Verslag - NG Kerk in Oos-Kaapland

* First look at the Christian Faith Kinders
* Wat glo Christene? Kinders
God praat leef luisterryk vir Seisoen van Luister
stiltetyd
God praat leef luisterryk vir Seisoen van Luister
families
God praat leef luisterryk vir Seisoen van Luister
gesprek oor sensitiewe
onderwerpe
Ons is nou hier Gemeente-ontwikkeling
Handboek by die erediens Formuliere en liturgieë
Die boeke gemerk met * is almal in samewerking met Lux-Verbi.BM uitgegee.
Volgens die nuwe uitgewersooreenkoms met Lux Verbi.BM, word die voorwaardes vir samewerking baie
duideliker as vantevore uitgestippel. Die hoofdoel is steeds om Christelike en teologiese titels teen 'n
bekostigbare prys op die mark te plaas. Anders egter as wat tot nou toe die geval was, sal Bybel-Media in
die toekoms deel in die bemarkingsvoordele en 'n bepaalde persentasie van enige netto-wins wat so 'n
gesamentlike publikasie mag oplewer.
Bybel-Media se eie publikasies is primêr vir kerklike doeleindes, en daarom sal produkte wat só uitgegee
word op dié stadium slegs by Bybel-Media Handel (Bybel-Media se handelsafdeling) beskikbaar wees, en
nie by ander kleinhandelaars nie.
1.2 KATEGESEMATERIAAL EN -FASILITEERDER
Die ontwikkeling van kategesemateriaal val onder die Taakgroep vir Kategese van die ADGO. Die
bekostiging en verkoop van dié produkte ressorteer egter onder Bybel-Media. Gevolglik stel Bybel-Media
die geld vir die ontwikkeling van nuwe kategeseprodukte beskikbaar. Bybel-Media begroot ook vir 'n 50%pos
vir 'n persoon om in 2007/8 die doelstellings van die kategese binne die NG Kerk te bevorder. Ten
spyte daarvan dat hulle rakleeftyd aan die verbygaan is, bly die huidige Jeugfokus-produkte verreweg een
van Bybel-Media Handel se beste verkopers.
1.3 TEOLOGIESE TYDSKRIF NGTT
Hoewel die redaksionele inhoud heeltemal onafhanklik is, is Bybel-Media aktief betrokke by die produksie
van die teologiese tydskrif NGTT. Danksy dié betrokkenheid het die verspreidingsyfer van dié blad reeds
500 eksemplare per keer oorskry voorwaar 'n prestasie vir 'n teologies-akademiese tydskrif op Afrikaans!
1.4 KRUISGEWYS
Verder het Bybel-Media geld beskikbaar gestel vir die uitgee van Kruisgewys, 'n populêr-teologiese blad
wat dit saam met die Gemeentedienstenetwerk (GDN) die lig laat sien. In 'n nuwe gedaante verskyn hierdie
blad sedert 2007 weer.
1.5 CHRISTELIKE LEKTUURFONDS (CLF): VERKOOPBARE PRODUKTE
Alle produkte wat die Christelike Lektuurfonds (CLF) verkoop (uitgesluit die gratis Christelike brosjures), is
nou ook deel van Bybel-Media se handelsafdeling.
1.6 KOLPORTEURSDIENS
Bybel-Media weer 'n aktiewe kolporteursdiens op die been gebring waarby gemeentes landswyd direk met
die beste Christelike boek- en elektroniese produkte bedien word, en die kolporteurs self 'n kommissie op
verkope verdien. Die beste titels van alle Christelike uitgewers in Suid-Afrika kan dus op dié manier op elke
dorp of stad landswyd verkry word. 'n Deeloproepnommer, e-pos of direkte Internet-bestellings by 'n
byderwetse webtuiste is geskep, en posversending is gratis.
1.7 ANDREW MURRAY PRYSFONDS
Bybel-Media bestuur die gesogte en prestigeryke Andrew Murray-Prysfonds, wat jaarliks die Andrew
Murray-prys vir Afrikaanse teologiese en Christelike lektuur toeken, en sedert 2007 ook die Andrew Murray-
Desmond Tutu-prys vir Christelike lektuur in nie-Afrikaanse Suid-Afrikaanse tale.
2. ELEKTRONIESE AFDELING (MEMA-MEDIA)
As gevolg van die geweldige spoed waarmee Suid-Afrikaners die tegnologiese ontwikkelings omhels, het
die aanvraag vir Bybel-Media se elektroniese departement se dienste insgelyks ook toegeneem.
ÔÔÈ