Verslag - NG Kerk in Oos-Kaapland

2.1 MEMA-MEDIA
Die behoefte aan elektroniese produkte, veral in DVD-formaat, groei fenomenaal. Mema-Media, die NG
Kerk se elektroniese diensarm, het in die afgelope jaar 'n aanvraag na sy dienste gehad wat die kapasiteit
soos dit tans bestaan, redelik maksimaal benut. Nogtans was dit 'n wonderlike voorreg om dié kundigheid
en diens ten bate van die kerk en die koninkryk te kon aanwend.
Die afgelope finansiële jaar het die volgende produkte die lig gesien:
DVD Vigsopvoeding in verhaalvorm, in drie verdere inheemse tale
No More Tears -Ithemba Lisekhona (Zulu)
No More Tears - Uthando Olumangalisayo (Xhosa)
No More Tears (Tswana) in proses gedurende die verslaggewing
DVD-reeks Rob Bell se optredes op Stellenbosch
DVDs oor maatskaplike knelpunte vir die Kaapse Wynland Distriksmunisipaliteit
Interaktiewe CD-rom Vriende van God (vir kinders)
DVD-stel Luister, Doelgerig, Diensbaar (Malan Nel)
DVDs vir Luisterseisoen (Luisterlied / Aktuele temas)
DVD Ontmoetings met die Lewende God (Coenie Burger)
DVD Gereedskap vir Geestelike Leierskap (Braam Hanekom)
Korporatiewe DVD vir Bybel-Media
Korporatiewe DVD vir Christelike Lektuurfonds se 50ste bestaansjaar
DVDs vir konferensie: Verantwoordelike Vernuwing, Stellenberg
DVD vir herinwyding van Belhar Belydenisgedenkmonument
DVD van die stigting van gesamentlike Ring van Stellenbosch
DVD vir IAM Productions
CD-stel Orrelbegeleidings: Liedboek van die Kerk
Voorbereidende werk met ADGO en Taakspan: Seisoen van Luister vir verdere spesifieke DVDs
Voorbereidende werk met IMAGO vir 'n DVD-stel vir persoonlikheidsbou en huweliksberading.
Die werk van Mema het dermate gegroei dat voorsien word dat vir die 2007/2008-finansiële jaar dit die
tweede hoogste spandering van enige Bybel-Media-projek sal geniet en dat dié besteding steeds sal
toeneem.
'n Nuwe komponent wat in dié afdeling bygekom het, is die replisering van CDs en DVDs. Dit veroorsaak
dat elektroniese produkte wat vir die kerk gemaak word, teen veel goedkoper as die koste in die ope mark
geproduseer kan word.
Alhoewel Mema-Media volledig by Bybel-Media as 'n afdeling geïntegreer is, het dit sy eie Adviesraad. Dié
Adviesraad het ook lede uit die familie van NG Kerke met wie die NG Kerk in 'n eenwordingsproses is.
2.2 INTERNETBEDIENING
Tydens die verslagskryfproses was Bybel-Media besig met die inkorporering van die aktiwiteite van C-Web
by Bybel-Media. 'n Tegnologiesbestuurder is aangestel om al die tegniese aspekte rondom
webontwikkeling en e-handel te bestuur en leiding te gee tov die jongste tendense in die gebruik van die
moderne tegnologie vir die verkondiging van die evangelie. Van die vernaamste webwerwe waarna
omgesien word, is Kerkweb, Bybel-Media, Kerkbode, Lig, Kletskerk, Christene/Christians en Lux-Verbi.BM.
Die gesamentlike besoeke aan hierdie webwerwe is baie goed. Bybel-Media se webwerf is primêr gerig op
die bekendstelling van die organisasie en sy produkte en die verkoop daarvan. Christene.co.za speel 'n
baie groot pastorale rol, met honderde navrae tov persoonlike probleme.
3. MEDIABEDIENINGE: MISSIONÊRE GERIGTHEID
Dr Hennie van Deventer is in die afgelope jaar as die hoof van hierdie afdeling aangestel, nadat ds Attie
van Wijk geëmeriteer het. Van Deventer was byna 28 jaar in Malawi, voordat hy na Bybel-Media toe gekom
het. Die onkoste van sy pos word op 'n 50%-basis tussen Bybel-Media en die CLF gedra. Hy verrig ook
funksies vir die ADD.
Missionêre projekte met 18% van totale spandering, maak dit die derde grootse begrotingsitem van Bybel-
Media. As die spandering vir Studentedienste en die Nehemia Bybelinstituut, wat ook onder Van Denventer
ressorteer, bygetel word, word die totale begroting vir hierdie departement 28%, gelykstaande aan dié van
Publikasies.
3.1 DIE NEHEMIA BYBELINSTITUUT
Die NBI lewer 'n geweldig belangrike diens aan die onafhanklike kerke mbt die toerusting van leiers; en in
'n mindere mate ook aan ander gemeenskappe. Dis geakkrediteer by die Instituut vir Kontekstuele Teologie
aan die Universiteit Pretoria. Dis egter 'n feit dat die kursus nie wyd genoeg bemark word nie.
n Belangrike nuwe ontwikkeling vind tans in KwaZulu-Natal plaas, waar gemeentes in die ring van
Ladysmith besluit het om die NBI-kursus te gebruik om kerkleiers ter plaatse vir bedieningswerk op te lei.
Dié stap word genoodsaak deur n akute tekort aan predikante in die VGK, en selfs die NGK. Die
ÔÔË