Verslag - NG Kerk in Oos-Kaapland

GEMEENTE-ONTWIKKELING BYLAAG 2
KERKSPIEËL
1. OPDRAG
[AS 2002, BR 8.10; AS 2004, Deel II, p 104, § A.7: 3.1 en Deel IV, p 369, § A.7: 3.1.4]
AS 2002, BR 8.10: Die Algemene Sinode besluit dat, vanweë die belangrikheid van voortgaande navorsing
ten opsigte van die NGK en sy bedieninge sowel as die verstaan van die samelewingskonteks, daar meer
begroot word vir Kerkspieël, sodat die werk kan bly voortbestaan.
AS 2004, p 369: 1. Die Algemene Sinode gee aan die Diensgroep vir Gemeente-en-Bedieninge opdrag om
met groter erns die statistiese gegewens in Kerkspieël te interpreteer en tendense aan te toon met die oog
op relevante bediening in gemeentes. Die opstellers se insette kan in dié verband benut word.
2. Die Sinode keur dit goed dat vir die volgende Kerkspieël-ondersoek slegs vraelyste aan predikante en
gemeentes gestuur word, in 2006 die leierskorps beklemtoon word en in 2008 klem val op die
ouderdomme. Hierdie beplanning kan aangepas word na gelang die behoeftes mag verander.
3. Die Sinode bevestig die noodsaaklikheid van n sensusopname soos Kerkspieël en besluit om genoegsaam
daarvoor te begroot, asook genoegsame ondersteuning vanuit die sentrale administratiewe kantoor
te verleen.
4. Die Sinode betuig opregte dank teenoor drr Jan Bisschoff en Kobus Schoeman vir die harde werk wat
met hierdie projek gepaard gaan.
2. DIE NOODSAAK VAN N OPNAME
2.1 Met die Kerkspieël-opnames erken die kerk dat die wêreld waarbinne ons lewe nie eenvoudig en
maklik verstaanbaar is nie. Inteendeel, dit verander vinnig. Gister se oplossings help nie, want vandag se
vrae het verander. Dit gaan nie oor die evangelie wat verander nie, maar die konteks waarbinne die
evangelie gebring word wat voortdurend verander. Sonder goeie inligting kan ons maklik in die wêreld van
vandag verdwaal.
2.2 Vrae uit die veranderende wêreld wat ons as kerk uitdaag is onder andere:
1. Waar is die jong lidmate heen?
2. Is die jonger predikante gelukkig?
3. Word die ouer lidmate behoorlik benut?
4. Hoeveel gemeentes groei dinamies en hoeveel kry werklik swaar?
5. Wat moet ons as kerk doen om n verskil in ons wêreld te maak?
6. Die predikant en sy rol is ook aan die veranderinge onderworpe hoe moet ons dit verstaan?
2.3 Meer en meer vrae kan gevra word. Die kerk, gemeentes en predikante het n spieël nodig om in te
kyk. Wat sien ons oor die beeld van die kerk in die wêreld in dié spieël? Kerkspieël 2006 bied aan die NG
Kerk so n kyk-en-luister-geleentheid.
3. KERKSPIEËL 2004
Die vorige Kerkspieël-opname (2004) het slegs uit twee vraelyste bestaan:
3.1 Gemeentevraelys
Die doel van die gemeente vraelys was om n beeld te kry van die stand en funksionering van gemeentes
binne die NG Kerk.
3.2 Predikantevraelys
Die predikantevraelys het die posisie en rol van die predikant gemeet. Aandag was ook aan die invloed van
sekere samelewingsfaktore gegee.
Dié verslag, wat meer as gewoonlik reaksie en bespreking uitgelok het, is in Oktober 2004 op Hartenbos
aan die Algemene Sinode voorgehou.
4. KERKSPIEËL 2006
In die lig van die bevindinge, veranderende behoeftes en ander navorsing wat gedoen is, is besluit om
gedurende September 2006 n volgende opname te doen. Die ondersoek is soos volg saamgestel:
4.1 Gemeentevraelys verskeie nuwe aspekte is bygewerk, maar sekere vrae is ter wille van vergelyking
met vorige opnames behou. Meer as 53% van die gemeentes het hulle vraelyste teruggestuur.
4.2 Erediensvraelys dit is n heeltemal nuwe vraelys. Dit is oorspronklik in Australië in die laat tagtiger
jare ontwikkel as deel van die National Church Life Survey . Dit is uitgebrei na Nieu-Seeland, Groot
Brittanje en die VSA. Die opname geskied op n gegewe Sondag in n erediens en word deur al die
erediensgangers ingevul. n Steekproef van 10% is uit die NG Kerk as geheel getrek, 80% van dié
gemeentes het hulle vraelyste terugbesorg. Dit is slegs n loodsstudie en hou groot moontlikhede vir die
toekoms in.
4.3 Predikantevraelys nuwe velde word saam met vorige velde en vrae verder ontgin. Meer as 40% van
die predikante het die vraelys voltooi.
ÏÎÔ