Verslag - NG Kerk in Oos-Kaapland

REGLEMENT ALGEMENE DIENSGROEP GEMEENTE-ONTWIKKELING
(ADGO)
1. NAAM
Algemene Diensgroep Gemeente-Ontwikkeling (ADGO)
2. SAMESTELLING
2.1 Een verteenwoordiger uit elk van die sinodes. Sinodes wys self 'n geskikte persoon met 'n
sekundus aan.
2.2 Die voorsitters van die taakgroepe van die fokusareas. Die taakgroepe is Jonk, Erediens,
Predikantbegeleiding, Evangelisasie (NEK), Lidmaatbemagtiging. In die samestelling van die
taakgroepe word die volgende in berekening gebring:
Kundigheid
Sinodale verteenwoordiging sover moontlik.
Taakspanne sal nie n maksimumvan 15 lede oorskry nie.
2.3 Een verteenwoordiger uit elkeen van die steungroepe, naamlik Kerkspieël, Taakspan vir
Teologiese Opleiding (AKTO), Bybel-Media, Forum for Intercultural Ministries (FIM) en twee
verteenwoordigers van Vrouelidmate.
3. FUNKSIES
3.1 Die ADGO fokus op werksaamhede wat primêr met gemeentebediening te make het.
3.2 Op 'n kreatiewe en vernuwende manier ondersteun die ADGO gemeentes via sinodes deur n
netwerk van dienste en praktiese bedieningshulp te koördineer, bekend te stel en nuwe produkte
soos nodig te help ontwikkel. Die ADGO vul dienste aan wat sinodes lewer waar kapasiteit
benodig word en spreek sake aan wat van algemene belang is.
3.3 Die ADGO adviseer die Algemene Sinode in verband met die beleid wat gevolg moet word ten
opsigte van gemeentebediening
3.4 Die ADGO voer opdragte van die Algemene Sinode uit
3.5 Die ADGO doen navorsing oor en koördineer die aksies wat die NG Kerk in staat stel om sy
roepingsverklaring uit te voer op die terreine van erediens, gemeentelike versorging en opbou,
jeug, predikanteversorging, die bemagtiging van lidmate, kerklos en kerkloos lidmate, en teologiese
opleiding.
3.6 die ADGO bewerk die nodige skakeling met ander diensgroepe van die Algemene Sinode met die
oog op die integrering en koördinering van werksaamhede wat gemeentebediening raak.
3.7 Die ADGO wys taakspanne aan wat op spesifieke terreine fokus of met spesifieke projekte die
leiding neem.
3.8 Die begroting van die taakspanne word deur die ADGO bepaal.
3.9 Die ADGO koördineer die insette wat die steungroepe lewer.
4. KONSTITUERING EN VERGADERINGS
4.1 Die ADGO konstitueer tydens elke gewone vergadering van die Algemene Sinode met die lede
soos aangewys deur die sinodes, taakgroepe en steungroepe. Die lede teenwoordig vorm 'n
kworum.
4.2 Die konstitueringsvergadering verkies :
4.2.1 'n Voorsitter
4.2.2 'n Ondervoorsitter
4.2.3 'n Skriba wat verkieslik die persoon in die kantoor van die ADGO is
4.2.4 Een of twee addisionele lede (na gelang van behoefte) en soos deur ADGO goedgekeur, wat saam
met die voorsitter, ondervoorsitter en skriba as dagbestuur optree. Die dagbestuur vul sy eie
vakatures aan, tot die volgende jaarvergadering.
4.3 Die Algemene Sinode keur bogenoemde personeel vir die termyn goed.
4.4 Die ADGO vergader een keer per jaar en die dagbestuur en taakspanne na behoefte en soos die
begroting dit toelaat.
ÏÎ