Verslag - NG Kerk in Oos-Kaapland

DIENS EN GETUIENIS BYLAAG 2
VERSLAG OOR DIE WERKSAAMHEDE VAN ISWEN
Die sendingera waarin ISWEN tot stand gekom het die hele netwerk van sendelinge, predikante in
sinodale diens, ensovoorts bestaan nie meer nie. Die fase wat daarop moet volg begin nou al hoe meer
gestalte aanneem. Die vereiging van die NG Kerkfamilie, die saamvoeging van Sending en Diens van
Barmhartigheid en die aandag aan probleme in plaaslike gemeenskappe, veral armoede, MIV/vigs en
konflik en geweld, is hoog op die agenda.
Die kerk het egter nie die hulpbronne kundigheid, fondse, netwerke om die uitdagings in die
gemeenskappe op `n behoorlike wyse aan te pak nie. Dit is in baie opsigte nuwe probleme. Daar is
byvoorbeeld nou meer mense wat MIV-positief is in die land, as wat daar `n eeu gelede mense was! En die
NG Kerk se eie fondse en mense word al minder! Die kerk moet nuwe bedieningspatrone ontwikkel vir
nuwe uitdagings.
ISWEN het oor die afgelope jare baie min kapasiteit gehad. Die toekenning van die kerk was skaars
genoeg vir halwe sekretariele pos. In samewerking met die NOVA-Instituut, en deur die genade van die
Here, is daar egter `n redelik mate van kapasiteit en vermoe opgebou om die hulpbronne vir sulke nuwe
bedieningspatrone te ontwikkel. Die drie hulpbronne wat hierbo genoem is, word kortliks toegelig:
1. KUNDIGHEID
ISWEN/NOVA het drie voltydse navorsers, dr. Attie van Niekerk, dr. Christiaan Pauw en dr Montagu
Murray, met `n groot multi-dissiplinere span navorsers wat op deeltydse basis betrokke is. Hulle werk aan
`n verskeidenheid aspekte in en met arm gemeenskappe. Die meeste van die fondse word verkry deur
kontrakte vir industrie en regeringsdepartemente.Gemeentes en sinodes gee ook onersteuning. Al hoe
meer geleenthede vir die kerk en gemeentes word ontwikkel.
ISWEN se werkswyse stem ooreen met die Universitieit van Pretoria se klem op innovasie en
entrepreneurskap. Die NOVA-Inkubator is geregistreer as projek van die Fakulteit Teologie. Dit bring al hoe
meer wisselwerking tussen NOVA se werk saam met rolspelers in die praktyk, en die akademiese
teologiese werk. Die wisselwerking geskied by wyse van praktyknavorsing en praktykopleiding. Dit is
wetenskaplike werk en moet onderskei word van praktiese werk.
2. FONDSE
ISWEN hoop om in die toekoms `n stewige groei in befondsing te verkry vir sy eie werk, onder andere deur
die verhandeling van die vermindering in die vrylating van koolsuurgas, wat `n kweekhuisgas is, wat in
NOVA se projekte bereik word. Die vrees vir die klimaatverandering as gevolg van die mens se optrede het
kerke in Europa en Amerika daartoe gebring om aandag te gee aan die verandering van lewenstyl. NOVA
is reeds jare hiermee besig en fondse begin beskikbaar raak daarvoor.
Daar word gewerk aan befondsing van Diensgetuienisprojekte in plaaslike gemeenskappe, as deel van `n
nuwe bedieningspatroon.
3. NETWERKE
ISWEN het deur NOVA verhoudings opgebou met verskeie regeringsdepartemente en industrie, asook
ander navorsers en arm gemeenskappe. Goeie samewrking (met befondsing) is aan die ontwikkel met
Kerkinactie van die Protestantse Kek in Nederland, asook met die Hervormde Kerk in Suid-Afrika.
ISWEN neem deel aan die werksaamhede van die Algemene Sinode, soos Project Right Direction en
Profesie oor Profyt.
4. NOVA PROJEKTE
NOVA is tans besig met die volgende projekte:
* Die vestiging van lugesoedelingmetode in 10 munisipaliteite, deur dieplaaslike kerke
* Die evaluering van energie-doeltreffende ontwerpe vir lae-koste behuising, saam met die plaaslike
owerheid van Kaapstad; aandag word ook gegee aan die behoeftes wat ontstaan agv die tuisversorging
van weeskinders en ander brose kinders
* Huishoudinggebaseerde produksie van `n paar produkte, in die stad en die platteland, o.a. saam met die
Willem Nicol Trust. In Mamelodi word dit gekombineer met kerkplanting
ÏÌË