Verslag - NG Kerk in Oos-Kaapland

9. VERSOEKSKRIF: STEMME TEEN ONSKRIFTUURLIKE PROSESSE
9.1 Hierdie versoekskrif is tydens die Sinode 2004 aan die Moderatuur te Hartenbos oorhandig. Die
dokument, van n aantal lidmate, was nie ontvanklik by die Algemene Sinode nie.
9.2 Die Moderamen het by sy vergadering in November 2004 besluit om van die dokument kennis te neem
en die Sinode van Wes-en Suid-Kaapland te versoek om met die betrokke lidmate gesprek te voer met
terugrapport aan die Moderamen. Die betrokke sinode het die gesprek met die lidmate gevoer.
10. TEOLOGIESE WOELINGE OOR DIE NG KERK SE GEREFORMEERDE
KARAKTER
10.1 Gedurende 2005 en 2006 was daar verskeie nuusberigte oor en bewerings in die media tov die NG
Kerk se gereformeerde karakter.
10.2 Die Moderamen het reageer soos nodig en meen dat sy optrede n mate van rustigheid kon bring. Ná
die persberigte in Mei 2005 oor n moontlike skeuring in die NG Kerk het die Moderamen die volgende
verklaring uitgereik:
Na aanleiding van persberigte oor n moontlike skeuring in die NG Kerk wil die Moderamen van die
Algemene Sinode graag die volgende sake onder lidmate se aandag bring:
1. Ons is bewus daarvan dat daar wyd in ons kerk gesprek gevoer word oor n aantal belangrike kwessies
soos byvoorbeeld ons gereformeerde identiteit, die rol en plek van ons Belydenisskrifte, asook Skrifgesag
en Skrifhantering. Ons was nog altyd n kerk wat die reg van sulke gesprekke erken het en dit selfs
aangemoedig het in die verwagting dat dit op n Christelike wyse gedoen word en tot opbou van die kerk
dien. Verdraagsaamheid en respek vir mense wat met jou verskil is van die basiese waardes wat deel is
van ons Christelike tradisie waarsonder so n gesprek moeilik kan plaasvind.
2. Ons is egter verontrus deur uitsprake oor kerkskeuring. Kerkskeuring is n baie ingrypende en hartseer
saak wat gewoonlik traumatiese gevolge het. Ons waarneming tans is dat ons lidmate gesprek en debat
verwelkom, maar nie skeuring soek nie. Ons doen n beroep op predikante en lidmate om baie versigtig te
wees in hulle uitlatings hieroor.
3. Hoewel baie van ons lidmate waarskynlik nie soveel belang het by die gesprekke nie en gewoon met
hulle lewe as gelowiges wil aangaan, glo ons tog dat indringende gesprekke oor hierdie sake nou baie
belangrik is. Ons wil dus gemeentes vra om die gesprek oor hierdie sake oop te maak en wil dit ook
aanmoedig dat daar by kerkvergaderings en forums daaroor gepraat word.
4. Ons is van die oortuiging dat gebrekkige informasie oor die wyer debat en die NG Kerk se werklike
standpunte op die oomblik n probleem skep. Ons kyk na maniere waarop ons korrekte inligting oor die NG
Kerk en oor ons standpunte in elke lidmaat se hand kan plaas.
5. Ons het reeds begin om gesprek te voer met mense wat bekommerd is oor huidige debatte in die NG
Kerk. Ons sou verkies om hierdie gesprekke persoonlik te voer en nie deur die media nie. Ons wil vra dat
gemeentes wat meer inligting verlang oor van die sake vrymoedigheid sal neem om met hulle onderskeie
sinodale moderature te skakel.
6. As Moderamen wat deur die laaste Algemene Sinode aangewys is, wil ons ons lidmate verseker dat ons
almal verbind is aan die Lewende Drie-enige God, die Bybel wat die Woord van God en die norm vir ons
lewe is, en aan die Belydenisskrifte van ons kerk.
7. Al is die huidige gesprekke in die NG Kerk hoe belangrik, mag ons dit nooit uit die oog verloor dat ons n
roeping in ons land het nie. Ons glo van harte dat ook ons kerk deur die Here geroep is om saam met
ander kerke die evangelie in Afrika te verkondig en n verskil te maak in die samelewing. Mag die Here gee
dat die gesprekke en veral die manier waarop ons dit voer ons nie so vashou dat ons nie by ons
roeping uitkom nie.
10.3 AANBEVELINGS: NG KERK SE GEREFORMEERDE KARAKTER
10.3.1 Die Algemene Sinode wys leraars en kerkvergaderings daarop dat daar n kerklike weg is om
besware en klagtes oor leersake te hanteer.
10.3.2 Die Algemene Sinode moedig die hele kerkverband aan om moeite te doen om geleenthede te
skep vir en betrokke te raak by gesprekke oor sake wat die Skrif en ons belydenis raak.
11. ALGEMENE TAAKSPAN LEER EN AKTUELE SAKE: VERSLAE WAT DIE
ROEPING EN TEOLOGIESE IDENTITEIT VAN DIE NG KERK RAAK
Die Taakspan het as Taakspan van die Moderamen funksioneer en daarom word hulle verslae hier
geplaas. Die Taakspan se verslae is nie deur die Moderamen hanteer of modereer nie. Die volgende
verslae word met hulle aanbevelings as Bylaes 1-3 hierna weergegee.
11.1 GEREFORMEERDE IDENTITEIT (Bylaag 1)
11.2 DIE GEESTEWÊRELD EN BEVRYDING (Bylaag 2)
11.3 DIE BETEKENIS EN GEBRUIK VAN DIE DOOP (Bylaag 3)
Ô