Verslag - NG Kerk in Oos-Kaapland

die Algemene Sinode of ASM gedoen.
2.3.1.4 Vaste of kontraktuele verpligtinge in die begroting geniet noodwendig prioriteit in die aanwending van
beskikbare fondse. Hierdie kostes en sodanige ander kostes wat nodig is vir die effektiewe funksionering van
die Algemene Sinode, word beskou as vaste kostes of primêre uitgawe-prioriteite.
2.3.1.5 Enige ander kostes word as sekondêre uitgawe-prioriteite beskou, wat finansier word uit beskikbare
fondse, nadat die vaste of kontraktuele verpligtinge nagekom is. Die ATF poog om in die bestuur van
beskikbare fondse, n gesonde balans te handhaaf tussen sekondêre uitgawe-prioriteite.
2.3.1.6 Die Algemene Sinode keur geen nie-begrote items, van watter aard ook al, goed sonder deeglike
ondersoek en advies in samewerking met die ATF ter wille van sinvolle en verantwoordelike bestuur van die
finansies.
2.3.1.7 Die ATF doen jaarliks aan die einde van die finansiële boekjaar n oorsigverslag oor die finansies
aan die Algemene Sinode of ASM (indien die Algemene Sinode nie in sitting is nie). Hierdie state word
vergesel met n toepaslike ouditverslag.
2.3.2 Bydraes van die Sinodes
2.3.2.1 Sinodes se bydraes word volgens n persentasie-formule bereken, gebaseer op die totale lopende
inkomste van al die gemeentes van die betrokke Sinode, volgens die jongste geouditeerde state aangetoon.
2.3.2.2 Die bydraes word bereken as 0,3% van die totale lopende inkomste van al die gemeentes van n
Sinode.
2.3.2.3 Hierdie persentasie kan slegs verhoog word met n meerderheid van twee-derdes van die
stemgeregtigdes, tydens die vergadering van die Algemene Sinode.
2.3.2.4 Die bydrae van n Sinode word deur die ATF in sitting bevestig. Onderhandelinge oor n
vermindering van die bedrag, kan vooraf gevoer word. Dit geskied in die lig van die Sinode se
omstandighede. Enige vermindering van die bydrae, is net geldig vir een finansiële jaar. Hierdie
onderhandelinge word tydens die vergadering van die ATF bevestig. (Vergelyk punt 2.5 hieronder.)
2.3.2.5 Hierdie bydraes word maandeliks aan die Algemene Sinode oorbetaal.
2.3.2.6 Enige Sinode wat versuim om die maandelikse bydraes te betaal, word met n renteheffing, volgens
die prima koers van ABSA, op die uitstaande bedrag gedebiteer.
2.3.3 Beleggings
2.3.3.1 Beleggings in kontant word deur die ATF gedoen volgens Kerkorde Reglement 9, punt 2.4 tot 2.5.
2.3.3.2 Van enige rente verdien op beleggings, word 25% gebruik om die betrokke belegging te
kapitaliseer en die res kan aangewend word, soos daarvoor in die jaarlikse begroting voorsiening gemaak
is.
2.3.3.3 Van die reserwefondse kan ook in ander instrumente as kontant belê word. (Vergelyk punt 3
hieronder.)
2.4 OPMERKINGS OOR DIE BENADERING
2.4.1 Bereken as 0,3% van die totale lopende inkomste van al die gemeentes??
2.4.1.1 Daar is gevra of die persentasie sommer uit die lug geval het. Hoe is dit bepaal? Die huidige
totale bedrag (2003/2004) wat Sinodes tot die begroting van die Algemene Sinode bydra, is as n
persentasie van die totale lopende inkomste van al die gemeentes uitgedruk. Hierdie persentasie is tot n
enkel syfer afgerond.
2.4.1.2 Hierdie berekeningswyse verseker dat n bedrag, ongeveer 10% meer as in die verlede, vir die
uitgawes van die Algemene Sinode beskikbaar is. Verder word die styging of daling van die gemeentes se
inkomste gebruik om die bedrag wat vir die Algemene Sinode beskikbaar is, te bepaal. Die verdeling
tussen die Sinodes word ook gewysig. Die Sinodes waar daar n groter groei plaasvind, het die voorreg om
meer by te dra as dié waar die omstandighede swakker was.
2.4.2 Bydraes deur die Sinodes
2.4.2.1 Daar is besef dat n aantal Sinodes meer as in die verlede moet bydra.
2.4.2.2 Waaroor almal eenstemmigheid het, is dat daar met n inkomste-begroting gewerk moet word. Die
0,3% van die totale lopende inkomste van al die gemeentes, behoort die boonste perk vir die uitgawes van
die Algemene Sinode wees. Hierdie bedrag kan, soos in die verlede, deur die ATF in sitting onderling
verdeel word. Daar kan oor en weer aanpassings geskied, totdat almal mekaar gevind het.
2.5 RIGLYNE VIR ONDERHANDELINGE
2.5.1 Die onderhandelinge geskied volgens die Sinodes se spesifieke situasies. n Sinode moet motiveer
waarom die berekende bedrag nie haalbaar is nie.
2.5.2 Dit beteken dat Sinodes wat wil onderhandel, self die inisiatief daarvoor moet neem.
2.5.3 Bakens vir die gesprek oor n Sinode se bydraes
2.5.3.1 Die gesprek word deur die Dagbestuur hanteer. n Aantal bakens vir die proses is soos volg:
Een: Die volgende vrae behoort ten opsigte van die gesprek beantwoord te word:
ÏËË