Verslag - NG Kerk in Oos-Kaapland

as dat geslagsverskille op geen manier verdeeldheid mag bring tussen gelowiges nie, maar dat almal in
Christus gelyke status voor God het. Die klem val op die gelyke status voor God waarin die een geslag nie
die ander mag domineer nie.
Die manier waarop hierdie beskouing in die huwelik neerslag vind, is in die vorm van n
vennootskapshuwelik waarin die rolverdeling tussen man en vrou nie goddelik gesanksioneer is nie maar in
elke huwelik tussen twee gelykes onderhandel word. Voorbeelde van hierdie beskouing is die posisie van
die talle hoofstroomkerke in die Weste waarin vrouens tot alle ampte in die kerk toegelaat is en die huwelik
as n verhouding tussen gelyke vennote beskou word.
In die NG Kerk vind ons tans n diskrepansie tussen die posisie van vroue in die kerklike strukture ( n
egalitêre beskouing waar vrouens op elke vlak as gelykes van mans kan funksioneer) en n komplementêre
teologie van die huwelik waarin die man as die dominante figuur gesien word. n Groot hoeveel materiaal
oor die huwelik (in die vorm van kursusse, boeke en sprekers) wat tans in die NG Kerk gebruik word, kom
uit die VSA en is n uitdrukking van die komplementêre beskouing en soms ook die patriargalisme.
* Ons verstaan dat daar n diversiteit van beskouinge bestaan. n Goeie debat behoort egter plaas te vind
oor die komplementêre teenoor die egalitêre sienings van man en vrou in die huwelik met die oog daarop
om uit te klaar watter teologie in ons huweliksformuliere gebruik sal word.
* n Alternatiewe huweliksformulier(e) wat die egalitêre beskouing weerspieël behoort geskryf te word.
* Predikante behoort ook versigtigheid aan die dag te lê wanneer kursusmateriaal vir huwelikseminare
gekies word. Hulle behoort die tipe teologie wat n bepaalde skrywer of kursus voorstaan, aan paartjies uit
te wys.
ÔÌÁ