Verslag - NG Kerk in Oos-Kaapland

*4 Lidmate, maar ook die breë publiek, sal n redelike en feitlik-gebaseerde idee hê van wat dit beteken om
n lidmaat van die NG Kerk te wees.
*5 Jong volwassenes sal opnuut die waarde van kerkverband besef, en weet wat die tradisie beliggaam en
daarom, uit eie oortuiging, n sterker band met die NG Kerk behou.
*6 Die publiek sal gemaklik toegang hê tot die bronne van die NG Kerk en daarom hulle opvattings en
beoordeling van die kerk op verantwoordelike wyse, en nie net perseptueel nie, kan doen. Hulle sal ook
sonder moeite met die kerk en al sy vertakkinge kan kontak maak en ontbrekende inligting en veral
bedieningshulp, indien nodig, ontvang.
*7 Al die lidmate van die NG Kerk wat ver woon en moeilik by n plaaslike gemeente inskakel, sal op hoogte
gehou word van ontwikkelings, projekte, besluite en ander inligting wat hulle verwantskap met die kerk
versterk. Hulle sal ook deur die internet bedien kan word en geestelik ondersteun word.
*8 Die kerk se inligtingsdiens en al sy ander media-aksies sal beter gekoördineerd, meer doeltreffend en
met groter professionaliteit bestuur word.
*9 Die kerk sal in kommunikasie-aksies belê omdat hy die noodsaaklikheid daarvan terdeë besef.
8.3 VISIE
Ons is n kommunikatiewe kerk
Die kerk is in wese n kommunikasiegebeure en is dus op grond van sy aard, roeping en aktiwiteite n
kommunikerende gemeenskap. Die waarmerk van n kerklike kommunikasiestrategie lê daarin dat waar die
kerk se stem gehoor word n bewussyn van n ander werklikheid - die werklikheid van God - ontstaan. Dit
vind veral deur middel van evangelieverkondiging in sy omvattendste vorm plaas.
8.4 DIE BEDRYFSBEGINSEL
Vir die kerk is kommunikasie n bron en n geleentheid, n kreatiewe krag en n veranderingsagent.
8.5 UITDAGINGS EN DOELWITTE
8.5.1 Veranderende maniere van kommunikasie
Die tyd wat mense saam bestee, word minder en kommunikasie vind al hoe meer oor n afstand plaas deur
middel van die koerant, radio, TV, internet, selfoon ens. Mobiele kommunikasie bevry kommunikasie van
tyd- en plekgebondenheid en die internet word die primêre bron van inligting en n vinnige en doeltreffende
kanaal vir onmiddellike interaksie. In die kerk was direkte kommunikasie nog altyd die belangrikste vorm
van kommunikasie en dit verander nie. Die kommunikasie-omgewing daag die kerk egter nou ook uit tot n
beter benutting van nuwe media.
8.5.2 Veranderende lidmaatsamestelling
Migrasie word n alledaagse verskynsel wat veroorsaak dat lidmate nie altyd gemeentegebonde bly nie en
ook nie altyd by n vaste adres bereikbaar is nie. Hulle beskou hulleself egter steeds deel van die gemeente
of die kerkverband en wil dus van die lidmaatskapsvoorregte gebruik maak. Watter band word met hulle
behou, hoe word hulle gelowig toegerus en hoe vind geloofsvorming by hulle kinders plaas?
8.5.3 n Groter, meer internasionale, multikulturele en godsdienstige Afrika vereis van die kerk om n
gespreksgenoot op die markplein te bly en die unieke bevryding wat die evangelie inhou, tydig en ontydig,
in alle tale en binne verskeie kontekste te verkondig. Die verhouding met die staat - wat godsdienstig
neutraal moet wees - word ook ten diepste hierdeur geraak. Intergodsdienstige gesprekke word baie
belangrik en gesamentlike optrede deur godsdienstige bewegings word in ons huidige opset onvermydelik.
Hoe kommunikeer die kerk, sonder om sy identiteit te verloor in hierdie nuwe opset?
8.5.4 Godsdienstige supermark. Ons leef met n supermark vol godsdienstige oortuigings (Pick en
Pray?). Dit vereis beter toerusting van alle lidmate sodat hulle hulle geloofsoortuiging kan verantwoord, in
gesprek daaroor kan tree en oor genoeg inligting beskik om gesaghebbend in die naam van Christus
hieroor te praat. Hier speel identiteit n kardinale rol en word die versterking van n NG Kerk se
korporatiewe identiteit van kardinale belang en n groot uitdaging vir die kerk in n toenemd
individualiserende gemeenskap
8.5.5 Vervaging van denominasie- en gemeentegrense. Kerklidmaatskap is nie meer n bepalende
faktor in die godsdiensbeoefening van lidmate, veral die jonger lidmate nie. Hoe bestuur die kerk dit, hoe
bedryf hy hierdie vorm van ekumene en bewaar hy sy tradisie? Op watter manier kommunikeer hy
belydenis en tradisie en vorm hy identiteitsverbondenheid?
8.5.6 Openbare beeld strem gesprek. Die NG Kerk se siening van homself en sy reputasie in die wêreld
verskil in baie opsigte. Die NG Kerk word dikwels skepties bejeën wanneer hy hom losmaak van sy verlede
en homself as n nie-rassige gemeenskap verklaar. Veral intellektuele, waaronder ook joernaliste, sluk
swaar aan die kerk se verklaarde transformasie. Die kerk ly dus ook in sy openbare beeld onder hierdie
stremmende mentaliteit en word die uitdaging gestel om met die nodige integriteit sy identiteit in n nuwe
Suid-Afrika kommunikatief oor te dra en homself van verdere marginalisering en stereotipering te vrywaar.
Die NG Kerk-karikatuur moet deurbreek word en dit kan net geskied deur deursigtigheid en die blootstelling
van meningsvormers aan die NG Kerk se gemeentelike aktiwiteite en gemeenskapwerk.
Ô Í