Verslag - NG Kerk in Oos-Kaapland

3. BELEGGINGSBELEID EN STRATEGIE
3.1 OPSOMMING
Die bestuur van die Beleggings van die Algemene Sinode van die NG Kerk is baie belangrik, aangesien die
inkomste uit die opbrengs daarvan voortdurend deel uitmaak van die bedryfsuitgawes van die Algemene
Sinode. As gevolg van hierdie verantwoordelikheid is dit dus belangrik om n beleggingsbeleid daar te stel,
wat die riglyne en beginsels waaronder die beleggings deur die Algemene Sinode bestuur moet word, sal
bepaal. Alle deelnemende rolspelers moet voldoen aan die beginsels, soos aanvaar in die
Beleggingsbeleid. Die Beleggingsbeleid is n lewende dokument en kan op n jaarlikse basis aangepas
word om aan die behoeftes van die Algemene Sinode te voldoen.
3.2 DOELWIT VAN DIE BELEGGINGSBELEID
Die doelwit van die Beleggingsbeleid is om die Algemene Sinode te ondersteun in die effektiewe monitering
en bestuur van die beleggingsfonds deur middel van die volgende:
3.2.1 Hierdie dokument onderskryf die verwagtinge, doelwitte en riglyne van die Algemene Sinode.
3.2.2 Hierdie dokument vertaal die verwagtinge, doelwitte en riglyne van die Algemene Sinode in n
beleggingsopbrengs, waarin onderskei word tussen kort-, medium- en lang-termyn opbrengs.
3.2.3 Die daarstel van n beleggingstruktuur wat die bates van die Algemene Sinode kan bestuur op n
effektiewe manier, sodat diversifikasie en risikoverspreiding, sowel as n effektiewe langtermynopbrengs
van die beleggings bereik en bepaal kan word.
3.2.4 Die daarstel van riglyne om moontlike beleggingskonsultant(e) en beleggingsbestuurder(s) te kan
gebruik.
3.2.5 Om effektiewe kommunikasie tussen die Algemene Sinode, die beleggings-konsultant(e) en die mark
te bewerkstellig.
3.2.6 Die daarstel van kriteria waarvolgens die Algemene Sinode se beleggingsopbregste op n gereelde
basis moniteer en evalueer kan word.
3.2.7 Om te verseker dat daar aan alle regsaspekte en fidusiêre verantwoordelikhede, sowel as effektiewe
bestuur uiting gegee word.
3.2.8 Om kriteria daar te stel waavolgens die opbrengs in terme van die volgende gemeet kan word:
Een: Opbrengs wat jaarliks in die lopende begroting gebruik kan word.
Twee: Opbrengs waarmee die reserwes uitgebou kan word.
Drie: Opbrengs waarmee die bydraes van Sinodes tot die begroting verminder kan word.
3.2.9 Die reserwes word opgebou om voorsiening te maak vir die volgende:
Een: Onvoorsiene ontwikkelings en uitgawes.
Twee: Reserwes moet ook voorsiening maak vir onverwagte marktoestande wat beleggingsopbrengste
negatief beïnvloed.
Drie: n Daling in bydrae vanaf die Sinodes.
3.3 RIGLYNE VAN DIE BELEGGINGSBELEID
3.3.1 Tydsbepaling - daar is twee oorwegings:
Een: Kontantvloei. As gevolg van die bedryfsbehoefte, is dit noodsaaklik dat voldoende fondse in n
bateklas belê word, wat kontantfondse beskikbaar stel, sodat die nodige maandelikse aanvullings
gedoen kan word, om die bedryfsbehoefte te ondersteun.
Twee: Opbou van reserwefondse. n Fonds is net so sterk en kan net soveel diens lewer, soos wat
die reserwes dit toelaat en daarom is hierdie aspek van kritiese belang om n effektiewe langer
termynvisie te kan befonds. Daarom het die Algemene Sinode in 2004 bepaal dat minstens 25% van die
jaarlikse beleggingsinkomste gekapitaliseer mag word (Vergelyk punt 2.3.3.2 hierbo).
3.3.2 Risiko Toleransie
3.3.2.1 Die bestuur van risiko is vir die Algemene Sinode van uiterste belang en dit moet n baie hoë
prioriteit geniet in die samestelling van verskillende tipes bateklasse.
3.3.2.2 Aangesien die Algemene Sinode n organisasie is wat met trustgeld funksioneer om hulle
doelstellings te bereik, kan allokasie oor n spektrum geskied vanaf verskanste risiko tot n hoër mate van
risiko, solank die Algemene Sinode op n ingeligte en verantwoordbare wyse die bates kan bestuur.
3.3.3 Fonds verantwoordelikheid
Die belangrikste doelwit van die fondse is om die verantwoordelikhede na te kom ten opsigte van die
beginsels, soos vervat in die Kerkorde, asook die Verklaring van 2002 en die Verbintenis van 2004. Die
beleggingsfunksie word juis só gestruktureer om die doelwitte te bereik. Aangesien die finansiële
verpligtinge n voortdurende verpligting is, moet die beleggingsopbrengs te same met jaarlikse inflasieaanpassing,
voldoende wees om die groeiende uitgawes van die Algemene Sinode te befonds. (Hierdie is
die verwagting oor die die kort-, medium- en lang-termyn van die opbrengs van die fondse.)
ÏÁ