Verslag - NG Kerk in Oos-Kaapland

A.3.3 VERSLAG VAN DIE ALGEMENE DIENSGROEP DIENS EN
GETUIENIS: BEDIENING
1. PUBLIKASIES EN STUDIESTUKKE
(Handelinge 2004:366 pt.8.9.2)
1. Die Algemene Sinode dra dit aan die AKGA op om, in oorleg met die Taakspan Media, daadwerklik mee
te werk aan die daarstel van gesamentlike publikasies.
2. Die Sinode dra dit aan die AKGA en die Taakspan Media op om wyses te ondersoek waarop nouer
skakeling en samewerking ten opsigte van die amptelike publikasies van die onderskeie kerke
bewerkstelling kan word.
1.1 Die uitvoering van die opdragte het tot dusver veral neerslag gevind in die voorbereiding van die
materiaal vir Week van Gebed en Pinkster. Sowel die taakspanne as die redaksionele komitees van beide
projekte is saamgestel uit verteenwoordigers van die ADD en die ADGO, asook verteenwoordigers van die
ander drie kerke.
1.2 Bybelmedia het aangebied om vanaf April 2007 op gereelde basis n bladsy in die Kerkbode te borg vir
die bekendstelling en bevordering van die kerk se Diens en Getuienis. Dr Van Deventer is aangestel as die
koördineerder van hierdie projek.
1.3 Die ADD het die behoefte aan n nuwe teologiese handboek vir Diakonaat en Missiologie wat Diens en
Getuienis (missionêre diakonaat) as vertrekpunt het, geïdentifiseer. Na gesprekke met CLF en ISWEN is
besluit dat die publikasie onder die vaandel van ISWEN ontwikkel sal word en dat CLF die aanvanklike
koste sal borg. n Klein redaksionele komitee van kundige persone wat verteenwoordigend van
verskillende teologiese dissiplines,sowel as die kerke in die NG Kerkfamilie is, is saamgestel. Daar is
verder besluit om n paneel van skrywers uit sowel die teologiese opleidingsentra as die verskillende kerke
in die NG Kerkfamilie te nooi om in die projek saam te werk.
2. SONDAG VIR BARMHARTIGHEID
2.1 Die Sondag vir Barmhartigheid is vroeër deur die Algemene Sinode van die VGKSA goedgekeur as n
projek vir die VGKSA wat fokus op die kerk se barmhartigheidsbediening en om betrokkenheid daarby in
gemeentes te bevorder. Toe die projek deur die VGKSA begin is, was dit deel van n breër ekumeniese
projek. Op grond van die destydse poging om n Verenigde Kommissie vir Diakonaat daar te stel, is die
Moderatuur versoek om dit goed te keur dat die NG Kerk by die projek betrokke raak. Die afgelope twee
jaar is die projek via die sinodes aan gemeentes bekendgestel en n aantal gemeentes het hierby betrokke
geraak. Die nuutgestigte Verenigde Diensgroep vir diens en getuienis sien die projek as n geleentheid om
gemeentes te help met die ontwikkeling van hulle eie Diens en Getuienis en dit kan ook n goeie
geleentheid wees om samewerking tussen gemeentes van die NG Kerkfamilie in n spesifieke gemeenskap
te bevorder. Aangesien die VGKSA goedgekeur het dat die projek jaarliks in Augustus aangepak word en
die Sondag vir Barmhartigheid dan op die laaste Sondag van die maand gevier word, het die ADD dit ook
so by Sinodes en gemeentes aanbeveel. Dit is egter so dat die laaste Sondag vir Barmhartigheid in die NG
Kerk gesien word as Bybelsondag. Daarom het die ADD met die VGKSA hieroor in gesprek getree en daar
is ooreengekom dat dit gemeentes vry staan om die Sondag vir Barmhartigheid op enige Sondag in
Augustus te vier.
2.2 AANBEVELING: SONDAG VIR BARMHARTIGHEID
Die Algemene Sinode versoek sinodes om gemeentes aan te moedig om betrokke te raak by die
Sondag vir Barmhartigheidprojek.
3. WêRELDBEKER-SOKKERTOERNOOI 2010
3.1 Die Verenigde Diensgroep Diens en Getuienis het betrokke geraak by die Suid-Afrikaanse Sport
Koalisie (SASCOL), n struktuur wat op die been gebring is om evangelisasieprogramme tydens die
Wêreldbeker-sokkertoernooi in 2010 te koördineer.
3.2 AANBEVELING: WêRELDBEKER-SOKKERTOERNOOI 2010
Die Algemene Sinode dra dit aan die ADD op om gereeld tersaaklike inligting in die verband aan
sinodes te stuur en aan sinodes leiding te gee oor hoe gemeentes by die projek betrokke kan raak.
ÌÓÏ