Verslag - NG Kerk in Oos-Kaapland

GEMEENTE-ONTWIKKELING BYLAAG 11
GEMEENTEDIENSTENETWERK
1. OPDRAG VAN GDN
1.1 ALGEMENE SINODE 2004
Die Algemene Sinode van 2004 het die volgende drie besluite geneem in verband met die
Gemeentedienste Netwerk (GDN):
1.1.1 4.7.3 Stelsels
Die Algemene Sinode neem kennis van die optrede en besluite van die GDN soos vervat in die verslag oor
die Gemeentedienste Netwerk en verwys dit na die bosberaad van die diensgroepe vir verdere bespreking,
ondersteuning en implementering.
1.1.2 F.2.1/22 Roepingsverklaring
4. Behoeftes van gemeente
4.1 Dat die ADGB met die steun van die ADL en in oorleg met die moderamina en/of betrokke kommissies
of diensgroepe van sinodes dringend aandag gee aan die behoeftes van gemeentes.
4.2 Dat die Gemeentedienste-netwerk (GDN) ontwikkel word as 'n netwerk wat hierdie steun kan
koördineer.
4.3 Dat gemeentes wat nie reeds daarmee besig is nie, aangemoedig word om deur 'n proses van
roepingsonderskeiding te gaan. Die wesenlike elemente van so 'n proses is gebed, luister na die Woord en
na mekaar, en 'n analise van die nood in die omgewing as 'n aanduiding van hierdie roeping.
4.4 Dat die ADGB binne sy opdrag en in samewerking met die moderamina en/of die betrokke sinodale
kommissies of diensgroepe wat fokus op gemeentes, ook hieraan aandag gee.
1.1.3 Roepingsverbintenis
Om n gemeentedienste-netwerk te help uitbou van waaruit ons gemeentes prakties gehelp en ondersteun
kan word om op konkrete maniere by die genesing van ons lande betrokke te raak.
2. VERLOOP
2.1 BOSBERAAD 2004
By die bosberaad van die diensgroepe in 2004, is GDN ingeskakel by ADGO (die naam het van ADGB na
ADGO verander) en het een van die projekte van ADGO geword, met die verslag wat voor die Algemene
Sinode 2004 gedien het, as riglyn.
2.2 UITKOMSTE 2005
Met n borgskap van Bybel-Media, kon tyd van dr Chris van Wyk uitgekoop word by sy gemeente
Somerstrand om GDN se kantoorfunksie en oproepsentrum te vestig. Die belangrikste uitkomste van 2005
was as volg (detail in verskeie verslae aan ADGO en GDN op navraag beskikbaar):
2.2.1 Vestiging van n kantoor (tel 0415836438)
2.2.2 Publikasie van 3 uitgawes van die gratis tydskrif Kruisgewys aan alle NG Kerk en VG Kerk
(Kaapland) predikante
2.2.3 2 forums vir die 19 lede van die netwerk
2.2.4 Vestiging van n webtuiste (www.gemeentes.co.za)
2.2.5 Navorsing, ontwerp en begeleiding van n publikasieprogram vir die Seisoen van Luister
2.2.6 Begeleiding van gemeentes rondom roepingsvernuwing deur fasiliteerders in die netwerk
2.2.7 Opstel van n reglement
2.3 SKAKELING MET TAAKGROEP MEDIA EN KOMMUNIKASIE (TKM)
Op 18 November 2005 neem die Taakgroep Media en Kommunikasie verreikende besluite oor GDN. Die
subsidiëring van Kruisgewys word teruggetrek. Na onderhandelinge, onder andere via die Moderatuur van
die Algemene Sinode, kon die derde Kruisgewys, wat reeds persklaar was, wel later die lig sien in
Februarie 2006, maar alle verdere uitgawes van Kruisgewys is gestaak. Dit het die kommunikasie van
GDN met die predikante van die NG Kerk en die VG Kerk Kaapland ernstig gestrem.
2.4 UITKOMSTE 2006
Die borgskap van Bybel-Media aan GDN, via ADGO, kon vir nog een jaar verleng word en die dienste van
dr Chris van Wyk vir nog n jaar by sy gemeente uitgekoop word. Die belangrikste uitkomste van 2006 was
as volg (detail in verskeie verslae aan ADGO en GDN op navraag beskikbaar):
2.4.1 Bedryf van die kantoor
2.4.2 Meningsopname rondom die voortbestaan van Kruisgewys
GDN het in onderhandelinge met ADGO, TKM en ADD gegaan oor die voortbestaan van Kruisgewys. Daar
is ooreengekom dat n meningsopname deur Kerkspieël gedoen moet word, voordat na verdere uitgawes
gekyk kon word. Dié opname in die eerste kwartaal 2006, het die volgende resultate gelewer (volledige
meningsopname op die webtuiste http://www.gemeentes.co.za/Pdf/Kruisgewys_meningsopname.pdf ):
2.4.2.1 Kruisgewys word graag gelees
2.4.2.2 Kruisgewys help predikante in hulle bediening
ÌÓÓ