Verslag - NG Kerk in Oos-Kaapland

*2 Uitsaaityd en die koste aan die maak van programme word net te duur vir die NG Kerk. Verskillende
opsies om tog n tydsgleuf êrens op die radio en die televisie te kry, word gereeld oorweeg en behoort die
ernstige aandag van die Algemene Sinode te geniet. Samewerking met ander instansies is hier dringend
noodsaaklik en die ontwikkeling van n vervaardigingspan soos MEMA by Bybelmedia moet ondersteun en
uitgebou word, as ons n impak op die godsdienstige en sekulêre mark wil maak.
*3 Digitale produksies en uitsendings is beslis goedkoper en makliker om te versprei. Podcasting en
ruimtes soos youtube, ens bied geleentheid aan veral plaaslike gemeentes om die evangelie wêreldwyd te
verkondig.
8.8.9 Advertensie en bemarking
*1 Alhoewel die woorde vreemd op kerklike ore val, is dit n belangrike element in die openbare
bewusmaking van die evangelie en die kerk se werkplekke. Advertensie skep n beeld van n kerk en vestig
op uiters doeltreffende wyse die aandag op kerklike standpunte en aktiwiteite, soos bv n VIGSondersteuningsveldtog.
Die direktoraat kommunikasie moet die versigtige gebruik van die magtige media
van tyd tot tyd oorweeg. Die Anglikaanse Kerk loods reeds n paar jaar n Kersfees-advertensieveldtog met
groot sukses, sonder om in kommersialisering te verval. Bemarking van die kerk mag nooit die motivering
wees nie, maar wel die verkondiging van die evangelie.
*2 Die direktoraat, in samewerking met Bybel-Media, bestee baie energie aan bemarking. Impakstudies,
effektiewe veldtogte, ens word in die vooruitsig gestel en kan die kerk baie help in n effektiewe
kommunikasiebedryf. Die NG Kerk was ook vanjaar naas die plaaslike gemeentes se aktiwiteite by die
KKNK, teenwoordig waar LIG en Bybel-Media deur middel van verskillende aksies en die borg van
produksies die Christelike getuienis gedien en seker gemaak het dat Paasfees nie ongemerk op die fees
verbygaan nie.
8.9 AANBEVELINGS: KOMMUNIKASIE
8.9.1 Die Algemene Sinode herbevestig die noodsaaklikheid van kommunikasie en begroot vir die
Direktoraat Kommunikasie en aanvaar die strategiese plan as breë riglyn waarmee die direktoraat
moet werk.
8.9.2 Die Algemene Sinode dra dit aan die ASM en die TKM op om steeds te soek na groter
koördinering van funksies en die beter benutting van mannekrag ten einde die interne en eksterne
kommunikasiepotensiaal van die NG Kerk maksimaal te ontgin.
8.9.3 Die Algemene Sinode neem kennis van die beperkte oplaag van Kerkbode en dra dit aan die
ASM op om alle moontlikhede tot beter interne kommunikasie te ondersoek en te implementeer.
8.9.4 Die Algemene Sinode ondersteun die bestaansreg van LIG en moedig alle gemeentes aan om
die Christelike gesinstydskrif in Afrikaans te ondersteun, te bemark en by wyse van grootskaalse
intekening te help uitbou.
8.9.5 Die Algemene Sinode begroot vir die instandhouding van die webwerf en dra dit aan die
Direktoraat Kommunikasie op om die webwerf verder te ontwikkel en ook ander digitale
kommunikasiemoontlikhede te ontgin.
ÔÔ