Verslag - NG Kerk in Oos-Kaapland

gedraai kan word. As gevolg hiervan word sake soms hanteer, wat by ander vergaderinge afgehandel kon
word. Die Artikel lui: die behartiging van sake waar eenvormigheid en/of samewerking vir die hele
kerkverband noodsaaklik is;
8.2 Verder het die Moderamen by die vergadering van Augustus 2006 goedgekeur dat Diensgroepe en
hulle Taakspanne hulle uitgawes met die volgende matrikse of siwwe bestuur:
Een: Die Roepingsverklaring en die prioriteite wat daaruit voortvloei
Twee: Kerkhereniging en
Drie: Artikel 43 van die Kerkorde. Laasgenoemde bly die finale maatstaf, want dit spel die eie terrein van
die Algemene Sinode uit.
8.3 In die opstel van die Begroting en die bestuur daarvan kom misverstande telkens op die tafel. Dit raak
dan die huidige werk van die Algemene Sinode, opdragte uit vorige sinodesittings en verwagtinge oor die
sake wat deur die Algemene Sinode hanteer moet word. Dit handel onder andere oor die volgende sake:
8.3.1 Die bedoeling vir die Algemene Sinode:
8.3.1.1 Dit is nie altyd vir almal duidelik waarom die Algemene Sinode in 1962 tot stand gekom het nie. So
ook word die verhouding algemene sinode - sinode - ring en gemeente in terme van veral Kerkorde Artikels
20, 22, 35 tot 37 en 43 dikwels nie gehandhaaf nie.
8.3.1.2 Die verwagting is soms dat die Algemene Sinode soos n (streek-) sinode moet funksioneer, deur
talle werksaamhede aan te pak.
8.3.1.3 Indien die werk waarmee die Algemene Sinode binne die ADD en ADGO besig is, ook gemeentes
ten dienste moet wees of op gemeentes gerig moet wees, is dit dikwels onduidelik wat die reikwydte en
meganismes moet wees.
8.3.2 Die funksionering van die Algemene Sinode:
8.3.2.1 Die NG Kerk word soms verkeerdelik gesien as n korporatiewe struktuur soos n ABSA, waar
mindere vergaderings takke van meerdere vergaderings is. Dan is die verwagting dat die drome en
besluite van die hoofkantoor dadelik deur die takke uitgevoer moet word!
8.3.2.2 Diensgroepe en Taakspanne is tans in baie opsigte spelers, sowel as skeidsregters ten opsigte van
hulle eie begrotings. Om die matrikse of siwwe intern objektief te implementeer, is altyd moeilik: en dit is
dikwels nie seker waar en by wie die laaste sê lê nie: By die Taakspan Fondse? By die Moderamen? By
die Algemene Sekretaris?
8.3.2.3 Die Moderamen het die reg om prioriteite te verskuif (byvoorbeeld die inbring van R200 000 in die
begroting vir Kerkhereniging), wat ook beteken dat die een gegewe koek hersny moet word. Bestaande
werk en (tradisionele) toekennings kom dan uiteraard alles in gedrang, soms tot groot pyn vir rolspelers.
Wanneer die Taakspan Fondse na deeglike onderhandeling en groot tegemoetkomings van Diensgroepe
nog met n tekort sit, moet iemand die finale sê hê...!
8.3.3 Die administratiewe kantoor van die Algemene Sinode:
8.3.3.1 Die Verslag: Taakspan Strategie, Kommunikasie en Stelsels 2004 en die besluite van die
Bosberaad 2004 het die funksionering van die Kantoor van die Algemene Sinode bepaal. Die implikasies
daarvan en die inskudproses was groter as wat voorsien is en lewer steeds n kwota misverstande en
probleme. Een van die redes is dat daar nog dikwels vanuit ons (ou) bestaande strukture gedink word.
8.3.3.2 Daar is ook sedert die Algemene Sinode van 2004 toenemend ervaar dat die Kantoor van die
Algemene Sinode se werkomvang uitbrei, voortspruitend uit die herstruktureringsbesluite van 2004. Die
bestuur hiervan geniet dringende aandag.
8.4 ARTIKEL 43 AS RIGLYN
8.4.1 Wat die Moderamen of Algemene Sinode ook al mag besluit ten opsigte van werksaamhede en die
bekostigbaarheid daarvan, dit bly onderhewig daaraan dat dit deur Artikel 43 van die Kerkorde geweeg
word.
8.4.2 In besonder handel Artikel 43.2.2 oor ander sake, wat nie in die res van dié Artikel uitgespel word
nie.
8.4.3 Artikel 43 bly die maatstaf wat die Taakspan Fondse en die Moderamen gebruik om die begroting te
weeg, en dit is ook die Artikel wat aan die Algemene Sekretaris en die kantoor die mandaat vir hulle werk
gee.
8.4.4 Die Diensgroepe en Taakspanne gebruik dit ook, wanneer hulle sake oorweeg, wat van die Sinodes
na hulle verwys word.
8.4.5 Dit dien ook as n filter vir voorstelle wat by die Algemene Sinode van die vloer mag kom. Vanuit n
finansiële hoek gesien, het elke besluit n R/c implikasie.
8.4.6 Artikel 43 is ook daar om die kerkverband te help om bekostigbaar te funksioneer.
8.5 ARTIKEL 43.2.2 BETER GEFORMULEER
8.5.1 Omdat Artikel 43.2.2 nie duidelik genoeg beskryf is nie, kan dit ruimte skep vir enigiets en word
Artikel 43 in sigself nutteloos.
8.5.2 Die artikel kan moontlik beter formuleer word, indien dit in terme van Artikel 43.1.1 gedoen word.
Artikel 43.1.1 lui tans soos volg:
ÏËÌ