens van die Algemene Sinode).
ÏÎÍ