Verslag - NG Kerk in Oos-Kaapland

A.3.5 VERSLAG VAN DIE ALGEMENE TAAKSPAN TEOLOGIESE
OPLEIDING
1. VERSLAG VAN DIE ALGEMENE TAAKSPAN VIR TEOLOGIESE OPLEIDING
1. 1 INLEIDEND
Gedurende die afgelope paar jaar het AKTO opnuut onder die indruk gekom van hoe belangrik teologiese
opleiding vir die kerk is. Daar was voortdurend kennis geneem van die volgende sake: vordering wat die A -
Z Taakspan oor Predikantebediening gemaak het; die verwikkelinge op nasionale onderwysgebied en die
invloed daarop ten opsigte van die graadstruktuur vir teologiese opleiding; die verwikkelinge ten opsigte
van kerkhereniging en hoe dit moontlike toekomstige gesamentlike teologiese opleiding kan raak.
Dit alles het daartoe gelei dat AKTO se vergaderings al meer in belangrikheid toegeneem het. Waar daar in
die verlede volstaan was met n halfdag vergadering het dit so uitgebrei dat een vergadering oor verskeie
dae plaasvind het - een geleentheid het selfs oor drie dae gestrek!
Hierdie verslag sal aantoon dat daar oor baie sake nog geen finaliteit is nie - juis omdat alles nog nie
duidelik uitgekristalliseer het nie.
2. TEOLOGIESE STUDENTE
2.1 INLIGTING
Die getal studente wat hulle in die afgelope paar jaar aangemeld het met die oog op die bediening in die
NG Kerk het geleidelik gegroei. Aan die begin van Maart vanjaar het die situasie min of meer soos volg
daar uitgesien (slegs getal NG studente: ander kerke s n nie in berekening gebring nie):
INRIGTING Vierjarige Graad Laaste 2 jaar TOTAAL
STELLENBOSCH 60 22 82
PRETORIA 158 36 194
BLOEMFONTEIN 74 21 95
Die nagraadse getalle van studente is as volg (hier kon nie onderskei word wie NG Kerk is of nie - totale
getalle word gegee): Stellenbosch 117, Pretoria 357 en Bloemfontein 124).
AKTO is dankbaar vir hierdie vermeerdering in die getal studente, veral in die lig van die geantisipeerde
tekort wat binne die predikantekorps mag ontstaan gedurende die volgende klompie jare (soos deur
Kerkspieël voorspel en volgens gegewens van die Pensioenfondse).
Die getal studente bied in elk geval vir die kerk besondere geleenthede ten opsigte van arbeiders vir die
oes.
2.2 AANBEVELING: STUDENTEGETALLE
Die Algemene Sinode neem met dank kennis van die groei in studentegetalle.
3. BETROKKENHEID VAN FAMILIE VAN NG KERKE
3.1 AGTERGROND
Reeds voordat daar belangrike deurbrake ten opsigte van die proses van kerkhereniging by Kemptonpark
gemaak is in Junie 2006, het AKTO in Mei 2006 begin om verteenwoordigers van die familie van NG Kerke
te nooi om die vergaderings as waarnemers by te woon. Dit het beslis waarde toegevoeg tot die
vergaderings.
Op hierdie vergaderings kon ook aandag gegee word aan die verskillende vereistes wat die kerke stel, ook
ten opsigte van die lengte van die opleiding (VGKSA het reeds op n vyfjaar opleiding met verhoogde
praktykvorming besluit).
3.2 AANBEVELING: BETROKKENHEID VAN FAMILIE VAN NG KERKE BY GESPREK MDO
TEOLOGIESE OPLEIDING
Die Algemene Sinode neem dankbaar kennis van die feit dat die familie van NG Kerke betrokke is by
ÌÏÎ