Verslag - NG Kerk in Oos-Kaapland

A.3.1 VERSLAG VAN DIE MODERAMEN: BEDIENING
1. DIVERSITEITSBESTUUR (Geslag en Diversiteit)
1.1 DIE ALGEMENE SINODE HET DIE VOLGENDE BESLUITE GENEEM (Besluiteregister 2004 F.2.3
(36.1-36.3):
36.1 Vroue in die Kerk - Die Algemene Sinode besluit dat
1. die subkommissie vir vroue in die kerk se opdrag verleng word onder die moontlike naam Kommissie vir
Geslag-en-Diversiteit (Taakspan van ADL);
2. ondersoek deur die Algemene Sekretaris gedoen word na die moontlikheid van n Geslag-en-Diversiteitlessenaar
as deel van die nuwe kantooropset van die Algemene Sinode;
3. die haalbaarheid van hierdie voorgestelde bedeling in November 2004 in die groter gesprek oor die
benutting van kerklike werknemers bepaal word.
36.2 Geslag-en-Diversiteit
1. Die Algemene Sinode benadruk dat die geslag-en-diversiteit-lessenaar nie bloot na vroue se unieke
behoeftes moet omsien nie, maar op geslagsgelykheid moet fokus.
2. Die Sinode dra dit aan die geslag-en-diversiteit-lessenaar op om met die Taakspan Diensverhoudinge
te skakel om onbillike arbeidspraktyke teenoor vrouepredikante uit te skakel.
36.3 Samewerking AKV - die Algemene Sinode keur dit goed dat die Lessenaar vir Geslagsgelykheid met
die Taakspan Vroue in gesprek tree met die oog op nouer samewerking en die uitklaar van werksterreine.
36.4 Vrouelidmate
1. Die Algemene Sinode besluit dat die kommissie in samewerking met teologiese inrigtings/kerklike
instellings toerustingsmateriaal vir vrouelidmate en -leiers ontwikkel.
2. Die Algemene Sinode besluit dat die Taakspan Vroue voortgaan om ekumeniese betrekkinge met ander
kerke en denominasies te bevorder en uit te bou.
3. Die Algemene Sinode besluit dat die taakspan voortgaan om navorsing oor vrouelidmate se geestelike
behoeftes, asook die spesifieke behoeftes van predikantsvroue en hoe hulle ondersteun kan word, te doen.
4. Die Algemene Sinode besluit dat die Algemene Diensgroep vir Gemeente en Bediening in samewerking
met die Taakspan Vroue aandag aan die voortgesette opdragte van die kommissie sal gee en die ADL
wysigings, soos nodig, in dié verband sal aanbring
1.2 Die Sinode het besluit dat dieselfde taakspan moet voortgaan met die werk: Elsje Büchner
(sameroeper), Marius Nel, Deon Bester, Andries Cilliers, Susan Goosen, Rinel Hugo, Zerilda Nel, Nelis van
Rensburg en Elna Mouton. As gevolg van verskeie bedankings het die Moderamen die taakspan in Junie
2006 soos volg saamgestel met die veronderstelling dat die taakspan aangevul kan word soos nodig: Elsje
Büchner (Oos-Transvaal), Dieter de Bruin (Noordelike Sinode), Julian Müller (Teologiese fakulteit), Zerilda
Nel (Hoëveld), Kobus Schoeman (Noordelike Sinode), Johan Pienaar (Noordelike Sinode). Die onderskeie
sinodes is ook versoek om iemand uit die leierskap van die sinodes wat die gesprek plaaslik sal hanteer,
aan te wys.
1.3 Die Taakspan het versoek dat die naam verander word van Taakspan vir Diversiteitsbestuur.
1.4 Die Algememe Sekretaris het by twee geleenthede n gesprek tussen die voorsitter van die AKV me
Rinel Hugo en die voorsitter van die Taakspan ds Elsje Büchner fasiliteer.
1.5 Die verslag is aangeheg as Bylaag 1
2. HOMOSEKSUALITEIT
* Hierdie saak word onder die afdeling geplaas omdat dit nie net oor n saak gaan nie maar oor mense.
* Die hantering van die wetgewing tov gay verbintenisse word hanteer by Afd A.2.1 pt 2 hierbo.
2.1 PERSBERIGTE NA DIE ALGEMENE SINODE 2004
2.1.1 Direk na die Algemene Sinode 2004 het die Sondagpers n berig gedra met die strekking dat gay
dominees tot die bediening toegelaat sal word. Op grond van die verwarring wat die berig veroorsaak het,
het die Moderatuur n verklaring uitgereik:
BERIGTE OOR GAY DOMINEES MISLEIDEND
In mediaberigte die afgelope tyd is die indruk gewek dat die Algemene Sinode van die NG Kerk so pas
besluit het om persone met n homoseksuele oriëntasie tot die predikantsamp toe te laat. Die berigte is
hoofsaaklik gegrond op n interpretasie van dr André Bartlett oor die moontlike implikasies van die besluite
van die Sinode oor homoseksualiteit. Die strekking hiervan is ons insiens nie n getroue weerspieëling van
die gees en bedoeling van die Sinode nie.
ÔÓÍ