Verslag - NG Kerk in Oos-Kaapland

9.4 DOKUMENTE IN DIE DIENSVERHOUDING
n Leraar se diensverhouding word uiteengesit in sy/haar beroepsbrief (wat n voorlopige aanduiding van die
diensverhouding gee, KO art 7.4), en in sy diensooreenkoms 16 wat na onderhandeling tot stand kom (KO art
7.6). Die diensooreenkoms moet saam met die gemeente se personeelbeleid gelees word, en al hierdie
dokumente moet teen die agtergrond van die wetlike bepalings gelees word. Die belangrikste wetlike
bepalings is in die Wet op Arbeidsverhoudinge 66 van 1995 en die Wet op Basiese Diensvoorwaardes 95
van 1997.
Dit is belangrik dat die leraar se diensooreenkoms van tyd tot tyd hersien moet word om vir aanpassings in
behoeftes en verwagtinge voorsiening te maak.
9.5 BEGELEIDING IN DIE LERAAR SE DIENS
Die kerkraad moet toesien dat n leraar se werk behoorlik gefokus is en dat hy/sy n duidelike beeld van die
kerkraad se verwagtings het. Die kerkraad se kommissie vir diensverhoudinge behoort gereeld (minstens
jaarliks) saam met die leraar die leraar se betrokke rol in die gemeente bespreek en dan die leraar se take in
kort-, medium- en langtermynaksies opdeel. Daar moet ook saam oor die realistese uitkomste 17 (dws die
werk wat wel verrig moet word) afgespreek word. Hierdie uitkomste moet gereeld (verkieslik ongeveer
kwartaalliks) gemoniteer word. Indien n kerkraad so n stelsel gebruik, bied dit aan die leraar baie sekuriteit
aangesien hy nie met vae verwagtings werk nie, maar met duidelik bepaalde aksieplanne. Dit gee ook aan
die kerkraad n geleentheid om verwagtinge te kommunikeer en om diensuitsette te moniteer. Enige
probleme (bv uitbranding) kan met so n gereelde kommunikasie oor verwagtings en uitsette op n vroeë
stadium raakgesien word.
9.6 DISSIPLINE EN TUG
Die leraar staan ook hier in n dubbele verhouding 18 :
*1 Dit is die kerkraad wat hom/haar in diens stel en aan wie hy/sy verantwoordbaar is, en dit is dus ook die
kerkraad wat die bepalings van die diensooreenkoms moet bestuur. Die kerkraad moet gevolglik ook self
met sake soos onbevredigende werkuitsette handel en hy/sy kan dit volgens die gewone bepalings van die
kerkraad se personeelbeleid doen.
*2 Aan die ander kant het die leraar n spesifieke bedieningsbevoegdheid wat deur die kerkverband aan
hom/haar toegeken word en waaroor die kerkverband moet oordeel. Die kerkraad kan nie self besluite
neem wat die predikant se bedieningsbevoegdheid raak sonder die betrokkenheid van die kerkverband nie.
By name word enige ondersoek na die leer of lewe van n leraar glad nie deur die kerkraad nie, maar deur
die betrokke ring hanteer (KO art 62.2).
16 Voorbeelde van diensooreenkomste vir leraars is opgeneem in die Bestuursgids vir Diensverhoudinge, hoofstuk 4.
17 Voorbeelde van diensuitsetooreenkomste is opgeneem in Hoofstuk 6 van die Bestuursgids vir Diensverhoudinge.
18 Die begeleidende besluite by Kerkorde Art 12 bepaal die prosedures optredes rakende wangedrag, onbekwaamheid of moontlike
uitdiensstelling weens finansiële onvermoë. Volgens hierdie prosedures word beweerde wangedrag van n leraar sonder meer na
die ring verwys. Ondersoeke na moontlike onbekwaamheid of bedryfsvereistes word deur die kerkraad, in oorleg met die ring,
gedoen. n Tugondersoek teen beweerde sondige optrede van n leraar word hanteer volgens die bepalings van Kerkorde Artikels
59 66.
A-Z Handleiding 265