Verslag - NG Kerk in Oos-Kaapland

3.5.3 Dutch Reformed Church in Sri Lanka
3.5.3.1 Die NG Kerk het reeds oor baie jare besondere bande met hierdie kerk as een van die oudste
gereformeerde kerke in die wêreld: sover terug as 1642 is die eerste gemeente daar gestig. Die bande het
hoofsaaklik ontstaan as gevolg van die buitelandse hulpverlening van die Sinode van Wes-Transvaal.
3.5.3.2 Gedurende die besoek van dr Kobus Gerber aan Sri Lanka na die tsunami het hy ontdek dat daar
pyn by die kerk is omdat die NG Kerk reeds so lank n pad met hulle stap tov hulpverlening maar dat daar
geen formele ekumeniese bande met hulle is nie - hulle is tewens ook lid van die GER en die WARC.
3.5.3.3 Die Moderamen het besluit om by die Algemene Sinode aan te beveel dat n proses van
onderhandeling met die oog op n formele bilaterale verhouding begin word.
3.5.3.4 Ds Charles Jansz, die vorge moderator van die kerk asook president van die Bybelgenootskap vir
die Verre-Ooste sal persoonlik by die Algemene Sinode teenwoordig wees danksy die goedgunstige hulp
van die Sinode van Wes-Transvaal.
3.5.3.5 AANBEVELING: BILATERALE VERHOUDING MET DIE DRC IN SRI LANKA
Die Algemene Sinode besluit om itv KO Art 70 formeel met die Dutch Reformed Church in Sri Lanka
onderhandel oor n formele bilaterale verhouding.
3.5.4 Reformed Church in Japan
3.5.4.1 Die NG Kerk staan reeds in n bilaterale ekumeniese verhouding met die RCJ, en is ook aktief in die
land betrokke via die Missie Japan van die NG Kerkfamilie.
3.5.4.2 Dr Kobus Gerber het die 60 ste verjaardagvieringe en sinodesitting 4-5 Mei 2006 in Osaka bygewoon.
By die geleentheid het die RCJ, soos hulle gebruik elke 10 jaar is, n bepaalde geloofsverklaring aanvaar.
Hierdie keer was dit oor die Eskatologie: The Declaration of Faith regarding the Hope of the Last Things.
Met die verklarings is hulle opweg na n eie kontekstuele belydenisvorming.
3.5.4.3 Hierdie kerk werk in een van die moeilikste gebiede om die Christendom te versprei en het werklik
die ondersteuning van die NG Kerk nodig. Die leraars/ /lidmate van die NG Kerk wat daar werk, doen
enorme opofferings en maak reuse verskille.
3.5.5 Reformed Church in Hungary
3.5.5.1 Die RCH is een van die oudste en ook grootste gereformeerde kerke in die wêreld met ongeveer 2
miljoen lidmate. Die kerk het ook sedert 1526 geen skeuring gehad nie.
3.5.5.2 Die NG Kerk het in 2005 amptelik begin kontak maak met die RCH. Drr Coenie Burger en Kobus
Gerber kon ook die kerk se leierskap besoek na afloop van die GER in 2005. Die NH Kerk het n besondere
band met die Hongare agv die bediening wat hulle onder die Hongare begin het na WOII, en via die kontak
kon dr Kobus Gerber ook n besondere kontak opbou met die Hongaarse ambassadeur in Suid-Afrika.
3.5.5.3 Die Moderamen is oortuig dat die NG Kerk met hierdie baie besondere kerk in n formele
ekumeniese verhouding moet tree. n Band met hulle bring ons in n verhouding met een van die kerke van
die Reformasie wat verskillende krisistye en transformasies in Oos-Europa deurgegaan het en steeds as
gereformeerde kerk gegroei het.
3.5.5.4 AANBEVELING: BILATERALE VERHOUDING MET DIE REFORMED CHURCH IN HUNGARY
Die Algemene Sinode besluit om itv KO Art 70 formeel met die Reformed Church in Hungary
onderhandel oor n formele bilaterale verhouding.
3.5.6 Presbyterian Church in Ireland
3.5.6.1 Die kerk kon ook na die GER se vergadering in 2005 besoek word. Verkennende gesprekke word
gevoer.
3.5.6.2 Die PCI is soos die Reformed Church in Hungary n kerk wat in n samelewing werk wat deur baie
krisisse en veranderinge gegaan het. Op grond van sekere ooreenkomste tov funksionering in
disfunksionele/ onderdrukkende samelewings word tans ondersoek ingestel na n moontlike studieprojek
tussen die RCH, die PCI en die NG Kerk in die verband.
3.5.7 Christian Reformed Churches of Australia
3.5.7.1 Die NG Kerk staan reeds in n bilaterale ekumeniese verhouding met die CRCA.
3.5.7.2 Daar is goeie kontak en samewerking tussen die kerke, ook tov die bediening van NG lidmate wat
hulle in Australië gaan vestig. Verteenwoordigers van die kerke doen moeite om mekaar se sinodesittings
by te woon: ds Geoff van Schie is teenwoordig by die Algemene Sinode 2007.
3.5.7.3 Dr Kobus Gerber kon die sinodesitting van die CRCA in 2006 in Brisbane bywoon en ook daar
kontak maak met verskeie leraars uit Suid-Afrika wat in die kerk asook elders in Australië n bediening het.
Goeie gesprekke kon gevoer word oor die bediening van NG lidmate in Australië (vgl ook by Afd C pt 3.8).
Ï Ë