Verslag - NG Kerk in Oos-Kaapland

Artikel 43 Tot die taak van die Algemene Sinode behoort: 43.1 Wat kerklike roeping en standpunte
betref: 43.1.1 die formulering van die roeping / leidende beginsels / standpunte in sake van
gemeenskaplike belang wat deur alle kerkvergaderings kragtens hulle deelname aan die verband gevolg
moet word;
8.5.3 Artikel 43.2.2 sal dan soos volg kan lui: die koördinering/ netwerk van sake wat voortvloei uit Artikel
43.1.1. Dié suggestie baken die werk duidelik af en gee aan Diensgroepe in die verband van die Algemene
Sinode n funksie wat duidelik te onderskei is van die van Sinodes (vergelyk Artikel 22).
8.6 Die Moderamen van die Algemene Sinode het die saak reeds hanteer en ondersteun die
herformulering van Artikel 43.2.2, soos in punt 8.5.3 hierbo.
8.7 AANBEVELING : HERFORMULERING VAN KO ART 43.1.1
Artikel 43.2.2 word soos volg herformuleer: die koördinering/ netwerk van sake wat voortvloei uit
Artikel 43.1.1.
9. FINANSIËLE STATE
9.1 Die finansiële state van die Algemene Sinode word jaarliks met die ouditeur bespreek en deur die
Taakspan Fondse goedgekeur.
9.2 Die state is by die kantoor van die Algemene Sekretaris, in Hatfield, Pretoria ter insae beskikbaar.
10. VOORSTELLE VOOR DIE SITTING VAN DIE ALGEMENE SINODE
10.1 Dikwels word voorstelle van die vloer ingedien, en in verslae of beskrywingspunte vervat, wat nie die
prioriteite van die Algemene Sinode in ag neem nie. Verder word die finansiële implikasies ook nie bepaal
nie.
10.2 Hierdeur word druk op die Moderamen uitgeoefen. Die Algemene Sinode het besluit, maar dit is nie
noodwendig op dié stadium n prioriteit nie. Verder is daar nie fondse in die begroting beskikbaar nie.
10.3 Elke voorstel behoort dus die volgende te kan aandui:
Een: Voldoen dit aan Artikel 43? In die Artikel word die eie werksaamheid van die Algemene Sinode
beskryf.
Twee: Pas dit by die prioriteite van die Algemene Sinode in? Dit is die prioriteite, soos deur die
Moderamen bepaal.
Drie: Wat is die finansiële implikasie van die voorstel? Daar word nie meer geld gesoek om werk te doen
nie, maar die beskikbare bedrag word volgens prioriteite verdeel.
10.4 AANBEVELING : AAMBEVELINGS / VOORSTELLE VOOR ALGEMENE SINODE
Die Algemene Sinode besluit dat geen voorstel ontvanklik is, tensy dit kan aantoon dat dit aan die
volgende vereistes voldoen:
Een: Voldoen dit aan Artikel 43?
Twee: Pas dit by die Roepingsverklaring en prioriteite van die Algemene Sinode in?
Drie: Wat is die finansiële implikasie van die voorstel?
11. REËLMAAT VAN DIE VERGADERINGE VAN DIE ALGEMENE SINODE
11.1 Die koste van die sitting van die Algemene Sinode word op die volgende wyse bepaal: Ontwerpspan
se droom oor die sinodesitting word in n begroting uitgedruk. Daarna word bepaal of die bedrag realisties
haalbaar is. Die Taakspan Fondse het aan die Ontwerpspan n bedrag van R2miljoen as n perk vir hierdie
sitting gestel. Die Sinodes is sensitief vir die koste-implikasie en dit moet verreken word. Die Ontwerpspan
is gevra om hulle beplanning in die lig hiervan aan te pas.
11.2 Hierdie bedrag word ook van die Sinodes verhaal, in die verhouding van die afgevaardigdes, wat die
sitting bywoon. Die koste word ge-egaliseer, sodat elke Sinode dieselfde bedrag per afgevaardigde betaal.
11.3 Hierdie bedrag, wat jaarliks eskaleer (met meer as die inflasiekoers) raak onbekostigbaar vir die
Sinodes. Die kostes van die sittings van 2002 Pretoria, 2004 Hartenbos en 2007 Birchwood (beraam) is
soos volg:
2000 2004 2007
Reiskoste R 436,922 R 712,908
Verblyf
Etes
R 490,783
R 214,780
R 1,162,527
Agendas/Handelinge R 174,966 R 143,830
Totaal R 1,317,451 R 2,019,265 R 2,000,000
11.4 Die koste verbonde aan n sitting van die Algemene Sinode is hoog. Dit is te duur om die Algemene
Sinode elke twee jaar te laat plaasvind.
ÏËÏ