Verslag - NG Kerk in Oos-Kaapland

GEMEENTE-ONTWIKKELING BYLAAG 5
BESLUITE INSAKE DOOP, KATEGESE EN KINDERNAGMAAL
1. OPDRAG
Die ADGO het aandag aan die volgende opdrag van die Algemene Sinode gegee :
Konsolidering Besluite Doop en Kategese
Die Algemene Sinode gee opdrag aan die AJK om in oorleg met die ARK besluite wat by verskillende
Algemene Sinodes rakende doopbediening, doopkategese, kategese en belydenisaflegging geneem is, tot
een stel besluite te konsolideer vir opname in n verslag aan die volgende Algemene Sinode.
(Hand. Alg. Sinode 2002, bl. 560 pt. 5.4.2.2)
2. AGTERGROND
Na `n deeglike bestudering van besluite sover terug as 1962 het die volgende duidelik geword.
2.1 Daar is `n hele aantal besluite wat nie meer in lyn is met die bedieningspraktyk wat tans formeel en
informeel in die NGK toegepas word nie.
2.2 Ten einde die besluite sinvol te koördineer sonder om kontradiksies en spanning tussen beleid en
praktyk tot gevolg te hê, is dit van uiterste belang dat daar duidelikheid bestaan oor die kernbeleid rakend
genoemde sake.
2.3 ADGO stel dus voor dat daar eerder gepoog word om de novo `n relevante beleid saam te stel wat alle
vorige besluite sou herroep. Dit sal ons in staat stel om met `n skoon lei `n vars begin te maak. Dit sou dit
ook moontlik maak om eenvoudig en helder aangaande hierdie sake te kommunikeer.
2.4 Uiteraard sal die grondbeginsels van ons tradisie en ekklesiologie (sien verslag aan die sinode) in
gedagte gehou word wanneer hierdie beleid bepaal word.
2.5 Die Algemene Sinode word dus versoek om genoemde opdrag te wysig.
ÌÔÓ