Verslag - NG Kerk in Oos-Kaapland

*2 Onsedelike optrede soos pedofilie
*3 Owerspel en Huweliksontrou
*4 Aanranding
*5 Ernstige diefstal of bedrog
4.2.3.2 Die riglyn vir voorgestelde aksie:
In alle gevalle moet inkorting van bedieningsbevoegdheid oorweeg word.
5. VERSWARING EN VERSAGTING
5.1 OORWEEG DIE KONTEKS
Wanneer die tribunaal / ad hoc-ondersoekliggaam oor spesifieke maatreëls moet besluit, moet hy hom van
omstandighede rondom die oortreding vergewis. Sodanige omstandighede kan tot gevolg hê dat ligter of
swaarder maatreëls toegepas moet word. `n Aantal praktiese situasies word hier ter illustrasie genoem.
*1 Die mate waarin die persoon sy aandeel in die situasie wat tot die optrede gelei het erken, moet
beoordeel word. Het die persoon berou oor sy optrede en nie net oor die dilemma nadat hy/sy uitgevang
is nie? Probeer hy om skuld op ander te projekteer? Die persoon wat sy aandeel erken en egte berou oor
sy optrede het, behoort sagter hanteer te word.
*2 Iemand wat besef dat sy/haar optrede skade gedoen het en probeer om die skade te herstel, behoort
daarvoor erkenning te kry.
*3 Sommige fisiologiese of psigiese toestande kan `n persoon se optrede beïnvloed. Daar moet bepaal
word of `n toestand soos byvoorbeeld diabetes, depressie of bipolêre versteuring aanwesig is. So `n
mediese toestand kan versagting tot gevolg hê maar die tribunaal sal moet oordeel of `n ondersoek na
gebrekkige bedieningsvaardigheid nie dalk geregverdig nie.
*4 Die mate waarin die persoon deur eksterne faktore tot die onaanvaarbare optrede gedryf is, moet in
gedagte gehou word. `n Woede-uitbarsting, byvoorbeeld, kan die gevolg van uittardende optrede van
ander wees.
*5 Indien `n leraar se onaanvaarbare optrede uit die misbruik van `n vertrouensposisie gespruit het, moet
dit as verswarend gereken word. (Voorbeelde: `n leraar wat `n lidmaat beïnvloed om geld aan hom/haar te
gee; `n beradingsituasie wat tot `n verhouding lei).
*6 Die feit dat `n leraar in `n voorbeeldposisie in die gemeente staan, moet in ag geneem word en die
impak wat die optrede/insident op die leraar se geloofwaardigheid het, moet beoordeel word. (Voorbeeld:
kan `n leraar wie se huwelik verbrokkel het nog geglo word as hy/sy vertel dat `n gesonde huwelik `n
Bybelse eis is?)
*7 `n Belangrike vraag veral by die beoordeling van opskorting of die intrek van bedienings-bevoegdheid
is die mate waarin n persoon n risiko vir die bediening is. Die moontlikheid dat hy/sy weer skade kan
aanrig, moet deeglik oorweeg word.
5.2 BEROU, TUG EN DISSIPLINE
Waar berou en herstel van verhoudinge primêr by die beoordeling of opheffing van tugmaatreëls is, speel
dit `n heelwat kleiner rol by dissiplinêre maatreëls. `n Leraar, al het hy/sy egte berou oor sy optrede, kan
steeds `n maksimum straf kry as sy optrede van so `n aard is/was dat die sy/haar geloofwaardigheid as
leraar wesenlik afgetakel is.
5.3 PRESEDENTE
Dit is belangrik dat tug- en dissiplinêre maatreëls deurlopend eenvormig toegepas word. `n Tribunaal moet
voor die finale besluit oor maatreëls homself eers op hoogte stel van die maatreëls wat in soortgelyke
gevalle toegepas is. Die nodige inligting hieroor kan van die Algemene Tribunaal verkry word.
2. TERMYNPOSTE / PASTORALE HULPE / KERKORDE ART.11
Sien aanvullende verslag van die ATR aan die Algemene Sinode.
3. TUG OOR DOSENTE EN STUDENTE
Sien aanvullende verslag van die ATR aan die Algemene Sinode.
4. INSKAKELING OOR GEMEENTEGRENSE
4.1 OPDRAG
1. Die Algemene Sinode 2002 het besluit:
Die Algemene Sinode verwys die hele saak van "Inskakeling oor Gemeentegrense" en "Kerklidmaatskap"
ook na en AKG(sameroeper) en ATR vir deeglike studie oor die implikasies daarvan - veral ten opsigte van
die kerkbegrip ter sprake - met verslag aan die volgende Algemene Sinode.
2. Vanweë die implikasie van hierdie besluit van die Algemene Sinode in die lig van Art. 10 van die
Kerkorde (1998) en die NGB art. 16, versoek die TRK die Algemene Sinode om die hele verslag van die Ad
ÌÌË