Verslag - NG Kerk in Oos-Kaapland

A.6.3 VERSLAG VAN DIE ALGEMENE DIENSGROEP DIENS EN
GETUIENIS: BESTUUR, ADMINISTRASIE EN NAVORSING
1. ONTWIKKELING
1.1 Die besluit van die vorige Sinode om die Algemene Kommissie vir Diens van Barmhartigheid (AKDB)
en die Algemene Sinodale Kommissie vir Getuienis (ASKG) saam te voeg in n nuwe Algemene
Diensgroep vir Diens en Getuienis (ADD) het n aantal belangrike uitdagings op die Diensgroep se agenda
geplaas. Die belangrikste uitdaging was om die teologie wat diens van barmhartigheid en sending
saambind opnuut te ontdek nadat die twee bedieninge vir baie jare in twee losstaande kommissies
gestruktureer en bedryf is. Dit het gelei tot n hernude besinning oor die begrip Diens en Getuienis en in
die besinning het die punt wat Wickeri beklemtoon ook al duideliker vir die Diensgroep geword: We can
only understand the church in die light of its mission .
1.2 Beide kommissies was voor die sinodesitting van 2004 reeds in verhoudinge en gesamentlike aksies
met die ander drie kerke in die NG Kerkfamilie naamlik die VGKSA, die RCA en die NGKA betrokke. Die
ASKG was deel van die AKGA en die AKDB het saam met die ASKDD van die VGKSA aan strategieë vir
die bekamping van armoede, MIV/Vigs, misdaad en geweld gewerk. Nog n belangrike uitdaging was dus
om die bestaande verhoudinge wat die AKDB en ASKG afsonderlik met die ander kerke gehad het, te
inkorporeer in die ontwikkeling van die nuwe ADD.
1.3 Beide die voormalige AKDB en die ASKG was besig met uitgebreide agendas en heelwat tyd is sedert
die vorige sinode daaraan bestee om die agenda van die ADD te ontwikkel. Aanvanklik het die nuwe
Diensgroep geprobeer om gewoon net die bestaande agendas saam te voeg, maar dit het gou geblyk nie
moontlik te wees nie. Daarom was die ADD genoodsaak om aan die hand van artikel 43 van die Kerkorde
van die NG Kerk (2004) opnuut oor die rol en funksie van die Diensgroep as n werksaamheid van die
Algemene Sinode te besin. Dit het meegebring dat daar baie krities na die bestaande agendas gekyk moes
word. Die gesprek oor die ADD se rol en funksie is verder geïnformeer deur die Verklaring van die
Algemene Sinode (2002) aangaande die kerk se roeping. Ander dokumente wat as basis vir die gesprek
gedien het is:
* Die Kerkorde van die NG Kerk (veral artikels 53 en 54)
* Die Reglement vir die Sending/Getuienis van die NG Kerk (Reglement 18)
* Die Reglement vir AKGA
* Vorige besluite van die Algemene Sinodes van die NG Kerk, die VGKSA, die NGKA en die RCA.
1.4 Die Agendakommissie het versoek dat die verslag sal aansluit by die tema s in die Verklaring (2002) en
daarom is die verslag ingedeel onder die volgende hoofopskrifte:
* Bestuur en Administrasie
* Identiteit van die kerk
* Bediening van die kerk
* Bydrae tot genesing van die land
* Verhoudings
* Openbare getuienis
1.5 Die verslagdoening oor die vordering met die opdragte wat die vorige Sinode aan die Diensgroep
gegee het, sal telkens onder die tersaaklike hoofopskrif geplaas word. Heelwat tyd moes aan die begin van
die termyn spandeer word om die funksioneringswyse van die nuwe Diensgroep te bepaal en dit het
meegebring dat al die opdragte nie voldoende aandag kon kry of afgehandel is nie. Die beperkte begroting
van die ADD was nog n belemmerende faktor.
1.6 Die ADD werk ook in vennootskappe met verskillende kerklike instellings wat as onafhanklike
organisasies funksioneer, maar aan die Algemene Sinode rapporteer. In samewerking met die
Agendakommissie is besluit dat die verslae van drie kerklike instellings wat nou verwant is aan die
Diensgroep: Diens en Getuienis, deel van die Diensgroep se verslag sal uitmaak, naamlik:
1.6.1 CLF
1.6.2 Hugenote Kollege
1.6.3 ISWEN
2. DIE AGENDA VAN DIE ADD
2.1 Hierbo is reeds daarna verwys dat die Diensgroep sy agenda herontwerp het in die lig van die
Verklaring (2002) en Kerkorde artikel 43. In die proses het die volgende doelstelling uitgekristalliseer:
Die roeping van die Algemene Diensgroep Diens en Getuienis is om sinodes te adviseer en te bedien ten
opsigte van die volgende kritiese aspekte van die Verklaring (2002):
* die getuienis van die hoop wat in ons leef
* om mee te werk aan oplossings vir ons samelewingsprobleme
* om gemeentes te help om missionêre gemeentes te wees
* om gemeentes te help om hulle gemeenskappe te bedien
ÏÎÎ