Verslag - NG Kerk in Oos-Kaapland

2.3.3 Die pos van ds Johann Symington, Hoofredakteur Kerklike Tydskrifte, is omvorm tot die van Direkteur
Kommunikasie van die Algemene Sinode. Hy funksioneer met verslag aan die Taakspan Kerklike Media tov
die bedryf van die tydskrifte onder sy beheer en aan die Moderamen tov die kommunikasie van die NG
Kerk. Die Moderamen dra ook n gedeelte van die koste verbonde aan die pos. Uitvoering is ook gegee
aan vorige sinodebesluite tov die Parlementêre Lessenaar. Die Moderamen koop 50% van die tyd van dr
Ben du Toit (Wes-Kaap) uit vir hierdie pos. Ds Symington en dr du Toit vorm deel van die personeel van die
kantoor van die Algemene Sinode al is hulle in Wellington en Bellville gesetel.
2.3.4 Met die samewerking met CLF en TKM kon die pos vir Afdelingshoof Bedieninge by Bybelmedia ook
gevul word. Dr Hennie van Deventer van Nkhoma, Malawi, is in die pos aangestel. Dr van Deventer lewer
ook diens aan die ADD tov missionêre projekte.
2.3.5 Die personeel van ABID is kragtens die besluit tov n eenheidsargief vir die Algemene Sinode
oorgeplaas as personeel van die Algemene Sinode in diens van ABID. Hulle besoldiging en
diensverhoudinge word kragtens ooreenkomste met die samestellende vennote hanteer. Dr Johan
Froneman is die direkteur.
2.3.6 Die Algemene Sinode se kantoor in Pretoria asook waar daar elders personeel is, word uitnemend
gedien deur baie bekame administratiewe personeel. Groot dank is aan hulle verskuldig.
2.4 PERSONEELONTWIKKELING ITV DIE TAAKSPANVERSLAG (ALGEMENE SINODE 2004) OOR
DIE KANTOOROPSET ASOOK DIE ROEPINGSVERKLARING 2002
2.4.1 Onder leiding van die Visionêre Taakspan is aandag gegee aan die funksies en bevoegdhede van al
die senior personeellede in diens van die Algemene Sinode. Roluitklarings het aandag gekry en kry op
kontinue wyse aandag soos die sisteem ontwikkel. Die Taakspan het ook begin aandag gee aan n
personeelverbintenis van die administratiewe personeel saam met die senior personeel. Dit is nog nie
afgehandel nie maar geniet aandag.
2.4.2 Onder leiding van die Algemene Sekretaris kom die senior personeel byeen met die oog op
koördinering van werksaamhede voortvloeiend uit die werk van die koördineringsliggaam (vgl by A.1.1 pt 7)
asook advies aan die Moderamen.
2.4.3 Dr Chris van Wyk, voorsitter van die Visioenêre Taakspan, het n besondere rol in bogenoemde
werksaamhede gespeel.
2.4.4 Gedurende 2-5 April 2007 is n volledige personeeloudit gedoen asook n Peromnes-evaluering van
die administratiewe personeel in diens van die Algemene Sinode.
3. BEGROTINGSPROSES
3.1 Die Moderamen het reeds voor die vorige Algemene Sinode besluit om die begroting strategies met die
oog op die prioriteite waarmee die kerkverband werk, te hanteer. Hierin moet die Roepingsverklaring van
2002, die sewe prioriteite wat daaruit ontwikkel het asook Kerkorde Art 43 die bepalende faktore wees.
3.2 Die Bosberaad wat in November 2004 na afloop van die Algemene Sinode gehou is, het in die lig van
die besluite wat gevloei het uit die verslag van die Taakspan Strategie, kommunikasie en Stelsels
indringend aan die begrotingsprosesse aandag begin gee. In die gesprek is op die volgende ooreengekom
wat ook die agenda was vir die prosesse na die Bosberaad:
* n Deurlopende en duidelike uitklaring van watter belange word gedien deur bepaalde fondsetoedeling
* Mandate vir die proses moet uitgeklaar word: wie begroot (verteenwoordigers van die 4 Diensgroepe), wie
het die opdrag van die Algemene Sinode om die fondse te beheer (ATF), wie bestuur die fondse en
begroting (ATF en die Algemene Sekretaris) en wie administreer die fondse (die kantoor van die Algemene
Sinode en die finansiële beampte van die kantoor).
* Die begrotingsprioriteite moet jaarliks bepaal word deur (1) die Moderamen, (2) die Diensgroepe
afsonderlik soos dit hulle werk raak en (3) dan ook gesamentlik by die jaarlikse Bosberaad. Hulle doen dit
aan die hand van die Roepingsverklaring, die sewe prioriteite en Kerkorde Art 43.
* Vaste uitgawes en diskresionêre uitgawes word volgens bogenoemde begroot.
* n Proses van onderhandeling met en tussen Diensgroepe word gevolg om prioroteite vas te stel.
* Oorweging word geskenk aan n jaarlikse ouditgesprek van alle state by die Bosberaad van die
Moderamen. Daar moet n deursigte verklaring van alle fondse wees in die lig van die besluite van die
Algemene Sinode 2004 oor aan wie die fondse van die Algemene Sinode behoort. Alle beleggingsbeleide
moet ook op tafel wees.
* Die nuwe sisteem wat vanuit die besluite van 2004 implementeer moes word, gaan geld kos. In die
begrotingsonderhandelinge moet oorweging gegee word aan die gebruik van n persentasie van die
beleggings vir die omdraai van die sisteem soos goedgekeur. Finansiële kundiges moet hierin betrek word.
* n Fondsontwikkelingsprogram moet vir die Algemene Sinode ontwikkel word.
3.3 Die beleid is aanvaar dat die Algemene Sinode met n inkomstebegroting werk wat binne die beskikbare
fondse die totale uitvoerbaarheid van die Algemene Sinode se visie bestuur. Hierbinne het die Moderamen
die verantwoordelikheid om wanneer daar bepaalde verskuiwinge tov belangrike sake opduik asook ander
ÏÏÈ