Verslag - NG Kerk in Oos-Kaapland

Enige van die regsentiteite van die kerk kan dus regsaanspreeklik gehou geword word indien:
a) opgetree word binne die gesag wat daaraan toegeken word
b) besluite geneem word tydens wettig gekonstitueerde vergaderings
c) deur die uitvoering van opdragte deur die orgaan daartoe gemagtig in amptelike hoedanigheid
(middellike aanspreeklikheid)
3. Gevolgtrekking
n Meerdere vergadering kan dus alleen regsaanspreeklik gehou word vir die optrede/handelinge van n
mindere vergadering wanneer die mindere vergadering:
a) Binne die gedelegeerde gesag aan hom toegeken, optree en daardie gesag regtens nie toegeken
kon word nie. (Die meerdere vergadering kon dus in die eerste plek nie die gesag na n mindere
vergadering delegeer nie).
b) Besluite/opdragte van die meerdere vergaderings wat op die mindere vergadering van toepassing
is, uitvoer
c) Middellike aanspreeklikheid wanneer n werknemer/amptenaar/ kommissie in die uitvoering van sy
opdrag onregmatig optree (aktuarii is sprekende voorbeeld wanneer bv. regsadvies gegee word).
4. Meganismes vir die beperking van regsaanspreeklikheid
Die volgende meganismes sal meehelp om die effek wat die handelinge van mindere vergaderings op
meerdere vergadering mag hê, te beperk:
a) Duidelike omskrywing van wat verstaan word met die inhoud van artikel 20.1 en 20.2 in terme van die
gesag wat aan elke vergadering verleen word
b) Duidelike formulering van die gesag wat van n meerdere vergadering aan n mindere vergadering
gedelegeer word.
c) Duidelik omskrewe en geformuleerde opdragte wat meerdere vergaderings aan mindere vergaderings
gee
5. Slot
n Meerdere vergadering kan dus net aanspreeklik gehou word vir handelinge van mindere vergaderings in
soverre die mindere vergadering:
a) optree binne die gedelegeerde gesag aan die vergadering toegeken
b) opdragte van die meerdere vergadering uitvoer
As algemene opmerking kan regsaanspreeklikheid se beginsels afgelei word uit die deliktereg as deel van
die privaatreg. Dit beteken n delik (onregmatige daad) is n handeling van n persoon/orgaan wat op
onregmatige (dit wil sê regtens onregmatig) en skuldig (dit wil sê regtens verwytbaar) op n wyse nadeel
(skade) aan n ander persoon/organisasie veroorsaak
Middellike aanspreeklikheid beteken dat n werkgewer aanspreeklik gehou word vir enige skade wat op
strafbare wyse deur een van sy werknemers veroorsaak is in die loop van en binne die bestek van sy
diens. Die werknemer se optrede word dus aan die werkgewer toegeskryf.
AANBEVELING:
Die Algemene Sinode versoek die ATR om verdere aanbevelings te doen met betrekking tot:
1. Duidelike omskrywing van wat verstaan word met die inhoud van artikel 20.1 en 20.2 in terme van
die gesag wat aan elke vergadering verleen word.
2. Duidelike formulering van die gesag wat van n meerdere vergadering aan n mindere vergadering
gedelegeer word.
5. OORGANG NA NUWE WERKWYSE
5.1 Die Algemene Sinode 2004 het besluit: Die Sinode gee aan die ASK/Leiersgroep opdrag om:
met behulp van die huidige dagbestuur van die Taakspan vir Strategie, Kommunikasie en Stelsels die
oorgang te beplan en waar moontlik te implementeer;
in oorleg met die ATR voorstelle vir die wysiginge van Kerkorde-artikels (onder andere Artikels 43, 45, 46,
50-56) wat vir die nuwe wyse van funksionering nodig is, voor te berei vir voorlegging aan die Algemene
Sinode van 2006.
5.2 Die ATR-DB 02, 03 en 05 het besluit om die insette van die Moderamen in te wag voor ons verdere
aksie sal neem.
5.3 Die volgende stuk is van dr Niemandt ontvang:
WERKSWYSE ALGEMENE SINODE
1. Opdrag
Die Algemene Sinode gee aan die ASK/Leiersgroep opdrag om:
met behulp van die huidige dagbestuur van die Taakspan vir Strategie, Kommunikasie en Stelsels die
oorgang te beplan en waar moontlik te implementeer;
en in oorleg met die ARK voorstelle vir die wysiginge van Kerkorde-artikels (onder andere Artikels 43, 45,
46, 50-56) wat vir die nuwe wyse van funksionering nodig is, voor te berei vir voorlegging aan die
Algemene Sinode van 2006.
ÏÍ