Verslag - NG Kerk in Oos-Kaapland

aan die gang tussen die DRCB, die Noordelike Sinode en die Sinode van Noord-Kaap olv die Algemene
Sekretaris. Daar is ook reeds kontak gemaak met die Nederduitsch Hervormde Kerk wat n groot gemeente
in Gaborone het en bereid is om deel te wees van n gesprek oor die bediening van Afrikaanse mense in
Botswana. Kontak sal ook met Namibië gemaak word wat betrokke is by bediening in die weste van
Botswana.
3.4.6 Die Sinodale Diensraad van die Noordelike Sinode het tov bogenoemde tipe probleme en die
bediening van lidmate van die kerke wat by die Kommissie vir Buiteandse Bediening betrokke is n
rigtinggewende besluit geneem wat op die lang duur baie bedieningsprobleme kan oplos en positiewe
ekumeniese verhoudinge tot gevolg kan hê: Die SDR moet n proses begin wat daarop gemik is om
gemeentes en ringe in buurstate wat by die Noordelike Sinode inskakel te begelei om ekumeniese bande
met ander gereformeerde gemeentes in die spesifieke onafhanklike staat te soek met die oog op die
stigting van eenheidskerkverbande in die staat. In die proses moet die behoud van die kultuur en die
tradisie van die gemeentes en ringe hoë prioriteit geniet.
3.4.7 Die bediening van lidmate/Afrikaanssprekendes in Afrika het talle kompleksiteite wat hanteer moet
word. Die Kommissie vir Buitelandse Bediening gee op kontinue wyse daaraan aandag.
3.5 VERENIGDE KONINKRYK
3.5.1 Die SA Gemeente London is deel van die kerkverband van die NG Kerk en doen reusewerk in die
hele VK asook in Ierland.
3.5.2 Hierdie gemeente doen oa reusewerk tov van die duisende jongmense uit Suid-Afrika wat vir n jaar of
langer in die VK gaan werk. Hulle is bereid om hulp en raad te gee, en is tot beskikking van jongmense. Die
NG Kerk is hierdie gemeente groot dank verskuldig.
3.5.3 Die Gereformeerde Kerke het n behoefte by jongmense raakgesien wat behoefte aan meer
tradisionele dienste het, en het n reëling met die Free Church of Scotland dat hulle vir sulke Suid-
Afrikaners dienste in Afrikaans aanbied. Daar is sterk bande en voortdurende gesprek met die SA
Gemeente London. Dit is hartseer dat APK n eie gemeente in London gestig het.
3.6 EUROPA
3.6.1 Die SA Gemeente London help op verskeie plekke in Europa. Daar is ook oral groepe lidmate van die
NG Kerk/Suid-Afrikaners wat in huise rondom die Woord byeenkom.
3.6.2 Die NG Kerk en die NH Kerk werk in Oostenryk saam vanuit die Reformierte Kirche Wien-Süd waar
Afrikaanse lidmate as n wyksgemeente van die betrokke kerk bedien word. Prof Jimmie Loader en dr Jan
de Jongh van Arkel help as leraars.
3.7 VSA/KANADA
3.7.1 Dr Kobus Gerber kon in Februarie 2006 n aantal dominees wat vanuit die drie Afrikaanse kerke na
Kanada geëemigreer het en daar werk, ontmoet. Die kollegas doen regtig moeite om die Suid-Afrikaners te
akkomodeer - so ook die twee kerke waar Suid-Afrikaners meestal inskakel nl die Christian Reformed
Church en die Presbyterian Church. Ds Johan Olivier van London, Ontario, het aangebied om as
skakelpersoon op te tree om toe te sien dat lidmate wat emigreer deur n leraar besoek word.
3.7.2 Kontak met leraars wat in die VSA arbei en groepe lidmate daar is tans nie goed nie en verdien
aandag.
3.8 AUSTRALIË/NIEU-SEELAND
3.8.1 In beide die lande is daar n aantal konsentrasiepunte waar Suid-Afrikaners woon en ook behoefte
aan geestelike versorging het.
3.8.2 Plaaslike denominasies van gereformeerde oorsprong (Christian Reformed Churches of Australia,
Reformed Churches of New Zealand, Presbyterian Church of New Zealand) doen moeite om Suid-
Afrikaners te laat inskakel. Hulle is ook bereid om Afrikaanse bedieninge as deel van hulle kerkverbande te
skep.
3.8.3 Daar is in beide Australië en Nieu-Seeland onafhanklike Afrikaanse gemeentes met n gereformeerde
karakter - sommige floreer, ander kry swaar.
3.8.4 Op ekumeniese terrein ontwikkel daar van tyd tot tyd spanning wanneer gemeentes uit Suid-Afrika n
dominee stuur om in een van die twee lande te gaan werk terwyl die plaaslike denominasie reeds n
bediening vir Afrikaanse mense begin het of op die punt is om n Afrikaanse dominee aan te stel vir die
werk. Dit kom voor of ons soms sukkel om te verstaan dat die liggaam van Christus, ook in gereformeerde
gedaante, reeds in die betrokke wêrelddele oor baie jare gevestig is, dit die eerste plek van inskakeling
behoort te wees, en dat hulle volledig bereid is om bedienings in Afrikaans te skep. Die beleid wat die NG
Kerk in hierdie verband het word soms gewoon deur leraars en kerkrade ignoreer.
3.9 MIDDE-OOSTE
Sonder om formeel te organiseer en op baie diskrete wyse kom lidmate bymekaar en word hulle ook
bedien. In baie van die vooraanstaande ondernemings neem lidmate uit die Afrikaanse kerke leiding en
versprei die evangelie met hulle lewenswyse.
3.10 AANBEVELINGS: BEDIENING IN DIE BUITELAND
3.10.1 Die Algemene Sinode besef dat die emigrasie van ons lidmate na die buiteland nie geskied
sonder dat die Here nie ook hiermee n heilsame doel het nie. Die Algemene Sinode aanvaar daarom
dankbaar dat die Here ook elders in die wêreld lidmate uit die NG Kerk wil gebruik om deur Woord
ÔÌÔ