Verslag - NG Kerk in Oos-Kaapland

Bo 35: 51
Onder 35: 3
Geen gestremdes
Oos-Transvaal Sinodale Diensraad Mans: 12
Vroue: 2
Bo 35: 14
Onder 35: 0
Geen gestremdes
Namibië Moderatuur Mans: 5
Vroue: 1
Bo 35: 6
Onder 35: 0
Geen gestremdes
ÔÌÍ
verteenwoordiging.
Het Diversiteitstaakgroep
op die been
gebring.
Leierskapswerkgroep
wat kyk na die
ontwikkeling van
leiers. n Spesiale
leierskapsretraite is in
Mei 2007 vir
predikante onder 35
jaar aangebied.
Geen
Intussen het al die sinodes kontakpersone uit hulle leierskap aangewys om die taakspan by te staan in die
gesprek.
2.4 MAN IN DIE HUWELIK DIE HOOF VAN SY VROU
2.4.1 Opdrag ( Handelinge 2004 A.13.3 bl 383)
Die Algemene Sinode dra dit aan die Taakspan Leer en Aktuele sake op om te ondersoek watter leiding die
NG Kerk aan lidmate behoort te gee oor die vraag of die man in die huwelik die hoof van sy vrou behoort te
wees.
2.4.2 Agtergrond en werkswyse
2.4.2.1 Hierdie opdrag spruit voort uit die verslag van die subkommissie vir Geslagsgelykheid wat voor die
Algemene Sinode van 2004 gedien het. Tydens hierdie sinode is daar onvoorwaardelik bevestig dat
diskriminasie teen vroue sonde was en is en dat die bevoordeling van een geslag bo n ander teen die wil
van God is. In die lig hiervan is daar gevra dat daar leiding aan lidmate gegee word oor huwelikskursusse
waarin daar sterk klem gelê word op die onderdanigheid van die vrou teenoor die man.
2.4.2.2 In die gespreksdokument hieronder word daar eerstens eksegetiese kantlynaantekeninge oor die
onderdanigheidstekste in Efesiërs 5 en 1 Korintiërs 11 gegee. Daarna word die verskillende teologiese
posisionerings wat tans in die kerklike praktyk gevind word uitgelig. Die doel van die verslag is om n
bewustheid oor die gebruik (misbruik) van die Bybel in hierdie verband te kweek en n raamwerk daar te
stel waaruit predikante huweliksmateriaal kan beoordeel alvorens dit gebruik word.
2.4.2.3 Die verslag word as n voorlopige gespreksdokument vir Sinodes aangebied en sal later
verwerk word in n meer omvattende besinning oor diversiteit (sien 1.4)
NUWE TESTAMENTIESE AANTEKENINGE OOR MAN EN VROU IN DIE HUWELIK
Stereotipe persepsies oor vroue
Opstellers: Drr Stephan Joubert en Lourens Bosman
In die Mediterreense wêreld rondom die eerste eeu is vroue as tweedeklas-burgers beskou. Volgens die
Joodse filosoof, Filo van Aleksandrië, is slegs mans na die beeld van God geskape. Vroue was n totaal
ander spesie! Geen wonder nie dat n bekende Joodse rabbi in die tyd van die Nuwe Testament kon sê
daar s drie dinge aan n vrou wat altyd bedek moet wees: haar mond, haar bene en haar hare. Met haar
mond praat sy nonsens; met haar bene verlei sy ander mans, en met los hare daag sy haar eie man se
gesag oor haar uit. Die stereotipe persepsie oor vroue was dat hulle minder intelligent, meer verleidelik en
veel meer geslepe as mans was. Daarom dat hul eintlike plek, as items op manlike bateregisters, altyd
binne die privaat ruimte van die huis was.
Jesus deurbreek die stereotipes oor vroue én mans
In Jesus se uitsprake oor egskeiding in Markus 10 is daar n paar belangrike lesse te leer oor die rol van
man en vrou. Hy herlei die oorspronklike doel van die huwelik terug na Genesis 2, nie na Moses se noodinstemming
tot egskeiding in Deuteronomium 24 nie. Die tragiese realiteit van sonde in Genesis 3, wat
veroorsaak het dat die man oor die vrou begin heers het, word deur Jesus opgehef. Met die aanbreek van
die koninkryk van God in sy eie optrede word man en vrou uit hierdie dwinglandyskap bevry. Nou kan beide
mekaar lewenslank in liefde dien, eer, help en beskerm.
Binne die nuwe Messiaanse era wat met Jesus se koms gepaard gaan, is man en vrou binne die huwelik