Verslag - NG Kerk in Oos-Kaapland

MODERAMEN BYLAAG 1
VERSLAG: TAAKGROEP VIR DIVERSITEITSBESTUUR
1. FUNKSIONERING VAN TAAKGROEP
Die ASM was in opdrag van die Algemene Sinode voortdurend deur sy taakgroep besig om nadenke en
gesprekke rondom Geslagsgelykheid en Diversiteit te stimuleer. In verkennende gesprekke het die
volgende merkers na vore gekom:
1.1 NAAM EN SAMESTELLING
Die Taakgroep het in die verlede bekend gestaan as Kommissie vir Geslag-en-Diversiteit. Die ASM het
egter geoordeel dat geslag geïmpliseer word in die groter gesprek oor Diversiteit. Terwille van groter
ruimte en positiewe groei is op Taakgroep vir Diversiteitsbestuur besluit. Die ASM het op 19/06/2007 in
die lig hiervan die taakgroep hersaamgestel met die volgende lede: Elsje Büchner (Sameroeper), Johan
Pienaar (Proseskoördineerder), Lizl-Louise Schoeman (Skriba), Dieter de Bruin, Julian Müller, Stefan
Joubert, Zerilda Nel en Kobus Schoeman
1.2 TREFWYDTE VAN DIE GESPREK
Die gesprek is breër as net die fokus op die
verskillende belange van mans en vrouens. Die gesprek oor diversiteit kan en moet onder andere die
volgende insluit: geslag, ouderdom, spiritualiteit, ras, potensiaal (gestremdes), ens. Besondere aandag
moet aan geslagsdiversiteit gegee word.
1.3 PLASING VAN DIE GESPREK BINNE DIE KERKVERBAND
Viering van ons diversiteit hoort saam met ander kernwaardes soos Belydenis, Ekumenisiteit en Eenheid.
Dit beteken dat die gesprek by geleentheid sal inspeel op ander bedieningsterreine van die kerk. Die ASM
sal die plek wees waar die koördinering in die eerste instansie moet plaasvind.
1.4 TEOLOGIESE REFLEKSIE
n Teologiese verstaan van diversiteit moet as basis dien vir enige toekomstige gesprekke.
1.5 SEISOEN VAN LUISTER
Die Seisoen van Luister skep n geleentheid vir lidmate van die NG Kerk om opnuut na die verskillende
stemme in die kerk te luister en om vanuit die luister groter begrip vir mekaar se unieke bydrae te
ontwikkel.
1.6 PROSES
Die opdrag van die Taakgroep is nie om projekte of programme te inisieer nie. Die fokus moet eerder wees
op n proses waardeur nadenke oor diversiteit gestimuleer word en sinodes gehelp word om gemeentes
aan te moedig om Bybelse waardes uit te leef in hul viering van diversiteit. In die volgende model sien die
taakgroep sy opdrag by 1 en 5 van die model:
5 stadiums van
besluitneming
1. Kennis -bewus
word van en verstaan
van nuwe saak
3. Besluit - aanvaar
of verwerp die
nuwe saak
2. Oorreding- positiewe
of negatiewe houding
teenoor die nuwe saak
ÔÌÌ
5. Bevestiging -
soek bevestiging of
verandering van besluit
4. Implementering
begin die nuwe saak
gebruik