Verslag - NG Kerk in Oos-Kaapland

Gemeentes van die NG kerk word opnuut versoek om bestaande ooreenkomste met susterskerke in
buurlande in ag te neem en te eerbieding tydens uitreik-projekte.
Om ons onderskrywings van die eenheid van die breër NG kerkfamilie en ons getuienis te bevestig en met
goeie visie, beplanning en bestuur te werk, roep die AKGA sover moontlik die NG kerkfamilievennote
jaarliks saam.
Ons uitreike in Afrika met die evangelie moet onderneem word met goeie koördinering tussen die rol van
die kerkverband en die plaaslike gemeente.
3.1 In die vorige gesamentlike verslag van die AKDB, ASKG en AKGA is n kort opsomming gegee van die
kerke in die NG kerkfamilie in Afrika en die uitdagings waarmee hulle gekonfronteer word. Weens die
koste-implikasie kon die besluit oor jaarlikse gesprekke met die vennootkerke in Afrika en die res van die
wêreld nie realiseer nie. Die ADD het daarvan kennis geneem dat daar toenemend vennootskappe met
gemeentes van kerke in die breë NG kerkfamilie in Afrika gesluit word. Dit is n verblydende tendens maar
dit blyk ook dat vorige ooreenkomste tussen sinodes soms nie eerbiedig word of dat die leierskap van die
kerke in Afrika in ag geneem word nie. (Sien Moderamen C3.4.4).
3.2 Vennootskappe tussen kerke het n belangrike metode van Diens en Getuienis geword en die ADD
oordeel dat n konferensie oor vennootskappe tussen die kerke in die NG Kerkfamilie in Afrika asook kerke
buite Afrika, tans baie nodig is. So n konferensie kan ook n baie effektiewe manier wees om die bande
tussen die kerke te verstewig en raamwerke te ontwikkel waarbinne vennootskappe aangegaan kan word.
Die konferensie word beplan vir 2008 en verteenwoordigers van al die kerke in die familie in Afrika en buite
Afrika sal genooi word. Ter voorbereiding van die konferensie is die ADD tans besig met n studie oor
vennootskappe in n missionêr-diakonale bediening.
3.3 AANBEVELING: VENNOOTSKAPPE TUSSEN KERKE
Die Algemene Sinode
3.3.1 Herbevestig die sinodale indeling vir vennootskappe vir diens en getuienis binne die NG
Kerkfamilie in Afrika wat vroeër reeds goedgekeur is.
3.3.2 Keur dit goed dat n konferensie oor vennootskappe tussen kerke in die breë NG Kerkfamilie
in Afrika in 2008 gehou word.
4. EKUMENIESE VENNOOTSKAPPE
Die ASKDD van die VGKSA is reeds geruime tyd betrokke by ekumeniese vennootskappe insake die
diakonaat. Die South African Diaconal Partnership (SADP) is met n aantal Noord-Amerikaanse kerklike
vennote naamlik die RCA, die CRWRC en n aantal gemeentes van die RCA en die CRC. Daar is ook
vennootskappe met kerke in Europa en in Skandinawië. Die NG Kerk is reeds in 2006 genooi om lid te
word van die SADP en met die totstandkoming van die Verenigde Diensgroep Diens en Getuienis het die
verteenwoordigers van die VGKSA begin met onderhandelings om die vennootskappe om te skakel na
vennootskappe met die Verenigde Diensgroep vir Diens en Getuienis, dit wil sê die NG Kerkfamilie.
5. VENNOOTSKAPPE MET KERKLIKE INSTELLINGS
5.1 CHRISTELIKE LEKTUURFONDS (CLF)
5.1.1 Die verslag Christelike Lektuurfonds (CLF) is hierby aangeheg as Bylaag 1. Die CLF is vanjaar
vyftig jaar oud en die geleentheid is op 25 Februarie 2007 met n Feesdiens in Bloemfontein gevier. By die
geleentheid het die Algemene Sekretaris n boodskap van gelukwensing namens die NG Kerk aan die CLF
oorgedra.
5.1.2 AANBEVELING: CHRISTELIKE LEKTUURFONDS (CLF)
Die Algemene Sinode dank die Here vir die Christelike Lektuurfonds wat die afgelope vytig jaar die
boodskap van die Bybel veral deur die gedrukte media in verskillende tale aan duisende mense
verkondig het.
5.2 ISWEN
5.2.1 Die verslag van die Instituut vir Sendingwetenskaplike Navorsing (ISWEN) is hierby aangeheg as
Bylaag 2.
5.2.2 AANBEVELING: ISWEN
Die Algemene Sinode ondersteun steeds ISWEN se poging om, saam met die NOVA Instituut te
werk aan die ontwikkeling van `n lewenstyl wat meer ekologies-vriendelik is.
5.3 HUGENOTE KOLLEGE
5.3.1 Die verslag van Hugenote Kollege is hierby aangeheg as Bylaag 3.
5.3.2 AANBEVELING: HUGENOTE KOLLEGE
Die Algemene Sinode neem kennis van die verslag van Hugenote Kollege.
ÏÌÏ