Verslag - NG Kerk in Oos-Kaapland

2.6 duidelikheid het oor die aard van die Skrifgesag en toegerus is om 'n helder getuienis daaroor af te lê
2.7 'n geïntegreerde lewensbeskouing huldig waarin die komplekse werklikhede van ons dag verstaan word
binne die raam van God se liefdevolle en genadige regering oor kerk en wêreld
2.8 'n duidelike verstaan sal hê van die wese en roeping van die kerk (ekklesiologie) in sy ekumeniese,
denominasionele, gemeentelike en informele gestaltes
2.9 verstaan dat die evangelie nie net bedoel is vir die gemeente en vir gelowiges nie, maar publieke
implikasies het en daarom om publieke getuienis vra
3. KARAKTER- EN PERSOONSONTWIKKELING (Etos-aspekte)
Dit sluit onder meer in dat die student
3.1 volwasse en gebalanseerd in persoonlikheid, lewensuitkyk en -praktyk sal wees
3.2 tot 'n gesonde selfaanvaarding gekom het wat 'n positiewe selfverstaan, kongruensie en selfinsig
behels, en wat kennis van persoonlike sterk en swak punte insluit
3.3 toeganklik is, en 'n vermoë het tot intieme persoonlike verhoudinge en gemaklike, spontane interaksie
met ander mense
3.4 verstaan dat inskiklikheid en onderwerping aan mekaar en aan breër gesag deel is van ons lewe in die
liggaam van Christus
3.5 in staat is om met ander kollegas en gemeentelede in spanne saam te werk
3.6 oor die pastorale sensitiwiteit beskik om mense empaties te ondersteun sonder om self emosioneel
meegevoer te word
3.7 oor die vermoë beskik om konflik objektief en oordeelkundig te hanteer
3.8 bereid is tot 'n groeiproses en 'n openheid het om gehelp te word en te verander
3.9 iemand is wat die gebrokenheid van die lewe verstaan, weet dat lyding deel is van die lewe en sy/haar
eie gebrokenheid erken en bereid is om as "gewonde geneser" ander te dien
3.10 die etiese implikasies van die evangelie duidelik verstaan en met oorgawe daarin leef
3.11 'n mens met integriteit sal wees, bekend vir sy/haar egtheid, eerlikheid en 'n diepe respek vir die
waarheid
4. BEDIENINGSVERSTAAN EN -VAARDIGHEDE (Praxis-aspekte)
Dit sluit onder meer in dat die student
4.1 'n visie sal hê op die kerk se missionêre taak ten opsigte van die omvattende nood in die wêreld
4.2 sal verstaan dat gemeentes die primêre draers en uitleggers van die evangelie is en dat al ons werk en
vaardighede in diens van die gemeente en haar funksionering staan
4.3 daarom 'n goeie begrip sal hê van die unieke roeping en werking van gemeentes, toegerus is vir die
hantering van die eise van veelkantige gemeentebediening, insluitend die uiteenlopende uitdagings en
bedieningsbehoeftes van byvoorbeeld plattelandse, voorstedelike en middestad-gemeentes, asook
enkelstandplaas en makrogemeentes
4.4 ook 'n goeie begrip sal hê van wat die leiding en begeleiding van 'n gemeente beteken en gereed sal
wees om die soort leiding op hom of haar te neem saam met die ander ampte in die gemeente
4.5 die basiese bedieningsvaardighede bemeester het wat onder meer liturgiese vaardighede,
kommunikatiewe vaardighede (prediking en lering), koinoniale en gemeenskapsvormende vaardighede,
begeleidings en toerustingsvaardighede en leierskaps- en bestuursvaardighede insluit
4.6 toegerus sal wees vir gespesialiseerde en toegespitste bedieninge soos onder andere kinder- en
tienerbediening en bejaardesorg
4.7 'n lojaliteit sal hê teenoor die kerk in die algemeen en die NGKerk in die besonder
5. KONTEKSTUELE SENSITIWITEIT
Dit sluit onder andere in dat die student
5.1 die vermoë moet hê om in ons geroepenheid saam met ander kerke in SA die konteks (SA en Afrika) te
lees en te interpreteer in die lig van die Skrif
5.2 sensitief sal wees vir die verskeidenheid van wêreldkontekste waarbinne van ons mede-landgenote leef
en waarin die verskillende kerke in ons land hul bediening moet vervul
5.3 insig sal hê in die groot samelewingsprosesse (internasionaal, kontinentaal en nasionaal) waarbinne
ons leef en die effek daarvan op ons wêreld, kerk en gemeentelike lewe sal verstaan
5.4 in staat sal wees om saam met ander die roeping van die kerk in 'n spesifieke tydsgewrig te verstaan,
wat insluit armoede, vigs, misdaad, versoening, rassisme en die belang van die familie
5.5 begrip sal hê vir mense se leef-, beroeps- en belewingswêreld, denkraamwerke (paradigmas),
geloofsfases, geestelike en maatskaplike nood, asook vir die tydgees en waardes wat hulle denke en
gedrag beïnvloed
In 'n diagram sou ons dit soos volg kon voorstel. Die oorvleueling van die sirkels dui op die integrasie van
die drie aspekte van die profiel. Die integrasiepunt is geestelike volwassenheid wat kulmineer in die student
se lewe coram Deo.
ÌÏÈ